Oʻtgan 2021-yil voqealarga boy boʻldi. Yaxshi kunlar koʻp boʻldi. Uncha yaxshi boʻlmaganlari ham boʻldi. Aybdor ham boʻldik, sababchi ham boʻldik. Yangi doʻstlar orttirdik, kimlarnidir yoʻqotdik. Koʻngil qoldirganlar ham boʻldi. Lekin xursand qilganlari undan koʻproq edi.

Har yili 31-dekabr kuni ortga qarayman. Voqealarni eslayman, ularni tahlil qilaman. Soat 00:00 boʻlganida esa televizorda kurant kadrlari paydo boʻlganida koʻzimga oʻz-oʻzidan yosh keladi. Bir tomondan afsus, yana bir yil oʻtdi deb taʼsirlansam, ikkinchi tomondan Allohga ming shukur, yil samarali oʻtdi deb xursand boʻlaman. Bugun ham shunday. Bilmadim, koʻzimga yosh kelarmikan yoki yoʻq, lekin hisobot roligini koʻrib aniq aytamanki, yil omadli, samarali va juda sermazmun oʻtdi. Men yana bir yoshga katta boʻlyapman. Hayot maktabining yana bir yuqori sinfiga oʻtmoqdaman. Barchaga kirib kelayotgan yil omad va baxt olib kelsin. Xatodan koʻra yutuqlarimiz koʻp boʻlsin!

Alloh hammamizning omadimizni bersin!