🇺🇿18-noyabr – Oʻzbekiston Respublikasi davlat bayrogʻi qabul qilingan kun

VATAN BAYROGʻI...

Hilpiraysan ko‘rsatib chiroy,
Ma’naviyat, qadriyatga boy,
Senda aksin ko‘rar yangi oy,
Mangu yasha, Vatan bayrog‘i!

Qator yulduz yarashgan xoling,
Ikki daryo qoshu hiloling,
Oyning nuri shonli iqboling,
Mangu yasha, Vatan bayrog‘i!

Sohibqiron hikmati senda,
Manguberdi xislati senda,
Shayx Kubroning qismati senda,
Mangu yasha, Vatan bayrog‘i!

Elu yurtga tug‘rosan, tug‘san,
Buyuk urug‘, noming ulug‘san,
Keng dunyoga ketgan dovrug‘san,
Mangu yasha, Vatan bayrog‘i!

O‘zbekiston – mangu sharaf- shon,
Hilpirayver, ko‘rk olar osmon,
Sen baxtimga berilgan imkon,
Mangu yasha, Vatan bayrog‘i!

Abdurashid Ergashev,
Asaka tumani


📱 Telegram     📱 Instagram
📱 Facebook    📱 Mobil ilova