Avtobusda ketayotsam, to’g’rimda o’tirgan qiz kitob o’qiyotgan ekan. Muqovasini ko’rish uchun egilgandim, o’zi sezib kitobni ko’rsatdi. Dostoyevskiyni “Oydin tunlar"i ekan. Keyin meni qo’limda turgan kitobga ishora qilib, ko’rsatishimni so’radi. “Jinoyat va Jazo”ni ko’rib hayrat bilan qosh qoqib qo’ydi.

Keyin esa o’ng oyog’ini men tomon cho’zdi, menam javoban uzatdim. Bu sal boshqacharoq “besh tashlash” bo’ldi. Ikkimiz ham kulib yubordik. Qarasam tushadigan joyim yetib kelibman.

Xohlamaygina tushdim. Odam juda tiqilinch edi. Yurib ketgan avtobusga qarab qoldim. Keyin kimdir ortimdan yelkamga qoqib qoldi. O’girilib qarasam anavi qiz turibdiyu. Kecha shunaqa instagram reels ko’rib qoluvdim. Videoni o’zini topolmay, syujetni aytib bera qoldim.