NamDU «Press klub»

#Sarhisob

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

«PRESS-KLUB»DAN YANGI YILGA AJOYIB TUHFA!

Yangi yil - yangi reja, orzu-maqsadlarga debocha. Yangi yil - hammaga birdek zavq ulashuvchi ayyom!

Namangan davlat universiteti qoshidagi «Press-klub» jamoasi Yangi yil uchun ajoyib lahzalarni tasvirga oldi.

Yoshlarning o‘zgacha bayramona chiqishini 31 dekabr kuni tomosha qilishingiz mumkin.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

«Наманганская правда» газетасида университет талабаси ҳақида мақола чоп этилди

Наманган давлат университетида ногиронлиги бўлган талабалар ҳам таҳсил олади ва улар таҳсил жараёнида ҳар томонлама қўллаб-қувватланади. Бундай эътиборга жавобан улар ҳам ўз фаоллигини намоён этиб келишмоқда.

Физика-математика факультети талабаси Муроджон Раҳмонов ҳам тенгдошлари орасида ташаббускор талаба сифатида танилган.
«Наманганская правда» газетасининг бугунги сонида «Студент НамГУ Муроджон Рахмонов: «Нам необходимо проявить инициативу!» сарлавҳали мақола чоп этилди.

«Пресс-клуб» бош мутахассиси Шаҳло Тошбекова муаллифлигидаги мақолада Муроджоннинг интилишлари ва шу кунгача қўлга киритган муваффақиятлари қаламга олинган.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

«Тиббиёт ва замон» журналида тиббиёт факультети талабасининг мақоласи чоп этилди

Кўпминг сонли муштарийларга эга «Тиббиёт ва замон» журнали Наманган давлат университети тиббиёт факультетининг яқин ҳамкори ҳисобланади. Журналнинг ҳар бир сонида факультет фаолиятидан хабарлар, профессор-ўқитувчилар ва талабалар муаллифлигидаги мақолалар чоп этиб келинмоқда.

Журналнинг навбатдаги - 6-сонида тиббиёт факультетининг 2-босқич талабаси Шоҳруҳ МУҲИТДИНОВнинг «Кучли иммунитет - пневмониядан ҳимоя» сарлавҳали мақоласи нашр этилди. 12 ноябрь - Бутунжаҳон пневмонияга қарши курашиш куни муносабати билан тайёрланган мақолада касалликнинг келиб чиқиш сабаблари, даво чоралари ва олдини олиш омиллари ҳақида сўз боради.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

Наманган давлат университети билимдонлари интеллектуал олимпиадада 60 миллион сўм мукофотни ва умумжамоа ҳисобида қимматли балларни қўлга киритди!

Ҳар йилнинг сўнгги ойи олий таълим муассасалари талабалари учун ҳаяжонга бой кечади. Чунки бу вақтда анъанавий интеллектуал олимпиаданинг ҳудудий саралаш ва якуний республика босқичлари ўтказилади.
Қувонарлиси, ушбу интеллектуал олимпиадада бир неча йилдан буён Наманган давлат университетининг “Заковат” жамоаси ғолиблар сафидан ўрин олиб келмоқда.

Бу йил ҳам бу қутлуғ анъанага содиқ қолинган ҳолда университетимиз жамоаси интеллектуал олимпиаданинг “Эрудит-квартет” йўналишидаги ўйинларнинг республика якуний босқичида ўз билимдонлигини намоён этиб, фахрли 2-ўринни эгаллади!
Мазкур натижа жамоага 60 миллион сўм миқдоридаги пул мукофоти ҳамда умумжамоа ҳисобига қимматли балларни тақдим этади.

Ҳаяжонли ва нуфузли ғалаба - Наманган давлат университетида талаба-ёшларнинг бўш вақтини мазмунли ўтказиш, интеллектуал қобилиятларини юзага чиқариш ва ривожлантириш, улар ўртасида китобхонликни оммалаштириш бўйича амалга оширилаётган ишлар натижаси, бир сўз билан айтганда, университетдаги маънавий-маърифий ишлар самарасидир.

Билимдонларимизни Наманган давлат университети жамоаси номидан ғалаба билан табриклаймиз!

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

«YOSH AVLODGA KORRUPSIYASIZ KELAJAK QOLDIRAYLIK!»

Xuddi shu nom ostida Namangan davlat universitetining sirtqi bo‘limida Favqulodda vaziyatlar boshqarmasi Chust tuman bo‘limi tomonidan o‘quv-seminari o‘tkazildi.       

Tadbirda FVB Chust tumani bo‘limi boshlig‘i, podpolkovnik Tursunali Jo‘rayev tomonidan  talaba-yoshlarga korrupsiyaning salbiy oqibatlari, uni vujudga keltiruvchi omillar, shart-sharoitlar haqida so‘zlab berdi. U o‘z so‘zida korrupsiyaga qarshi kurashish bugungi kunning dolzarb masalasi ekanligini alohida ta’kidlab o‘tdi.

Tadbirda sirtqi bo‘lim talabalari tomonidan berilgan savollariga mas’ullar atroflicha javob berdilar.
Shuningdek, tadbir davomida tuman favqulodda vaziyatlar bo‘limi  xodimlari tadbir ishtirokchilariga yong‘inlarning oldini olish, is gazining kelib chiqish sabablari, uni bartaraf etish va jabrlanganlarga birinchi yordam ko‘rsatish  bo‘yicha ham to‘liq tushuncha va yo‘riqnomalar berib o‘tishdi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

ВИЛОЯТ ФАВҚУЛОДДА ВАЗИЯТЛАР БОШҚАРМАСИ УНИВЕРСИТЕТ ҲАМКОРЛИГИДА МАЪНАВИЙ-МАЪРИФИЙ ТАДБИР ТАШКИЛ ЭТДИ

Гувоҳи бўлмоқдамизки, юртимизда «Корррупцияга қарши кураш ойлиги» доирасида қатор тадбирлар ўтказилмоқда. Натижада турли корхона, ташкилот, муассаса ходимлари ва фуқароларда коррупцияга қарши муросасиз муносабат шаклланмоқда. Давлатимиз сиёсати бу иллат ва жиноятга қарши биргаликда курашиш лозимлигини тақозо этмоқда.

Наманган вилояти Фавқулодда вазиятлар бошқармасида бўлиб ўтган "Коррупциясиз фаолият - ривожланиш гарови" мавзусидагы маънавий-маърифий тадбирда ана шундай фикрлар таъкидланди.

Тадбир аввалида бошқарма бошлиғининг биринчи ўринбосари, штаб бошлиғи, полковник Акмалжон Ўринбаев машғулот иштирокчиларини кун тартиби билан таништирди, Фавқулодда вазиятлар вазирининг тегишли буйруғи билан янги лавозимга тайинланган ходимлар рўйхати ўқиб эшиттирилди.

Сўнгра Наманган давлат университетининг Социология фанлари бўйича фалсафа доктори, доцент Муҳриддин Содиржоновнинг “Коррупциясиз фаолият - ривожланиш гарови” мавзусидаги маърузаси тингланди.

Тадбир иштирокчилари маъруза юзасидан фикр-мулоҳазаларини билдирдилар, ўзларини қизиқтирган саволларга жавоб олдилар. Мазмунли маъруза бошқарма ходимларида катта таассурот қолдирди.

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub

Хушхабар

Наманган давлат университетининг давлат стипендиатлари сони яна 16 нафарга кўпайди!

Олий таълим, фан ва инновациялар вазирининг 2024 йил 11 декабрдаги 464-сонли буйруғига биноан Ўзбекистон  Республикаси Президенти ва номли давлат стипендиялари совриндорлари эълон қилинди.

Совриндорлар орасида 16 нафар Наманган давлат университети талабалари ҳам бор. Бу жуда қувонарли ҳол. Чунки Ўзбекистон Республикаси Президенти стипендияси, Ислом Каримов номли давлат стипендияси, Навоий номли, Беруний номли, Улуғбек номли ва Бобур номли давлат стипендияси совриндорлари университетимизнинг энг билимдон, истеъдодли, ижодкор ва ташаббускор талабаларидир.

Қолаверса, ҳукуматимиз, хусусан, Наманган давлат университетида иқтидорли талабаларни ҳар томонлама қўллаб-қувватлаш мақсадида амалга оширилаётган эзгу саъй-ҳаракатлар уларнинг бугунги муваффақиятларида намоён бўлиб турибди.

Барча давлат стипендияси ва номдор стипендиялар совриндорларини чин қалбдан табриклаймиз!

⌛ Наманган давлат университети
«Пресс клуб»

➡️Каналга обуна бўлинг
😀https://t.me/namdupressklub