Зулҳижжа ойининг фазилатлари

Пайғамбаримиз соллаллоҳу алайҳи васаллам: “Бу 10 куннинг хайру баракотидан маҳрум бўлганларга афсуслар бўлсин!” деганлар

Уламоларимиз бу кундаги афзал амаллар ва фазилатли ибодатларни зикр қилишиб, уларнинг ичида қуйидагиларни алоҳида ажратиб кўрсатишган.

Бу ойда қилинадиган амаллар қуйидагилар:

1. Жисмдаги барча аъзолар мағфират қилиниши учун қурбонлик қилишни ирода қилган кишига сочни қисқартириш ва тирноқларни олишни тарк қилиш;

2. Қуръон қироати ва кўп зикр билан машғул бўлиш;

3. Унинг аввалги тўққиз кунида рўза тутиш;

4. Бу ойнинг тўққизинчи куни рўза тутишнинг фазилати таъкидланган. Набий соллаллоҳу алайҳи васалламдан бу куннинг рўзаси ҳақида сўрадилар. Шунда у зот соллаллоҳу алайҳи васаллам: "Олдинги ва келаси йилларга каффорат бўлади", дедилар (Имом Муслим Aбу Қатода Aнсорий розияллоҳу анҳудан ривоят қилган. 1162-ҳадис)

5. Ўнинчи куни рўза тутмаслик. Чунки у Қурбон ҳайити кунидир. Ундаги энг афзал амаллар: такбир айтиш, қурбонлик қилиш, садақа қилиш, яқинларга силаи раҳм қилиш...

“Зулҳижжа ойининг биринчи ўн кечасида қилинган ҳар бир яхши амалга 700 мисл савоб берилади”.

“Ўз фазилати билан бу кунларнинг ҳар бири 1000 кунга, Арафа куни эса ўн минг кунга баробардир”.

Бу ойнинг илк тўққиз кунида рўза тутган кимсанинг умри узун бўлади, молига барака киради, бола-чақаси балолардан омонда бўлади, гуноҳлари кечирилади, яхшиликларига қат-қат савоб берилади, жон бериши осон кечади, қабри ёруғ бўлади, тарозида савоби оғир келади ва Жаннатда улуғ мартабаларга эришади”.


Батафсил: https://azon.uz/content/views/53807

© AzonUZ ахборот-таҳлилий портали