Inson zotiga qarang!

O'zi bir tomchi suvdan yaralgan, ammo:

- Nuhning kemasi oldidan o'tib tursa ham, unga chiqmaydigan darajada qaysar;

- Alloh jannatdan chiqargan tuyani so'yadigan darajada jur'atli;

- "Men sizlarning eng oliy Robbingizman" deydigan darajada kazzob;

- o'ziga yuborilgan payg'ambarlarni arrada ikkiga bo'lib tashlaydigan darajada qonxo'r;

- Sarvari koinotning yuziga tupuradigan darajada xudbin;

- Jannat rayhoni, Rasululloh sollallohu alayhi vasallamning erkatoyini Karbaloda o'ldirib, kallasini oladigan darajada vahshiy...

U
- haq bilan botil orasini ajratuvchi (Umar)ga namozda suiqasd qilgan;
- ilm eshigi (Ali)ning boshiga masjid tomon ketayotganda qilich urgan;
- ikki nur sohibi (Usmon)ni Mus'haf ustida shahid etgan;
- Rasululloh havoriysining o'g'li (Abdulloh ibn Zubayr)ni qatl qilib, jasadini "ibrat" uchun osib qo'ygan qotildir.

U
- oy ikkiga bo'linsa ham;
- daraxt yurib kelsa ham;
- osmondan dasturxon tushsa ham;
- o'lik qayta tirilsa ham Robbisini inkor etgan johildir.

- Alloh bergan til bilan Uni haqorat qilgan;
- Ul zot bergan ko'z bilan Unga xiyonat qilgan;
- O'z qizlarini tiriklayin ko'mgan ham udir.

U Haq taolo aytganidek "o'ta zolim va o'ta noshukrdir".

Uluğ Alloh rost sózlaydi!