Favqulodda vaziyatlar vazirligi Akademiyasida 2024-yilning 30-oktabr kuni “Aniq va tabiiy fanlar yo‘nalishidagi ilmiy tadqiqotlarda favqulodda vaziyatlarning oldini olish va ularni samarali bartaraf etishning zamonaviy yechimlari” Respublika ilmiy-amaliy anjumani o‘tkazildi.
Mazkur anjumanda O‘zbekiston Respublikasi Fanlar akademiyasi Fizika-texnika instituti, Fanlar Akademiyasi Polimerlar kimyosi va fizikasi institute, Toshkent Davlat Transport universiteti, Favqulodda vaziyatlar vazirligi Fuqaro muhofazasi instituti, Samarqand davlat arxitektura-qurilish universiteti, Yong‘in xavfsizligi va Favqulodda vaziyatlar muammolari Ilmiy tadqiqot instituti mas’ul xodimlari, FVV Akademiyasi professor-o‘qituvchilari, harbiy xizmatchilari, xizmatchilar va kursantlar hamda ommaviy axborot vositalari xodimlari ishtirok etdi.
Anjumandan ko‘zlangan asosiy maqsad - Anjumanning asosiy maqsadi - texnogen va tabiiy xususiyatli favqulodda vaziyatlarning oldini olish, ular sodir bo‘lganda zamonaviy usullar va innovatsion texnologiyalarni amaliyotga joriy etish, favqulodda vaziyatlarning salbiy oqibatlarini kamaytirish va ularni samarali bartaraf etish, mazkur yo‘nalishda kursantlarga nazariy va amaliy ma’lumotlar, tushunchalar berish, ularning sohadagi bilimlarini boyitish, kabi dolzarb masalalarni o‘rganish, tahlil etish hamda sohada o‘z yechimini kutayotgan muammolarga javob bera oladigan, ilmiy asoslangan tavsiyalar, ilmiy-innovatsion ishlanmalarni ishlab chiqish va uni amaliyotga keng tadbiq etishdan iborat.
Anjumanni Favqulodda vaziyatlar vazirligi Akademiyasi boshlig‘ining birinchi o‘rinbosari kimyo fanlari doktori, (DSc) professor Odiljon Ziyadullayev ochib, yangi O‘zbekistonda yoshlarimizning har bir a’zosidan innovatsion yondashuvni, ilmiy ishlanmalar va zamonaviy texnologiyalar yaratishni taqozo etayotgani, yuqori texnologiyalarga ega bo‘lgan rivojlangan xorijiy davlatlarning tajribasidan kelib chiqib, innovatsiyalar va innovatsion faoliyatni takomillashtirish hamda ilmiy-tadqiqot ishlari sifati va samaradorligini yanada yuqori bosqichlarga ko‘tarish lozimligini alohida ta’kidladi.
Shuningdek, davlatimiz rahbarining “Xalqimiz dunyoqarashida innovatsiya muhitini yaratish eng muhim vazifamizdir. Innovatsiya bo‘lmas ekan, hech bir sohada raqobat, rivojlanish bo‘lmaydi. Bu sohadagi o‘zgarishlarni xalqimizga keng targ‘ib qilmasak, odamlarda ko‘nikma paydo qilmasak, bugungi davr shiddati, fan-texnikaning mislsiz yutuqlari bilan hamqadam bo‘lolmaymiz” deya bildirgan so‘zlari e’tirof etildi.
Yakunda tashkilotchilar tomonidan faol ishtirokchilarga tashakkurnoma va esdalik sovg‘alari tantanali topshirildi.