🇺🇿MMTRI - rasmiy kanal

🗣Milliy malaka tizimini rivojlantirish institutida Germaniya xalqaro hamkorlik jamiyati (GIZ) tomonidan amalga oshirilayotgan “O‘zbekistonda kasbiy ta’lim tizimini isloh qilish va modernizatsiya qilish jarayonini qo‘llab-quvvatlash” (TexVET-II) loyihasi vakillari hamda Shveysariyaning Bern universiteti professori, xalqaro ekspert Dr. Andreas Xirshi (Andreas Hirschi) ishtirokida uchrashuv o‘tkazildi.

🗣Uchrashuvning asosiy mavzusi umumta’lim maktablari va kasbiy ta’lim tashkilotlarida kasbga yo‘naltirish tizimini modernizatsiya qilish, karera maslahatchilarini tayyorlash va ularning kasbiy malakasini oshirish bo‘yicha xalqaro tajriba va zamonaviy metodologiyalarni o‘rganishdan iborat bo‘ldi.

🗣Muloqot davomida O‘zbekistonda kasbga yo‘naltirish tizimini yanada takomillashtirish, mazkur yo‘nalishda faoliyat yurituvchi mutaxassislarning kasbiy salohiyatini oshirish, uzluksiz kasbiy rivojlanish dasturlarini takomillashtirish hamda ilg‘or xalqaro yondashuvlarni amaliyotga joriy etish masalalari muhokama qilindi.

🗣Xalqaro ekspert Andreas Xirshi tomonidan kasbga yo‘naltirish tizimini rivojlantirish, karera maslahatchilarining professional kompetensiyalarini shakllantirish va rivojlantirish, shuningdek, xalqaro tajriba asosida metodik qo‘llanmalar va amaliy tavsiyalarni ishlab chiqish yuzasidan taklif va tavsiyalar bildirildi.

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

#KasbiyStandart

⚡️ Kasbiy standartlar: amaliyot va ehtiyoj bir nuqtada

➡️ "O'zeltexsanoat" uyushmasi, Milliy malakalarni rivojlantirish instituti va soha korxonalari vakillaridan iborat tarmoq ishchi guruhi ishtirokida Elektrotexnika va mashinasozlik sanoati uchun 2026-yilda ishlab chiqilishi rejalashtirilgan kasbiy standartlar muhokama qilindi.

➡️ Seminarda korxonalardagi lavozimlarni xatlovdan o‘tkazish, kasblar va mehnat funksiyalarini to‘g‘ri belgilash, shuningdek, amaliyotda mavjud, ammo MMK–2025 (Mashg‘ulotlarning milliy klassifikatori)da aks etmagan lavozimlarni tasniflash masalalariga e’tibor qaratildi.

➡️ Asosiy maqsad — kasbiy standartlarni qog‘oz uchun emas, balki korxonalarning real ehtiyojlari uchun ishlab chiqish. Yakunida ishchi guruh oldidagi vazifalar va keyingi ishlar belgilab olindi.

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

#Kitobxonlik

📚 “Bir haftada bir kitob” loyihasi davom etmoqda!

🔵Ba’zi asarlar shunchaki o‘qilmaydi — o‘ylantiradi, bezovta qiladi va uzoq vaqt xotirada qoladi. Abdulhamid Cho‘lponning “Kecha va kunduz” romani ana shunday asarlardan.

📖 Roman xalq va jamiyat hayotidagi murakkab ziddiyatlar, inson erki, adolatsizlik va xotin-qizlarning og‘ir taqdirini ta’sirchan yoritadi.

🟣Go‘zal, xushovoz, sodda va huquqsiz Zebi taqdiri orqali Cho‘lpon birgina insonning emas, butun bir davrning fojiasini ko‘rsatadi.

😎Cho‘lpon esa bu fojeani shunchaki tasvirlab qo‘ymaydi. U o‘quvchini “Inson o‘z hayotining egasi bo‘lishi uchun nimalar kerak?”, degan savol qarshisida qoldiradi.

🔵Roman ikki qismdan iborat dilogiya sifatida yaratilgan bo‘lib, bizgacha uning “Kecha” nomli qismi yetib kelgan. “Kunduz” deb atalgan ikkinchi qismning taqdiri haqida aniq ma’lumot mavjud emas.

😎“Kecha va kunduz” — Zebi haqida yozilgan roman emas. Zebi taqdiri orqali bir davrning “kecha”sini ko‘rsatgan roman.

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

👍 Bir standartda 3 muhim kasb

🗣Moda g‘oyadan boshlanadi. G‘oya — eskizga, eskiz — konstruksiyaga, konstruksiya esa tayyor mahsulotga aylanadi.

👍 Endi bu jarayonning professional talablari “Yengil sanoat buyumlari dizayni” kasbiy standartida o‘z ifodasini topdi.

👍 Yangi kasbiy standart yengil sanoat mahsulotlarini zamonaviy estetik talablar, ergonomika, bozor talabi va iste’molchilar ehtiyojlarini hisobga olgan holda yaratishga qaratilgan.

📌 Kasbiy standart doirasida quyidagi kasblar qamrab olingan:

Raklist — Dizayn uchun materiallarni tayyorlash, lekalo va texnik hujjatlar bilan ishlash, namunalar asosida zarur tuzatishlarni kiritish.

Kiyim-kechak dizayneri — Trendlarni tahlil qilish, dizayn konsepsiyasini yaratish, eskiz, rang va material yechimlarini ishlab chiqish hamda kolleksiyani shakllantirish.

Modelyer-konstruktor — Konstruktorlik yechimlarini ishlab chiqish, bazaviy konstruksiya va modellashtirish, o‘lchamlar gradatsiyasi va texnik paketni tayyorlash hamda namunani ishlab chiqarishga moslashtirish.

👍 Maqsad — zamonaviy yengil sanoat uchun raqobatbardosh va talabgir mahsulotlar yarata oladigan professional mutaxassislarni shakllantirish.

➡️ Batafsil

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

Prezident Shavkat Mirziyoyevning tadbirkorlar bilan VI ochiq muloqotdagi nutqidan eng muhim fikr va tashabbuslar

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

#siyosat_va_jamiyat

Birozdan so‘ng Prezident Shavkat Mirziyoyevning tadbirkorlar bilan VI ochiq muloqoti boshlanadi.

Tadbirda 500 nafarga yaqin tadbirkor bevosita, ilk bor tumanlardagi studiyalardan yana 25 mingga yaqin biznes vakillari ishtirok etmoqda.

Davlatimiz rahbari tomonidan:

🔷 tadbirkorlik uchun barqaror o‘sish trayektoriyasini ta’minlash,

🔷 hududlarda biznes imkoniyatlarini oshirish,

🔷“sun’iy intellekt – boshqaruv samaradorligi – yangi investitsiyalar” ekotizimini yaratish,

🔷 eksport salohiyatini oshirish, milliy brendlarni tashqi bozorlarga olib chiqish,

🔷 biznesga ma’muriy bosimni keskin kamaytirish yo‘nalishlarida muhim tashabbuslar ilgari surilishi kutilmoqda.

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

🔂Milliy malaka tizimini rivojlantirish instituti tomonidan “Malakani baholashga jalb etiladigan ekspertlar” yo‘nalishida navbatdagi malaka oshirish kursi tashkil etildi.

🩷Besh kunlik o‘quv dasturi davomida ishtirokchilarning malakani baholash sohasidagi nazariy bilim va amaliy ko‘nikmalarini rivojlantirishga alohida e’tibor qaratildi.

🟢Mashg‘ulotlarda milliy malaka tizimi, malakani baholashning normativ-huquqiy asoslari, tarmoq malaka ramkalari, kasbiy standartlar, baholash vositalari va mezonlarini ishlab chiqish, kasbiy imtihonlarni tashkil etish, apellyatsiya jarayonlari, professional etika hamda risklarni boshqarish kabi muhim yo‘nalishlar qamrab olindi.

💙Yakuniy test sinovlarini muvaffaqiyatli topshirgan ishtirokchilarga malaka oshirish sertifikatlariga ega bo'lishdi.

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi.

Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi.

Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi.

Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan:

– Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi;

– Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi.

Administratsiyaning asosiy vazifalari belgilandi:

– O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash;

– Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish;

– Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish;

– aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish;

– qonunlarni imzoga yoki qaytarishga tayyorlash;

– Prezidentning Oliy Majlisga murojaatnomasini tashkil etish;

– Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar.

Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan.

Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi.

Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi.

Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda.

Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi.

🇺🇿Milliy malaka tizimini rivojlantirish instituti Axborot xizmati

☎️Veb-sayt  😎Telegram 😎Facebook