ИЛМАнинг 2024 йилдаги фаолияти якунларига бағишланган матбуот анжумани бўлиб ўтиб, унда Агентликнинг фаолият йўналишлари бўйича батафсил маълумот берилди.

Жумладан, 2024 йилда:

✔️ крипто-активлар айланмаси соҳасида хизмат кўрсатувчи провайдерлардан 2,38 млрд. сўм миқдорида давлат божи ва 8 млрд. сўмлик фаолиятни амалга оширганлик учун йиғимлар олинган (2019 йилдан бугунги кунгача крипто-активлар айланмаси соҳасида хизмат кўрсатувчи провайдерлардан мамлакатимиз бюджетига жами 56,5 млрд. сўмдан ортиқ маблағ тушди);

✔️ 10 млн. га яқин суғурта шартномаси тузилган;
✔️ суғурта мукофотлари ҳажми 9,8 трлн. сўмни (2023 йилга нисбатан 21 фоизга кўп), суғурта тўловлари миқдори 2,2 трлн. сўмни (ўтган йилги кўрсаткичга нисбатан 9 фоизга ўсиш), суғурталовчиларнинг умумий активлари 11,8 трлн. сўмни (2023 йилга нисбатан 24,9 фоизга кўп) ташкил этди;

✔️ суғурта соҳасида 4648 та мурожаат кўриб чиқилиб, шундан 2193 таси қаноатлантирилди ва 34,6 млрд. сўм суғурта товонлари тўланди;

✔️ келиб тушган 703 та мурожаат кўриб чиқилиб, акциядорлар фойдасига 2 млрд. сўмдан ортиқ маблағ ундирилди;

✔️ хўжалик судларига киритилган 20 та даъво аризаси киритилиб, акциядорлардан 3,6 млрд. сўмдан ортиқ дивидендлар ундириш бўйича суд қарорлари қабул қилинди;

✔️ “Yandex”, “Ozon”, “Wildberries”, “Wolt” хорижий электрон савдо майдончалари (маркетплейслар) фаолияти маҳаллийлаштирилди;

✔️ 10 дан ортиқ йирик халқаро электрон савдо майдончалари ваколатхоналари очилиб, давлат бюджетига 160 млрд. сўмдан ортиқ солиқ тўловлари тўланиши таъминланди ва электрон тижорат соҳасида ўзини ўзи банд қилган шахслар сони 2023 йилга нисбатан 55 фоизга ошди.

Web | Facebook | Instagram | Youtube | Twitter | LinkedIn