Donishmandlar yaxshilik to'g'risida ko'p ajoyib gaplar aytib ketishgan.
Fors-tojik adabiyotining mumtoz vakillaridan biri Nosir Xusravning ham bir g'aroyib gapi bor. Ul g'aroyib gap bundaydir:

Libosing yaxshilikdir, yechmagil hech
Va intil yaxshi nomga erta-yu kech.

Yaxshilik har doim taqdirlanmaydi. Ammo shunisi ham borki, yaxshi odam mukofot olish uchun yaxshilik qilmaydi.
Yaxshilik, Nosir Xusrav aytganidek, har bir kishining doimiy libosi bo'lishi kerak.
Yaxshilik yashasin. Yaxshilar omon bo'lsinlar.Yaxshilarning boshi toshdan bo'lsin.

✍ Naim Karimov