من قرائتي

​Тананг билан ҳис қил

Инглиз тилини ўрганганимда – чиқиндиларнинг сувга улоқтирилиши, ҳайвонлар ўлими мавзуларига тез-тез дуч келардим.

Буларга шу даражада кўп урғу берилганки, "яқинда ер юзи йўқ бўлиб кетармикан?", "намунча ваҳима қилади булар?", "ҳайвонларда бошқа муаммо йўқмикан?" – деб ҳайрон қолардим.

Ёзда Измирда саёҳатда бўлдим. Денгиздан ўтаётганимда – ўлиб ётган балиқларга кўзим тушди.

Яхшилаб эътибор берсам, қирғоқ ўлган балиқларга тўла эди. Ҳайратланиб, одамлардан бунинг сабабини сўрадим.

Бир балиқчи: "Шу инсофсиз заводлар чиқиндиларини денгизга ташлайди", – деди.

Бошқаси эса: "Кема ҳайдовчилари заҳарли моддаларни сувга бўшатиб кетади", – деб жавоб берди.

Менга эриш туюлган мавзулар, ҳақиқатан, жиддий экан!

Буни қачон англадим?

Кўз билан кўрганимда!

Табиатимиз шундай:

Кўз билан кўриб, танамизда ҳис қилмагунимизча, комил ишонмас эканмиз.

Мактабда йиллаб устозларимиз "ўқи" деб жонкуйдирарди. Бу гаплар сафсатага ўхшарди.

Лекин, ўқишдан йиқилиб, қора меҳнат қилган вақтларим "ўқи" сўзининг маъносини "белим" билан англаб етгандим.

Шу даражада англадимки, кейинчалик 4 йил университетда бошимни ўрганишдан кўтармадим.

Ўқиш – майли, бир марта йиқилдингми, яна имкон бор.

Мени эса фарзанд тарбиясига бепарволигимиз қўрқитади.

Бир синфдошимиз ёмон йўлга кириб, полицияга тушганида – отаси (кап-катта киши) қаттиқ йиғлаганини айтишганди.

Ота ҳам беэътиборлик нималарга олиб келишини танасида ҳис қилди. Лекин энди кеч эди..

Хулоса ўлароқ - Бернард Шоунинг иқтибосини келтирмоқчиман:

"Инсон дунёда ҳамма нарсани билса ҳам, фақат ўз тажрибаси билан ўрганган нарсасини тушуниб етади."

Муаммоларни ўз кўзи билан кўрмаган ўқувчиларга вазиятни қандай тушунтириш мумкин деб ўйлайсиз?

Фарзанд тарбиясига бепарво ота-оналаргачи?

https://t.me/min_qiroatiy

Ғафлатда қолманг!

“Бароат” сўзи араб тилида “озод бўлиш”, “нажот топиш” деган маъноларни англатади. Бу кечанинг бароат, яъни нажот топиш, озод бўлиш кечаси дея номланишига сабаб, унда Аллоҳ таолонинг раҳмати сабабли беҳисоб инсонлар дўзахдан нажот топадилар.
У Шаъбон ойининг 14 дан 15 га ӯтар кечаси (2025 йил 13 февралдан 14 февралга ўтар кечаси)га тўғри келади, иншааллоҳ.
Ғафлатда қолманг!

Каналга уланиш учун
👇👇👇
https://t.me/min_qiroatiy

Ҳаммамизга билишимиз керак бўлган саволларга жавоблар

1. Қуръоннинг маъноси нима?
— "Қироат", "Ўқиш".
2. Дастлабки тушган жойи?
— Макка, Хиро ғори.
3. Дастлабки тушган куни?
— Қодир куни.
4. У кимнинг сўзи?
— Аллоҳнинг.
5. Қуръонни келтирган фариштанинг номи нима?
— Жаброил (а.с).
6. Уни биринчи бўлиб ўқиган одам ким?
— Пайғамбаримиз Муҳаммад (с.а.в).
7. Қуръонни ҳар бир ҳарфини то қиёматга қадар қўриқловчи ким?
— Аллоҳ
8. Уни қандай ушлаш керак?
— Таҳоратли ҳолда.
9. Қуръонда Қуъронни қандай номлар билан зикр этилган?
— Ал-Фуркаан, Ал-Китоб, Ал-Зикр, Ал-Нур, Ал-Худо.
10. Маккада нечта сура тушган?
— 86 та
11. Мадинада нечта сура тушган?
— 28 та
12. Қанча порадан иборат?
— 30 та
13. Қанча сура бор?
— 114 та
14. Қанча оят бор?
— 6236 та
15. Қуръонда Аллоҳнинг номи нечта марта берилган?
— 2698 марта.
16. Намоз ҳақида неча марта айтилган?
— 700 марта.
17. Муҳаммад (с.а.в) қандай ном билан номланган?
— Соф сурасининг 6-оятида Аҳмад деган ном билан номланган
18. Пайғамбаримизнинг исми неча марта номланган?
— Муҳаммад (с.а.в) — 4 марта, Аҳмад Аҳмад (с.а.в) — 1 марта.
19. Энг кўп қайси пайғамбарнинг номи айтилган?
— Пайғамбар Мусо (а.с) нинг.
20. Қуръон оятларини дастлаб ким санаб чиққан?
— Ҳалима онамиз.
21. Энг дастлабки ва тарихий масжид қайси?
— Каъба.
22. Қайси пайғамбарни онасининг исми билан қўшиб чақирилган?
— Пайғамбар Исо (а.с) Мариям ўғли.
23. Қуръонда алоҳида эслатилган кун номи.
— Қиёмат куни.
24. Энг узун сура қайси?
— Бақара сураси.
25. Энг қисқа сура қайси?
— Кавсар сураси.
26. Пайғамбаримиз Муҳаммад (с.а.в)га Жаброил фаришта Қуръонни илк бор келтирган вақтда у зотнинг ёшлари нечада эди?
— 40 ёшда.
27. Пайғамбаримиз Маккада неча йил пайғамбар бўлганлар?
— 13 йил.
28. У зот Мадинада нечи йил пайғамбар бўлиб турдилар?
— 10 йил.
29. Қуръони Каримнининг нозил бўлишига неча йил кетган?
— 22 йилу, 5 ой, 14 кун.
30. Қайси сура намознинг ҳар бир ракатида ўқилади?
— Фотиха
31. Аллоҳ Таоло дуо ўрнида ўқишга лозим кўрган суранинг номи қайси?
- Фотиха.
32. Энг биринчи сура?
— Фотиҳа.
33. Қуръонда номи айтилган ёлғиз аёл?
— Мариям (а.с).
34. Қайси сурада Бисмиллоҳ сўзи 2 марта айтилган?
— Намл сурасида.
35. Қуръонда пайғамбарларнинг номи билан номланган қанча сура бор?
— 6 та: Юнус, Худ, Юсуф, Иброҳим, Нуҳ, Муҳаммад сураси.
36. Қуръонда Аллоҳнинг қанча номи айтилган?
— 99 та.
37. Қуръонда бойлик ҳақида нима айтилган?
— Одам имононининг синови.
38. Қуръонда номланган масжидлар нечта?
— 5 та: Масжид ул-Харам, Масжид ул-Зирар, Масжид ул-Набави, Масжид ул-Акса, Масжид ул-Куба.
39. Қуръонда номи айтилган ва 3-авлод пайғамбарининг номи?
— Иброҳим (а.с).
40. Номи айтилган фаришталар?
— Жаброил, Микайл, Харут, Марут.


https://t.me/min_qiroatiy