Ushbu xabarni to'liqroq tushuntiradigan bo'lsak: endilikda siz agar o'qish to'lovlari mavjud bo'lmagan davlatlarda(Germaniya, Fransiya etc.)gi universitetlarga o'qishga qabul qilinsangiz yoki dunyoning boshqa davlatlaridagi o'qish to'lovlari bor Universitetlarga o'qish to'lovlari uchun scholarship yutib olib o'qishga qabul qilinsangiz, ushbu davlatdagi o'qish muddati davomida sizning boshqa harajatlaringiz(yashash, transport va boshqalar) uchun El-yurt umid fondi mablag'lari tomonidan hech qanday tanlovsiz, to'g'ridan-to'g'ri qoplab beriladi.

Germaniya misolida talabaning yashash harajatlari uchun summa hozirda yiliga 11208 euroni tashkil qiladi, demak sizga fond 2 yillik magistraturada o'qishingiz uchun 22416€ yoki 3 yillik bakalavr uchun 33624€ miqdorida mablag' ajratib beradi. Yuqoridagi postda aytilishicha ijro muddati sifatida 2023 yiling dekabr oyi ko'rsatilgan, demak katta ehtimol bilan bu asnodagi moliylashtirish uchun arizalar yangi yildan qabul qilinishini kutish mumkin.

Endi aynan qaysi Universitetlar bu toifaga kiradi degan savolga Germaniya misolida javob bersak, EYUF fondi saytida 2023-yil uchun 3 xil reyting bo'yicha Universitetlar ko'rsatkichlari mavjud: QS, THE, US&NEWS va bu reytinglardagi Top100talikka kiruvchi nemis Universitetlari quyidagilar:
-Technische Uni München (QS 49-o'rin, US&NEWS 79-o'rin, THE 30-o'rin);
-LMU München (QS 59-o'rin, US&NEWS 47-o'rin, THE 33-o'rin);
-Uni Heidelberg (QS 65-o'rin, US&NEWS 57-o'rin, THE 43-o'rin);
- Humboldt Uni Berlin (US&NEWS 61-o'rin, THE 86-o'rin);
- Freie Uni Berlin (US&NEWS 87-o'rin, THE 91-o'rin);
- Charité - Universitätsmedizin Berlin (THE 73-o'rin);
- Uni Tübingen (THE 86-o'rin);
- Uni Bonn (THE 89-o'rin);
- RWTH Aachen (THE 99-o'rin).

Demak yuqorida sanab o'tilgan Universitetlarga 2023-yil qishki semestrga yoki 2024-yil yozgi/qishki semestrlarga o'qishga(bakalvr yoki magistr) qabul qilinsagiz, fond tomonidan o'qish davomidagi yashash harajatlaringiz to'liq qoplab beriladi.

@testdaf_training