Namanganda vazirlik ishchi guruhi ishtirokida pedagoglarni kasbiy rivojlantirish, o‘quvchilarda zamonaviy ko‘nikmalarni shakllantirish bo‘yicha seminar tashkil etildi

Seminarda viloyat hokimi o‘rinbosari Gʻulomjon Murodxo‘jayev, viloyat maktabgacha va maktab ta’limi boshqarmasi boshlig’i A’zamjon Isakov, Namangan davlat pedagogika instituti rektori Bahodir Xusanov, viloyat Pedagogik mahorat markazi mas’ullari, tuman, shahar maktabgacha va maktab ta’limi bo‘limlari boshliqlari ishtirok etdi. Unda Maktabgacha va maktab ta’limi vazirining maslahatchisi Ulug‘bek Toshkenboyev ta’lim sifatini yangi bosqichga olib chiqish, maktablarda “Kasbiy rivojlantirish kuni” va “Kasbiy rivojlantirish soati” tadbirlarining tashkil etilishi doirasida amalga oshirilayotgan ishlar hamda belgilangan vazifalar to‘g‘risida batafsil to‘xtalib o‘tdi.

Namangan viloyati maktabgacha va maktab ta’limi boshqarmasi Axborot xizmati