#Ata_analar_menen_ushırasıw
#Tábiyiy_pánler

◾️Tábiyiy pánler fakultetinde ata-analar menen ushırasıw bolıp ótti

Xabarıńız bar, usı jıldıń 25-26-yanvar kúnleri Ájiniyaz atındaǵı Nókis mámleketlik pedagogikalıq institutınıń barlıq fakultetlerinde ashıq esikler kúni ilajı sheńberinde studentlerdiń ata-anaları menen ushırasıwlar shólkemlestirildi.

Búgin, 26-yanvar kúni Tábiyiy pánler fakultetinde ótkerilgen usınday ilajda rektorat wákilleri, fakultet dekanı hám tiyisli juwapkerler sózge shıǵıp, institutta jaslardıń oqıwı, bilim alıwı, alıs aymaqlardan kelgen studentler ushın turaq jay menen támiyinlew, olardıń qábiletlerin júzege shıǵarıw, bos waqıtların mazmunlı ótkeriw ushın jaratılǵan sharayatlar, «4+2» formatındaǵı ámeliyat barısı, oqıw procesinde korrupciyalıq jaǵdaylardıń aldın alıw boyınsha ámelge asırılıp atırǵan jumıslar tuwralı keń túrde maǵlıwmatlar berdi.

Ilajda ata-analardıń pikir-usınısları tıńlanıp, sorawlarına juwaplar berildi. Olar menen birgelikte jaslardıń tálim-tárbiyası baǵdarında bunnan bılay da tıǵız birge islesiw boyınsha aldaǵı wazıypalar belgilep alındı.

Sonday-aq, ushırasıw sheńberinde oqıwda hám jámiyetlik jumıslarda belsendilik kórsetip kiyatırǵan studentler hám olardıń ata-analarına alǵısnama jáne minnetdarshılıq xatları tapsırıldı.

Bizdi baqlap barıń

📱 Telegram | 📱 Instagram | ▪️ Facebook | ▪️ YouTube