Odiljon Ilxomjonovich Sirojiddinov

Ha

Har safar “ha” deyishimiz — bu boshqa bir narsaga “yo‘q” deyish degani.

Iftorga “ha” dedik — demak, oila davrasiga “yo‘q” dedik.

Telefonni qo‘limizdan tushirmadik — demak, kitobga, suhbatga, fikrga “yo‘q” dedik.

Bugun dunyo bizdan ko‘p “ha” so‘raydi.

Reklamalar, yangiliklar, ijtimoiy tarmoqlar — “meni ko‘r”, “menga vaqt ajrat”, “meni o‘yla” deydi.

Lekin shularning ichida eng jim turgan, lekin eng katta haqligi bor narsalar bor:

— onang, seni kutib o‘tirgan;
— farzanding, yoningda o‘ynashni istayotgan;
— chin do’stlaring, dardlashishni istayotgan;
— ustozlaring, to’g’ri yo’l ko’rsatadigan;
— kitoblar, bir umrga ta’sir qiladigan fikrlar bilan.

Shuning uchun har “ha” aytayotganda o‘yla:
Men kimga “yo‘q” deyapman?

Nimaga “yo‘q” deyishni emas,
Nimaga chin dildan “ha” deyishni bilish muhimroq.

Chunki, “yo’q” deydigan narsalar sanoqsiz, “ha” deydiganlarimiz esa juda kam.

@abdulloh_shamsutdinov

Networkingning haqiqiy ahamiyati

Ha, tanish-bilishning ko‘p bo‘lishi maqsad emas, ammo bu o‘z-o‘zidan foydali vositadir. To‘g‘ri, tanishuvlarning asosiy maqsadi doimiy manfaat orttirish bo‘lmasligi kerak, lekin samarali networking imkoniyat va resurslarga yo‘l ochadi.

Aqlli odamlar yoki boylarning e’tiborini qozonish uchun sening aql va tajribang muhim, lekin ular bilan tanishish imkonini yaratadigan narsa ko‘pincha yaxshi qurilgan tarmoqdir. Shaxsiy qobiliyatni rivojlantirish bilan birga, keng networking orqali foydali aloqalar o‘rnatish ham zarur.

Tanishlar orttirish o‘z-o‘zidan foydasiz emas. Bu, shunchaki, “tadbirga borib” hammasi o‘z-o‘zidan amalga oshmaydi, albatta. Muhimi, tadbirlarda ishtirok etayotganda o‘zingni kimligingni va nimalarga erishganingni to‘g‘ri namoyish eta olishdir. Biror imkoniyatni ochib berishi mumkin bo‘lgan bitta to‘g‘ri kishi bilan tanishish ham yetarli bo‘lishi mumkin.

Shuning uchun faqat aqlli odamlar bilan birga bo‘lish bilan cheklanmasdan, o‘zing uchun foydali va ahamiyatli bo‘lgan tarmoqlarni yaratishga harakat qil. To‘g‘ri tanishuvlar, qachon va kimga kerakli bo‘lishini oldindan bilmasliging mumkin, lekin bu aloqalar hayotiy qarorlarni qabul qilishda katta yordam beradi!

@odiljonsirojiddinov