Фарзандларимизга қувонч бағишлаган ташкилотчиларга раҳмат

🎅Маълумки, комбинат раҳбариятининг ташаббусига кўра, Янги йил байрами муносабати билан Бўстонлиқ туманидаги “Санта-Клаус қишлоғи” номли кўнгилочар паркида ташкил этилган турли хил эртак қаҳрамонлари иштирокидаги театрлаштирилган томошаларга комбинат ишчи-ходимларининг фарзандларини ҳам олиб бориш йўлга қўйилди.

❄️Бу каби эътибордан мамнун бўлган ишчи-ходимлар ўз миннатдорчиликларини билдиришмоқда.

Бўстонлиқ туманидаги эртакнамо Санта-Клаус қишлоғидаги байрам томошалари Янги йил байрамида фарзандларимизга бир олам қувонч бағишлади. Замонавий автобусларда шаҳримиздан Бўстонлиқ туманига олиб бориш, яна шаҳримизга олиб келиш, Санта-Клаус қишлоғида улашилган ширинликларни жамлаган байрам совғалари, эртак қаҳрамонлари иштирокида саҳналаштирилган томошалар барчаси ажойиб. Болажонларимиз учун ажойиб байрам совғасини ҳозирлаган комбинат раҳбариятига ўз ташаккуримизни билдириб қоламиз. Шунингдек, йўлда хавфсизлигимизни таъминлаган йўл ҳаракати хавфсизлиги хизмати ходимларига алоҳида раҳмат дейди, - Мис бойитиш фабрикаси Реагент тайёрлаш бўлими ходимлари Мадина Ғуломова, Рушана Матмуродова, Мис эритиш заводи иш тақсимловчилари Дилором Халилова ва Гулноза Ахунова.

☃️Маълумот учун: 2025 йил 2-19 январь кунлари(ҳар куни икки сеанс жами бўлиб 10 000 нафар. 2024 йил 25-30 декабрь кунлари ҳам олиб борилган) болажонлар ота-оналари ҳамроҳлигида театр томошаларига олиб борилади. Театр томошалари бепул бўлиб, томошага бориб келиш учун ташкилотчилар томонидан транспорт йўлга қўйилган бўлиб, ҳар бир болага байрам совғалари ҳам улашилмоқда.

✅ @olmaliq | tezkor xabarlari