Ochigʻi, havas qilmayman!

Insonlar bilan ishlaymiz. Kasbimiz- oʻqituvchilik. 4 yil davomida turli xil oʻquvchilar bilan ishladim. Yildan yilga turlicha xulosalar.

Maqsadsiz ilm olishni boshlagan, niyati notoʻgʻri boʻlgan oʻquvchilarni koʻpi uzoqga yetmadi. Bahonalar esa talaygina. Uyqudan, doʻstlaridan, koʻngilxushlikdan voz kecha olmadi. Lekin hammasi oʻzgarishini kutdi.
Oʻxshamadi.
Butun dunyo aybdor, ustoz yaxshi oʻqitmadi, olimlar tilni qiyin qilib tashlagan, uy ishlari esa kundan kunga koʻpayyapti.
Keyinchalik ham kuzatdim. Bir ishni fokus, harakat qilib qila olmagan inson, deyarli barcha ishlarda shunaqa boʻldi! Boshqa tilni oʻrganmoqchi boʻldi, boshqa kasbni oʻrganmoqchi boʻldi…

Ammo, shunday oʻquvchilar bor, koʻzlari yonadi, ularni koʻrib,koʻproq ilm ulashgim keladi.
Intizom, xurmat, vaqt boshqaruvi🔥
Maqsadiga yetmaguncha qoʻymaydi, uxlamaydi, chalgʻimaydi. Keyinchalik kuzatdim. Koʻp narsaga erishishyapti.

Xulosa:
Ilm yoʻli- Jannat yoʻli.
Ilm yoʻli- intizomliklar yoʻli.
Ilm yoʻli- qati’yatliklarni yoʻli.

Ochigʻi, maqsadsiz “mazza” qilib, yashayotganlarga havas qilmayman!