Mavzu:
Mutasaddilar elektr uchun 200 kilovattlik limitning o'rnatilishi energiya tejalishiga sabab bo'ladi deyotgan bo‘lsa, ayrim tahlilchilar bu yo‘l bilan masalaga yechim topib bo‘lmasligini aytishmoqda.
Yurtimizda elektr tokida uzilishlar bo'layotgani bois 200 kilovattlik limit o'rnatildi. Bu esa aholi orasida ko'plab munozaralarga sabab bo'lmoqda. Mutasaddilar cheklov haqidagi hukumat qarori chiqqach, energiya sarfi sezilarli darajada kamayganini e'tirof etayotgan bir paytda bir guruh faollar davlatimiz energiya resurslarini ko'paytirish choralarini ko'rishi lozimligini aytmoqdalar.
Xo'sh, aslida, qaysi tomon fikrlari o'rinli?
Elektr energiyasi uchun subsidiyali davlat cheklovi o'rnatilishini yoqlovchi tomon o‘z fikrlarini shunday asoslaydilar. Bor - boricha, yo‘q - holicha deganlaridek, ayrim iqtisodi baquvvat oilalar katta maydonga qurilgan uylarining hech kim kirmaydigan xonalari, hashamatli basseynlarini (garchi hududda markaziy isitish tizimi bo‘lsa ham) tok bilan(issiq pol) isitmoqdalar. Cheklovlar bu kabi holatlarni bartaraf etadi. Bundan tashqari, tadbirkorlarning tunda mijozlarni jalb etish maqsadida behisob yoritish moslamalaridan foydalanishiga barham beriladi. Axir, ular bir kun sarflagan energiya oddiy oilaning bir necha kunlik eng zaruriy ehtiyojlariga asqatishi mumkin. Darhaqiqat, uyimiz yaqinidagi do'kondor qaror kuchga kirgach, ancha tejamkorlikka rioya qilayotganini aytdi.
Shunga qaramay, ayrim tahlilchilar bu cheklovlar masalaga yechim bo‘la olmasligini aytishmoqda. Ularning fikricha, bunday yo‘l kishilarni tejamkorlikka undashi bilan bir qatorda tarmoqqa noqonuniy ulanishlarning ko'payishiga ham sabab bo‘lishi mumkin. Kundan kunga aholi soni o'sib borar ekan, energiyaga talab ham mutanosib tarzda yuqorilashi tabiiy. Shu bois hukumat energiya manbalarini ko'paytirish, qayta tiklanuvchi energiya sohasini takomillashtirish choralarini ko‘rishi, shuningdek, quyosh panellari, shamol elektrostansiyalari kabi loyihalar uchun ko'proq sarmoya ajratishi lozim. Shundagina qishning qirovli kunlarida tok uzilishi bilan bog'liq muammolarga duch kelmaymiz. Hozirda quyosh panellari o'rnatilgan svetaforlar, ko‘cha chiroqlari muqobil energiyaning afzalliklariga yaqqol dalildir.
Fikrimcha, jahon tajribasiga tayanib energiya resurslarini ko‘paytirish choralarini izlash ancha samaraliroq. Qolaversa, shu sohadagi olimlarga quloq tutish, ularning erkin tadqiqot qilishiga sharoit yaratish ham mavjud vaziyatning o‘nglanishiga yordam beradi.
Xulosa shuki, energiya ta'minotida uzilishlar bo‘lmasligi uchun borini tejash, yo‘g'ini izlash kerak. Buning uchun turli cheklov, jarima kabi iqtisodiy choralar emas, balki muqobil energiya sohasini rivojlantirish, tegishli sohalarga chet el investitsiyasini jalb qilish, ayni faoliyat bilan shug'ullanayotgan tadbirkorlarga imtiyozlar berish, davlat subsidiyalarini ajratish orqali ko‘zlangan maqsadga erishish mumkin.
Eng ogʼriqli nuqtalar
https://t.me/ona_tili_tayyorlash_attestatsiya
Mutasaddilar elektr uchun 200 kilovattlik limitning o'rnatilishi energiya tejalishiga sabab bo'ladi deyotgan bo‘lsa, ayrim tahlilchilar bu yo‘l bilan masalaga yechim topib bo‘lmasligini aytishmoqda.
Yurtimizda elektr tokida uzilishlar bo'layotgani bois 200 kilovattlik limit o'rnatildi. Bu esa aholi orasida ko'plab munozaralarga sabab bo'lmoqda. Mutasaddilar cheklov haqidagi hukumat qarori chiqqach, energiya sarfi sezilarli darajada kamayganini e'tirof etayotgan bir paytda bir guruh faollar davlatimiz energiya resurslarini ko'paytirish choralarini ko'rishi lozimligini aytmoqdalar.
Xo'sh, aslida, qaysi tomon fikrlari o'rinli?
Elektr energiyasi uchun subsidiyali davlat cheklovi o'rnatilishini yoqlovchi tomon o‘z fikrlarini shunday asoslaydilar. Bor - boricha, yo‘q - holicha deganlaridek, ayrim iqtisodi baquvvat oilalar katta maydonga qurilgan uylarining hech kim kirmaydigan xonalari, hashamatli basseynlarini (garchi hududda markaziy isitish tizimi bo‘lsa ham) tok bilan(issiq pol) isitmoqdalar. Cheklovlar bu kabi holatlarni bartaraf etadi. Bundan tashqari, tadbirkorlarning tunda mijozlarni jalb etish maqsadida behisob yoritish moslamalaridan foydalanishiga barham beriladi. Axir, ular bir kun sarflagan energiya oddiy oilaning bir necha kunlik eng zaruriy ehtiyojlariga asqatishi mumkin. Darhaqiqat, uyimiz yaqinidagi do'kondor qaror kuchga kirgach, ancha tejamkorlikka rioya qilayotganini aytdi.
Shunga qaramay, ayrim tahlilchilar bu cheklovlar masalaga yechim bo‘la olmasligini aytishmoqda. Ularning fikricha, bunday yo‘l kishilarni tejamkorlikka undashi bilan bir qatorda tarmoqqa noqonuniy ulanishlarning ko'payishiga ham sabab bo‘lishi mumkin. Kundan kunga aholi soni o'sib borar ekan, energiyaga talab ham mutanosib tarzda yuqorilashi tabiiy. Shu bois hukumat energiya manbalarini ko'paytirish, qayta tiklanuvchi energiya sohasini takomillashtirish choralarini ko‘rishi, shuningdek, quyosh panellari, shamol elektrostansiyalari kabi loyihalar uchun ko'proq sarmoya ajratishi lozim. Shundagina qishning qirovli kunlarida tok uzilishi bilan bog'liq muammolarga duch kelmaymiz. Hozirda quyosh panellari o'rnatilgan svetaforlar, ko‘cha chiroqlari muqobil energiyaning afzalliklariga yaqqol dalildir.
Fikrimcha, jahon tajribasiga tayanib energiya resurslarini ko‘paytirish choralarini izlash ancha samaraliroq. Qolaversa, shu sohadagi olimlarga quloq tutish, ularning erkin tadqiqot qilishiga sharoit yaratish ham mavjud vaziyatning o‘nglanishiga yordam beradi.
Xulosa shuki, energiya ta'minotida uzilishlar bo‘lmasligi uchun borini tejash, yo‘g'ini izlash kerak. Buning uchun turli cheklov, jarima kabi iqtisodiy choralar emas, balki muqobil energiya sohasini rivojlantirish, tegishli sohalarga chet el investitsiyasini jalb qilish, ayni faoliyat bilan shug'ullanayotgan tadbirkorlarga imtiyozlar berish, davlat subsidiyalarini ajratish orqali ko‘zlangan maqsadga erishish mumkin.
Eng ogʼriqli nuqtalar
https://t.me/ona_tili_tayyorlash_attestatsiya