⚽️ Тўғрисини айтганда, у қадар футбол фанатимасман. Лекин бугун мана шу йигит - ҳамюртимиз Абдуқодир Ҳусанов атрофидаги гап-сўзлар мени эътиборимни тортди ва бироз ўйлашга мажбур қилди:

Билишимча, ўзбекистонлик бу йигит ўзининг ҳақиқий иқтидори ва меҳнати билан шу 3 йилда оддий ва ҳеч ким билмаган клубдан деярли барча жаҳон футболистлари орзу қиладиган 🏴󠁧󠁢󠁥󠁮󠁧󠁿"Манчестер Сити"га етиб борди. У у ерга шунчаки бормади , у учун яна 50 миллион евро ҳам тўлашди.

🔭💡 Агар молиячи сифатида ушбу футбол трансферини таҳлил қиберсам:

Бу боланинг "Ланс"дан "Манчестер Сити"га 50 000 000 еврога ўтиши шунчаки футбол воқеаси эмас, балки бу активларни бошқаришнинг идеал кўриниши.
"Ланс" клуби истеъдод - бу сармоя эканлигини исботлади. Ўйинчини ривожлантиришга сарфланган оз миқдордаги маблағи юқори даромадли капиталга айланди. Адашмасам, "Ланс" Абдуқодирни бор-йўғи 100 000 еврога олган экан. 18 ойда бу қиймат 50 000 000 еврога чиқди. Бу 50 000% лик ўсиш дегани. Молия бозорида ҳам бунақа қисқа вақт ичида бундай битим бўлганини эслолмайман...

Энди "Манчестер Сити" учун Ҳусанов нафақат спортчи, балки маркетинг воситаси ҳам бўлиши мумкин. Ўзбекистонлик ёш ўйинчи янги бозорларга йўл очади ва унинг бу қиймати ҳудди келажак учун сармоя. Бу битим кутилган фойдани келтира оладими, йўқми, буни вақт кўрсатади.

🧮 Энди, ҳисоблаб кўрсак, 50 000 000 евро ўзбек сўмида қанча бўлади?

1 евро 13 317.58 сўм (2025 йил 10 январь ҳолатига)
50 000 000 евро × 13 317.58 сўм = 665 879 000 000 сўм!
Осиё ва МДҲ давлатлари тарихида ҳали бунақа қиммат футболчи сотилмаган экан!

Хуллас, доим айтиб келганман: ўз устингизда ишланг, меҳнат қилиш ва билим олишдан тўхтаманг. Шунда миллионлар ўзи ортингиздан келади. Абдуқодирнинг бу ютуғи билан эса уни ва барча футбол мухлисларимизни чин қалбдан табриклайман!

Ва умид қиламанки, яқин келажакда ўзбекистонлик ёш иқтидорли молиячилар ҳам дунёга чиқади...

🔥 Манба: Trading Feruzbek Aliev

🔥 Instagram  🔥 Telegram
🔥 YouTube     🔥 TikTok
🔥 Facebook   🔥 Manager