O'shanda atigi o'n uchda edim, meni ruhiy tekshiruvdan o'tkazmoqchi bo'lishgan. Nega desangiz, garajdagi deraza oynalarini bitta qo'ymay sindirib tashlagan edim. Ota-onamda ayb yo'q. To'g'risi-da! Ukam o'lgan tun men garajda yotgan va la'nati oynalarni mushtim bilan parcha-parcha qilib sindirgan edim. O'sha yoz bizda bo'lgan furgon oynalarini ham chilparchin qilaman degandim, lekin qo'lim allaqachon sinib pachog'i chiqqani uchun buning iloji bo'lmagan. Bu g'irt jinnilik edi, tan olaman, ammo men o'shanda nima qilayotganimni o'zim bilmaganman. Siz esa Elli qanday bola bo'lganini bilmaysiz-da!
©️ Jerom Selinjer " Javdazordagi xaloskor " kitobidan
©️ Jerom Selinjer " Javdazordagi xaloskor " kitobidan