"Муфтий Бобохоновлар" фонди

#Ҳаж_2025

📢 Ўзбекистонлик “Ҳаж-2025” мавсумининг илк зиёратчилари жўнаб кетди

🕋 Илк зиёратчилар гуруҳини Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Дин ишлари бўйича қўмита раиси Содиқжон Тошбоев, шунингдек, таниқли уламолар, имом-домлалар, мутасаддилар ва ОАВ вакиллари Тошкент халқаро аэропортидан кузатдилар.

🗣13-28 май кунлари зиёратчилар 9 та ҳудуд – Тошкент, Бухоро, Наманган, Самарқанд, Қарши, Термиз, Урганч, Навоий ва Нукус шаҳарларидаги аэропортлар орқали Мадина шаҳрига учадилар.

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Дин_халқ_хизмати_йўлида

Ибратли ҳаёт:
Эшон Бобохон ибн Абдулмажидхон
(1858-1957)

• Диний назоратнинг илк раиси | 12-қисм •

• Иосиф Сталин Ўрта Осиё ва Қозоғистон мусулмонлари диний назорати ташкил этилишига 1943 йил 22 майда рухсат беради.

• 1943 йил 12 июнда Эшон Бобохон ибн Абдулмажидхон бошчилигида, Абдураззоқ Эшон Муҳаммад Алимов, Акрамхон Тозихонов ва Мулла Содиқ Исломов каби уламолар Ўрта Осиё ва Қозоғистон мусулмонлари диний назоратини тузиш тўғрисида СССР Олий Совети Президиуми раиси номига мактуб жўнатишади. Орадан кўп ўтмай СССР ҳукумати ҳам бу ташаббусни маъқуллаб тегишли қарор қабул қилади.

• Минтақа мусулмонларининг қурултойи 1943 йил 15-20 октябрда шайх Эшон Бобохоннинг Қорасаройдаги ховлиларида ўтказилган. Қурултойда иштирок этган 160 делегатлар бир овоздан Шайх Эшон Бобохон ибн Абдулмажидхонни янги ташкил бўлган Ўрта Осиё ва Қозоғистон мусулмонлари диний назоратининг илк раиси ва беш республика муфтийси этиб сайлашади.

• 1943-1957 йилларда ЎОҚМДНнинг илк раиси, беш республика муфтийси, 1951-1957 йилларда Жаҳон Тинчлик Кенгаши аъзоси, 1950-1957 йиллари Иттифоқ ва Ўзбекистон Тинчлик кўмиталари ҳайъат аъзоси бўлган Шайх Эшон Бобохон 1954 йилда СССРнинг “Меҳнат Қизил байроқ” ордени билан тақдирланганлар.

1 • 2 • 3 • 4 • 5 • 6 • 7 • 8 • 9 • 10 • 11 ...

Давоми бор...

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#9_май_хотира_қадрлаш_куни

✅ Диний назорат ташаббуси билан мусулмонлар томонидан II Жаҳон уруши учун қанча маблағ йиғиб берилган?

🔽Муфтий Эшон Бобохон ибн Абдулмажидхон раислигидаги Ўрта Осиё ва Қозоғистон мусулмонлари диний назорати ташаббуси билан мусулмонлар томонидан II Жаҳон урушида Қизил Армияси учун 1 280 000 сўм (рубль) пул, 117 000 сўмлик облигация қоғозлари, 63 тонна буғдой, 90 бош қорамол йиғиб берилган ва ушбу маблағлардан 790 000 сўми танк колоннасини барпо этишга ажратилган.

🔽Пул маблағининг қолган 490 000 сўмлик фонди фронт ва фронт ортидаги оилаларнинг таъминоти учун ташкил қилинган.

🔽Бу маълумот Ўзбекистон Марказий Давлат архивида сақланаётган Муфтий Эшон Бобохоннинг 1944 йилда И.В.Сталинга йўллаган расмий хатида ўз аксини топган.

🗣Манба: «Ўзбекистон уламолари» китоби

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Ҳаж_2025

📢 Расман: “Ҳаж – 2025” мавсуми 13 май кунидан бошланади!

✈️ Ўзбекистондаги 2025 йилги Ҳаж мавсуми шу йил 13 майдан бошланади. 28 майга қадар ҳар куни юртимиздан Саудия Арабистонига авиақатновлар амалга оширилади.

🇺🇿 Зиёратчилар юртимизнинг 9 та ҳудудидаги Тошкент, Бухоро, Наманган, Самарқанд, Қарши, Термиз, Урганч, Навоий ва Нукус шаҳарларидаги аэропортлар орқали Мадина шаҳрига тўғридан-тўғри учади.

🛫Авиапарвозлар Uzbekistan Airways билан бирга FlyNas ва FlyAdeal авиакомпаниялари томонидан амалга оширилади.

📖"Ҳаж – буюк ибодатдир" қўлланмаси, сумка, нимча, термос, соябон, сим-карта ва қувватлагич ҳар бир зиёратчига тақдим этилади.

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Таъзия

▪️Таъзия

▫️"Муфтий Бобохоновлар" фонди раҳбарияти ва жамоаси таниқли олим Абдуқаҳҳор Шоший вафоти муносабати билан у кишига ва барча оила аъзоларига чуқур таъзия изҳор этади.

▫️86 ёшида оламдан ўтган домланинг барча солиҳ амалларини Аллоҳ таоло ўзларига ҳамроҳ айлаб, Ўз мағфиратига олсин.

▫️Ҳақ таоло марҳумнинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

▫️إِنَّا لِلّهِ وَإِنَّـا إِلَيْهِ رَاجِعونَ

▫️«Албатта, биз Аллоҳникимиз ва албатта, биз Унга қайтувчимиз».

• Абдуқаҳҳор Ғаффоров Шоший 1939 йилнинг 15 май кунида Тошкент шаҳридаги Ҳазрати Имом даҳасида туғилди.

• Устози Шайх Зиёвуддинхон ибн Эшон Бобохон муфтийлик даврларида 1957-1961 йилларда Бухородаги Мир Араб мадрасасида таълим олди, 1969-1987 йилларда Ўрта Осиё ва Қозоғистон мусулмонлари диний бошқармаси Халқаро бўлими мудири, 1969-1982 йилларда Бухородаги Мир Араб мадрасаси директори вазифасида меҳнат қилди.

• Шамсиддинхон Бобохоновнинг муфтийлик даврларида Абдуқаҳҳор домла 1982-1987 йилларда Тошкент Ислом институти ректори вазифасида фаолият юритди.

• Муфтий Бобохоновларнинг етук шогирдларидан бўлган Абдуқаҳҳор Шошийни Аллоҳ таоло Ўз раҳматига олсин!

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Ноёб_фотолар

🌙 Усмон мусҳафи зиёрати

• Беш республика муфтийси Эшон Бобохон ибн Абдулмажидхон, диний назорат масъул котиби Зиёвуддинхон ибн Эшон Бобохон ҳамроҳлигида Ўрта Осиё ва Қозоғистон мусулмонлари II қурултойи делегатлари ҳамда Россия, Шимолий Кавказ ва Озарбайжондан келган уламолар Усмон мусҳафини зиёрат қилмоқда.

🗺1948 йил, Тошкент

•Усмон ибн Аффон розияллоҳу анҳу халифалиги даврларида милодий 651 йили, ҳижрий 24 йили Қуръони Карим кийик терисига бир неча нусхада ёзилиб, Ислом оламининг марказий шаҳарларига юборилди. Мусҳафнинг расмда тасвирланган ўша қадимий табаррук нусхаларидан бири ҳозирги пайтда Ўзбекистон мусулмонлари идораси кутубхонасида сақланмоқда.

• Ҳазрати Усмон Мусҳафининг юртимизга келиб қолиши тарихи ҳақида турли ривоятлар бор. Ҳазрати Усмон мусҳафи дастлаб Самарқандга олиб келинган. Уни Амир Темур, Қаффол Шоший, Ҳазрати Усмоннинг куёвлари Саид олиб келган деган ривоятлар машҳур. Бу ҳақда Ўрта Осиё ва Қозоғистон мусулмонлари диний назорати раиси ўринбосарлари, таниқли олимлар Шайх Исмоил Махдум Саттиев, Шайх Юсуфхон Шокиров, шунингдек, Ҳамид Зиёев, Ҳабибуллоҳ Солиҳ ва бошқаларнинг фикрлари эътиборга лойиқ.

• Усмон мусҳафи руслар бостириб келгунга қадар ҳижрий 1285 йилгача Самарқандда турди.

•1869 йилнинг майида Туркистон бош губернатори Фон Кауфман буйруғи билан Самарқанд шаҳри ҳокими Серов воситачилигида ерли мусулмон уламолари розилиги билан Мусҳаф Санкт-Петербургга жўнатилди ва 1917 йилга қадар ўша ердаги кутубхонада сақланади.

• Ҳукуматнинг 1923 йил 25 июндаги қарорига кўра Усмон Мусҳафи Туркистон мусулмонларига 1924 йилда қайтарилди.

Мусҳафи шариф бирмунча вақт Тошкент масжидларида сақланди, сўнг Ўзбекистон халқлари тарихи музейига кўчирилди. 1989 йил 14 март куни Тошкентда бўлган мусулмонларнинг IV қурултойида Ўзбекистон ҳукумати қарори билан Мусҳафи Усмон Ўрта Осиё ва Қозоғистон мусулмонлари диний назорати ихтиёрига қайтариб берилди.

• Ҳозирда Мусҳаф Ҳазрати Имом мажмуасининг Мўйи муборак мадрасасидаги Ўзбекистон мусулмонлари идораси кутубхонасида сақланмоқда.

• Мусҳафни мўътадил табиий иқлим шароитида асрашга мўлжалланган махсус мослама Германиядан келтирилган. Ҳар йили бу нодир Мусҳафни минглаб ватандошларимиз ва хорижий меҳмонлар зиёрат қилишади.

👉 t.me/muftiylaruz

Саҳифаларимиз:👇

Сайт | Youtube | Facebook | Instagram | X

#Ал_Адаб_ал_муфрад #7_боб #16_ҳадис

✍️ 7-боб. Ота-онага оқ бўлиш ҳақида

😎16. Муғира ибн Шуъба розияллоҳу анҳунинг котиблари Варрод айтди: "Ҳазрати Муовия розияллоҳу анҳу Муғирага: "Расулуллоҳ соллаллоҳу алайҳи васалламдан эшитган ҳадисларингдан менга ёзиб юбор", деб хат ёздилар.

• Шу хатга жавобан Муғира: "Мен Расулуллоҳ соллаллоҳу алайҳи васалламдан эшитдим, кўп савол сўрашдан, молни зое қилишдан ва асоссиз гапларни оғиздан оғизга нақл қилиб юришдан қайтарар эдилар” деган ҳадисни Муғира айтиб турдилар ва мен ёзиб бердим".

• Изоҳ: Кўп савол сўрашдан мурод, ҳаётда учрамайдиган воқеа ва масалаларни сўраш ёхуд ўзига тегишли бўлмаган беҳуда гапларни суриштириб юриши кабилардир. Молни зое қилиш, уни ноўрин, дунё ва охират учун фойдаси тегмайдиган жойларга сарфлашдан иборатдир, бинобарин, исрофгарчилик Аллоҳ таоло олдида гуноҳ ҳисобланади.

✅ Манба: “Ал-Адаб ал-муфрад”, Имом Бухорий раҳматуллоҳи алайҳ

🗣Таржима муаллифи: Доктор Шамсиддинхон Бобохонов

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Грант_лойиҳаси #Тадбирлар

✅Муфтий Бобохоновлар бой илмий-маърифий мероси жамоатчиликка кенг тарғиб қилинмоқда

🔽Тошкент шаҳар Шайхонтоҳур тумани “Қаффол Шоший” маҳалласида “Муфтий Бобохоновлар” жамғармаси томонидан амалга оширилган “Комилликка йўлланма” давлат гранти асосида тадбир ўтказилди.

🔽Илмий-маърфий тадбирда жамғарма илмий ходими Муродхон Зиёвуддинов иштирок этиб, Фонднинг мақсад-вазифалари, Муфтийлар сулоласи вакиллари Шайх Эшон Бобохон ибн Абдулмажидхон, Шайх Зиёвуддинхон ибн Эшон Бобохон ва Доктор Шамсиддинхон Бобохоновнинг ҳаёти ва фаолияти ҳамда грант лойиҳаси ҳақида сўзлади.

🔽Ёшларни аждодларга муносиб тарзда тарбиялаш, улар билан самимий мулоқот қилиш, миллий ва диний қадриятларни асраб авайлаш каби устивор масалалар грантнинг асосий вазифаси экани қайд этилди.

🔽Грант лойиҳаси доирасида ёшлар билан мулоқотни йўлга қўйиш, маънавий-маърифий йўналишдаги саволларга жавоб бериш мақсадида бот ишлаб чиқилгани эълон қилинди.

🔽Ёшларни илм олишга қизиқтириш, Имом Бухорий каби боболаримизнинг одоб-алоққа доир ҳадис асарлари билан таништириш давр талаби экани маҳалла фаоллари томонидан ҳам эътироф этилди.

🔽 Грант лойиҳаси доирасида Амирсаидхон Усмонхўжаев томонидан нашрдан чиқарилган "Маънавий камолот сари" китоби маҳалла фаолларига ҳадя қилинди.

🔽Давра суҳбати фикр алмашиш ва қизғин муҳокамалар асосида ўтиб, Муфтий Бобохоновлар бой илмий-маърифий меросини жамоатчиликка кенг тарғиб қилиш каби ишларни амалга ошираётган Фонд фаолиятига муваффақиятлар тилаб маҳалла оқсоқоллари дуои хайрлар қилишди.

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Олтин_шажара

🗣 Али Қушчининг набираси Ҳофиз Кўҳакий

✍️ Ҳофиз Кўҳакий паркентлик Камолиддиннинг ўғли бўлиб, тўлиқ исми Султон Муҳаммаддир. Қудуруйнинг «Мухтасар ал-Қудирий» номли асари Ҳофиз Кўҳакийнинг ўғли Абдуллоҳ тарафидан 1116/1704-1705 йили кўчирилган. Қўлёзманинг охирида бундай деб ёзилган: «Котиб - Абдуллоҳ валади Ҳофиз Султон Муҳаммад».

😎 Ҳофиз Кўҳакий халқ ўртасида Ҳофиз Кўйкий номи билан машҳур бўлган. У тарих, араб тили ва грамматикаси, мантиқ, ҳуқуқшунослик ва диний илмлар билан шуғулланган, бу борада қатор асарлар тасниф этган.

✅ Ҳофиз Кўҳакий араб тили ва грамматикасини, мантиқ илмини яхши билганлиги учун мадрасаларда ҳам дарс берган. Муҳаммад Ҳошим ибн Муҳаммад Қосим ўзининг «Насамот ал-қудс мин хадойиқ ал-унс» асарида Ҳофиз Кўҳакий ҳақида бундай деб ёзади: «Ҳофиз Кўҳакий номи билан шуҳрат топган Мавлоно алломаи Тошкандий Мавлоно Асомиддиннинг шогирдларидан бўлиб, қатор асарлар тасниф калган»...

➡️ Батафсил: https://muftiylar.uz/ofiz-ku-akij

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Аждодлар_тарихи

• Ҳазрати Ювошбоб – авлод аждодбошиси | 2-қисм

• Ҳазрати Абдулмажид Боб Шомнинг адолатли ҳукмдорларидан бири сифатида аҳоли ўртасида катта обрў қозонган. Исфижобда ҳам у ҳукмдор этиб эълон этилади.

• Ҳазрати Абдулмажид Боб давлат юритиш билан бирга, минтақада маърифатчилик, таълим-тарбия ишларини, шунингдек, қозиликни ҳам зиммасига олади.

•Абдулмажид Боб 45 йил минтақада волийлик қилади. Ёлғиз қизи Товусбегимни дўстлари орасида илмли бўлган Ҳазрати Ювош Бобга (730–830 м.й.) никоҳлаб беради.

• Ҳаётининг сўнгги йилларида бошқарувни куёви Ҳазрати Ювош Бобга топширади. Ҳазрати Абдулмажид Бобнинг вафотидан Исфижоб халқи чуқур қайғуда қолади. У дафн этилган жой мусулмонлар зиёратгоҳи қаторига киради.

• Ҳижрий 150 йили кўчирилган, Эшон Бобохон авлодларида сақланиб келган шажарага кўра, Ҳазрати Ювош Боб ибн Абдурраҳмон билан Товусбегим VII асрда ислом маърифатчилари сулоласига асос солган аждодбошилардир.

• Аллоҳ таолонинг марҳамати билан Ҳазрати Ювош Бобнинг одил ва саховатли, маърифатпарвар ҳукмдор сифатидаги шуҳрати Ғарбу-Шарқда кенг ёйилди, халқ ижодида мадҳ этилиб, авлодлардан авлодларга ўта бошлади. Унинг жуда очиқкўнгил, обрў-эътиборли ҳукмдор бўлганидан ҳикоя қилувчи халқ оғзаки ижоди намуналари бизгача етиб келган.

• Ювош Боб ҳозирги Сайрам вилоятининг Сийқим қишлоғида милодий 830 йилда дафн этилган. Қишлоқ аҳли ҳазратнинг кейинги авлодлари қабр устига мақбара тиклашди. Мусулмонлар маҳаллий жамоаси тайинлаган ходим шу кунларда ҳам мақбарада тозаликни сақлаб, зиёратчиларга хизмат қилиб туради.

Давоми бор ...

• 1 •...

Манба: "Динимиз фидойилари" китоби, Амирсаидхон Усмонхўжаев

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Ноёб_фотолар

🗣Битирув тадбири

🔽Тошкент ислом институти ректори Шамсиддинхон Бобохонов Абдурашид Баҳромовга диплом топширмоқда, 1979 йил.

🔽Ёнларида 1975-1997 йилларда Ўрта Осиё ва Қозоғистон мусулмонлари диний назорати раиси ўринбосари Юсуфхон Тўра Шокиров.

🔽Шамсиддинхон Бобохонов Тошкент ислом институтида 1975-1982 йилларда ректорлик қилган.

🔽Муфтий Абдурашид қори Баҳромов 1997-2006 йилларда Ўзбекистон мусулмонлари идораси раиси бўлган.

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram

#Ал_Адаб_ал_муфрад #7_боб #15_ҳадис

✍️ 7-боб. Ота-онага оқ бўлиш ҳақида

😎15. Абу Бакра розияллоҳу анҳу айтдилар: "Расулуллоҳ соллаллоҳу алайҳи васаллам: "Мен сизларга гуноҳларнинг энг каттасини айтиб берайми?" — деб уч мартаба сўрадилар.

• Саҳобийлар: "Ё, Расулуллоҳ, айтиб беринг", дейишди.
• "Аллоҳ таолога ширк келтириш ва ота-онага оқ бўлиш", дедилар.

• Расулуллоҳ соллаллоҳу алайҳи васаллам шу вақтда ёнбошлаб ўтирган эдилар, кейин яхшилаб ўтириб олдилар-да: "Огоҳ бўлинглар! Шу катта гуноҳлардан бири ёлғон гапирмоқ, туҳмат қилмоқдир", дедилар.

• Шу охирги сўзларини шу қадар кўп такрорладиларки, мен ичимда, Расулуллоҳ соллаллоҳу алайҳи васаллам чарчадилар, энди гапларини тўхтатсалар ҳам бўларди, дедим".

• Изоҳ: Ота-онага оқ бўлиш — уларга озор бериш, хафа қилиш ва буйруқларини бажармасликдан иборатдир. Ота-онанинг фарзандга, сени оқ қилдим, дейишлари шарт эмас, диллари оғришининг ўзиёқ фарзанднинг оқ бўлганидир.

• Маълумот учун: 14-ҳадис 13-ҳадиснинг мазмунан такрори бўлгани учун китобда ва бу ерда берилмади.

✅ Манба: “Ал-Адаб ал-муфрад”, Имом Бухорий раҳматуллоҳи алайҳ

🗣Таржима муаллифи: Доктор Шамсиддинхон Бобохонов

✈️ t.me/muftiylaruz

Саҳифаларимиз:🔅

🌐 Сайт |🎬 Youtube |🔵 Facebook |📷 Instagram