Asosiy maqsad sertifkat bo'lmasin!Imtixon natijalari chiqib kimdir sertifkat olgan bo'lsa, yana kimdir esa natijasi qoniqarsiz bo'ldi.
Hayot shunday doimo bir narsaga harakat qilsak ikkita tanlov qarshisida qoldiradi. Yoki erishamiz, yokida ko'proq o'rganamiz. Ha ko'proq o'rganamiz.
Bir vaqtlar maktabda o'qiganimda dadam olgan baholarimga qarab pul berardilar. Men esa nima qilib bo'lsada, ko'proq 5 olishga harakat qilardim. Bazida vazifa qilib kelib olsam, bazida o'zimni vazifa qilgandek ko'rsatib olardim. Ba'zida esa iltimos qilib olardim.
Jarayondan emas, natijadan zavq olishga berilib ketgan ekanman. Kechagidek esimda litseyga o'qishga kirdim. U yerda esa hayotimda ilk bor, ilm nimaligiyu, baho muhim emasligini angladim.
Qizil diplom, qator qator 5 lar aslida bilim bo'lmasa, sariq chaqaga ham arzimasligini tushundim. Dars qildim, o'qidim. 1 oyda bir marta chiqadigan Navoiy o'quv markazi abutirent gazetasini kutib yashashni boshladim. Undagi testlar qiyin, uni bajarganda esa hayotda his qilmagan rohatni his qilardim. Xato qilsam esam, keyingi sonda javoblar tahlilini birma-bir ko'rib chiqardim.
Shu tahli ilm nimaligiyu, undan olinadigan lazzatga qandaydir berilib ketdim. Natija emas, jarayon muhim ekanligini tushuna boshladim.
Endi esa yapon tiliga qaytsak, JLPT oldingiz, qaysi yo'l bilan? Ko'chiribmi, yokida qiynalib dars qilibmi. Dars qilib, o'zingiz erishganda nimani his qildingiz?
Bu boshqacha tuyg'u a. O'ta olmadingiz a ammo katta dars bo'ldi, nimani his qildingiz?
Og'riqmi? Men ham bu tajribani boshdan o'tqazganman, bir emas bir necha marta. Lekin to'xtamaganman. Oxirigacha, ha oxirigacha harakat qilganman. Qarasam o'ta olmagan bo'lsamda, gapiryapman yangi tilda, kanji oz bo'lsada bilyapman. Demak o'syapman.
Serfikat olganimda nima qilardim, o'qishni to'xtatib bo'ldi endi men bilaman dermidim. Aslida menga yanada yaxshiroq o'qish uchun, ko'proq vaqtimni unumli o'tqazish uchun imkoniyat deb qaradim. Siz ham shunday qarangchi, nima o'zgaradi. Aslida bu qaytangga, dars emasmi?
Jarayondan zavq olish, yanada intilish uchun imkoniyat emasmi?
Oxirida biroz qattiqroq bo'lsada aytmoqchiman. O'zingizni aldamang, yurakni ichida kichkina nimadir bor... Buni aldab bo'lmaydi. Jarayondan beradigan zavqni bermay qo'yadi. Bu esa aslida erishish emas, katta yutqazish bo'ladi.
@yapontili_uzbekistan
