O‘zbek shaxmatchisi hind ayol grossmeyster bilan qo‘l berib so‘rashmadi. Internetda shovqin ko‘tarildi — chet elliklar va mahalliy dunyoviy qatlam vakillari: "sharmanda qildi, o‘zini ko‘rsatyapti" va h.k. Dindor qatlam, tabiiyki, himoya qildi: "urf-odatimiz shunaqa, diniy qadriyati shunaqa, aralashmanglar".
Shu bahslardan tashqarida, xolis qaraganda, bu voqeaning nimasi xavfli, nimaga olib keladi, bir mulohaza yuritib ko‘rsam.
Bizdan keyingi avlod bizdan dindorroq. Bu yaxshi yoki yomon emas, shunchaki reallik. Lekin dunyo (Gʻarb deylik) O‘zbekistonni sobiq SSSRning bo‘lagi, demakki, dunyoviylashgan, "madaniylashgan" jamiyat deb biladi. Shunga yarasha muomala qiladi. Masalan, diniy radikalizm o‘chog‘i deb qaramaydi, chegaralarini osonroq ochadi, sayohatga bemalol keladi, "nohalol" bizneslarga pul kiritishni o‘ylaydi va h.k. O‘zbek siyosiy elitasi ham bunday imijdan manfaatdor va dunyoviy davlatchilikni saqlab qolishga urinmoqda.
Lekin yangi tug‘ilib, ulg‘ayib borayotgan o‘zbeklar borgan sari dindorlashib boryapti. Moʻtadil dindorlari xalqaro arenalarda qo‘l berib so‘rashmayapti, "nohalol" bizneslarga qarshi (xayollaring buzilmasin, buning ichida banklar ham bor), agressiv dindorlari internetda Fransiyada o‘qituvchining boshini chopgan chechen terrorchini-yu yana kimlarnidir himoya qilib, Gʻarbni so‘kib yotibdi, o‘zbeklardan chiqqan terrorchilar Suriyada daga-daga o‘ynab yuribdi. Nodirbek Ëqubboyev — oxirgi oylarda o‘zbeklarning dinga qay darajada berilib ketganini va radikallashib ham borayotganini namoyon etib kelayotgan ko‘plab o‘rnaklardan biridir, O‘zbekistonning yangicha imijini yaratish yo‘lidagi navbatdagi unsurdir.
Bu xalqaro hamjamiyatning O‘zbekistonga munosabatini o‘zgartiradi. Uni diniy o‘lka deb bilib, shunga yarasha muomala qiladi. Balki bu kimgadir yoqar ("zo‘rku, musulmon o‘lka deb bilsin hamma, harom-harish kerakmas!"), kimdir bundan manfaatdordir. Men yaxshi-yomon demayapman — kimga yaxshi, kimga yomon. Shunchaki ma’lum davlatlarga, kuch bloklariga bu yoqmaydi va ular chegaralarida o‘zbeklarga to‘siq qo‘yadi, sayohatga kelmaydi, biznes qilgani kelmaydi va h.k. Davlat esa bundan zarar ko‘radi. Xalq ham zarar ko‘radi aslida, lekin buni hech qachon anglamaydi va masonlarni, yahudlarni ayblab yuraveradi.
Sodda tushuntirishga harakat qildim, aslida murakkabroq.
Eldor Asanov
@nofalsafiy
Shu bahslardan tashqarida, xolis qaraganda, bu voqeaning nimasi xavfli, nimaga olib keladi, bir mulohaza yuritib ko‘rsam.
Bizdan keyingi avlod bizdan dindorroq. Bu yaxshi yoki yomon emas, shunchaki reallik. Lekin dunyo (Gʻarb deylik) O‘zbekistonni sobiq SSSRning bo‘lagi, demakki, dunyoviylashgan, "madaniylashgan" jamiyat deb biladi. Shunga yarasha muomala qiladi. Masalan, diniy radikalizm o‘chog‘i deb qaramaydi, chegaralarini osonroq ochadi, sayohatga bemalol keladi, "nohalol" bizneslarga pul kiritishni o‘ylaydi va h.k. O‘zbek siyosiy elitasi ham bunday imijdan manfaatdor va dunyoviy davlatchilikni saqlab qolishga urinmoqda.
Lekin yangi tug‘ilib, ulg‘ayib borayotgan o‘zbeklar borgan sari dindorlashib boryapti. Moʻtadil dindorlari xalqaro arenalarda qo‘l berib so‘rashmayapti, "nohalol" bizneslarga qarshi (xayollaring buzilmasin, buning ichida banklar ham bor), agressiv dindorlari internetda Fransiyada o‘qituvchining boshini chopgan chechen terrorchini-yu yana kimlarnidir himoya qilib, Gʻarbni so‘kib yotibdi, o‘zbeklardan chiqqan terrorchilar Suriyada daga-daga o‘ynab yuribdi. Nodirbek Ëqubboyev — oxirgi oylarda o‘zbeklarning dinga qay darajada berilib ketganini va radikallashib ham borayotganini namoyon etib kelayotgan ko‘plab o‘rnaklardan biridir, O‘zbekistonning yangicha imijini yaratish yo‘lidagi navbatdagi unsurdir.
Bu xalqaro hamjamiyatning O‘zbekistonga munosabatini o‘zgartiradi. Uni diniy o‘lka deb bilib, shunga yarasha muomala qiladi. Balki bu kimgadir yoqar ("zo‘rku, musulmon o‘lka deb bilsin hamma, harom-harish kerakmas!"), kimdir bundan manfaatdordir. Men yaxshi-yomon demayapman — kimga yaxshi, kimga yomon. Shunchaki ma’lum davlatlarga, kuch bloklariga bu yoqmaydi va ular chegaralarida o‘zbeklarga to‘siq qo‘yadi, sayohatga kelmaydi, biznes qilgani kelmaydi va h.k. Davlat esa bundan zarar ko‘radi. Xalq ham zarar ko‘radi aslida, lekin buni hech qachon anglamaydi va masonlarni, yahudlarni ayblab yuraveradi.
Sodda tushuntirishga harakat qildim, aslida murakkabroq.
Eldor Asanov
@nofalsafiy