Nega eng kuchli sotuvchi biznesingni “o‘ldirishi” mumkin? Savdo bo‘limini yemirishning eng ishonchli yo‘llaridan biri — eng zo‘r sotuvchingni rahbar qilib qo‘yish.
Buni tadbirkorlarda juda ko‘p ko‘rganman. Har safar deyarli bir xil ssenariy takrorlanadi.
Jamoada haqiqiy yulduz bo‘ladi.
Bitimlarni ketma-ket yopadi, kompaniyaga sodiq, kechgacha CRM’da ishlaydi.
Egasi unga qarab shunday o‘ylaydi:
“Bu o‘zimizning odam. Mahsulotni suv qilib ichib yuborgan. Shu odamni savdo bo‘limi rahbari qilaman, boshqalarga ham o‘rgatsin.”
Va unga rahbarlik lavozimini beradi.
Oradan bir oy o‘tib, tushum pastga qulay boshlaydi.
Bunday kompaniyalarda deyarli har doim bir xil holat bo‘ladi: yangi rahbar o‘zi hamon telefon bilan yugurib yuradi va xodimlari o‘rniga bitimlarni o‘zi yopadi.
Orqada qolayotgan xodimga qattiq, rivojlantiruvchi fikr berish unga qiyin.
U chuqur xo‘rsinadi, telefonni qo‘liga olib shunday deydi:
“Qani, chetroqqa o‘t, o‘zim gaplashaman. Shunday tezroq bo‘ladi.”
Kecha birga qahva ichgan hamkasblarini ranjitib qo‘yishdan qo‘rqadi. Delegatsiya qilishni bilmaydi.
Miyasiga bitta fikr qattiq o‘rnashib qolgan:
“Agar yaxshi chiqishini istasang — o‘zing qil.”
Natijada kompaniya kuchli sotuvchini yo‘qotadi va uning o‘rniga charchagan, samarasiz rahbarni qo‘lga kiritadi.
Rahbar va oddiy mutaxassis — bu mutlaqo boshqa-boshqa kasblar.
Haqiqiy rahbar shunday tizim quradiki, jamoa o‘zi mas’uliyatni oladi va natija beradi.
Kuchli top xodimlar uchun boshqa yo‘l bilan muhit yaratish mumkin.
Ularga boshqaruv texnologiyasini o‘rgatish kerak.
Xafa bo‘lmasdan rivojlantiruvchi feedback berishni o‘rgatish kerak.
Intizom va nazoratni yo‘lga qo‘yish kerakki, xodimlar har bir mayda savol bilan oldingga yugurib kelmasin, muammolarni o‘zlari hal qilsin.
Bilaman, sen hammasini yolg‘iz ko‘tarishdan, doimiy muammolarni hal qilishdan charchagansan va shunday tizim qurmoqchisan-ki, kuchli rahbarlar bo‘limlarini sensiz ham natijaga olib chiqa olsin.
@nazarovcoo
