Bobolarning hikmati
Hayotga yorug‘ yo‘ldir.
Otang bolasi bo‘lma,
Odam bolasi bo‘l, der.
Bu so‘zni ilk bor menga
O‘rgatgan otam edi.
Men otam farzandiman,
U esa odam edi.
Dahshati ko‘z oldimda,
Go‘dak edim, otamni
Kuzatganim yodimda.
U ko‘plar baxti uchun
Kirar ekan zo‘r jangga,
Onam boshimni silab,
O‘xsha, degan otangga.
Mening mardlik maktabim
Jonfido otam edi.
Men otam farzandiman,
U esa odam edi.
Men otam bosib o‘tgan
Qonli yo‘lni o‘tmasman.
Ammo shonli hayotin
Bir umr unutmasman.
Ona Vatan ko‘ksiga
Qalqon bo‘lgan otamning,
Ko‘plar baxti yo‘lida
Qurbon bo‘lgan otamning
Aziz nomin qalbimda
Vijdonimdek saqladim.
Uning o‘lmas ruhini
Shod etmoqdir maqsadim.
Umrimni fido etay
U jon bergan Vatanga.
El mendan rozi bo‘lsin
O‘xshabsan, deb otangga.
© Erkin Vohidov - "Nido"
Hayotga yorug‘ yo‘ldir.
Otang bolasi bo‘lma,
Odam bolasi bo‘l, der.
Bu so‘zni ilk bor menga
O‘rgatgan otam edi.
Men otam farzandiman,
U esa odam edi.
Dahshati ko‘z oldimda,
Go‘dak edim, otamni
Kuzatganim yodimda.
U ko‘plar baxti uchun
Kirar ekan zo‘r jangga,
Onam boshimni silab,
O‘xsha, degan otangga.
Mening mardlik maktabim
Jonfido otam edi.
Men otam farzandiman,
U esa odam edi.
Men otam bosib o‘tgan
Qonli yo‘lni o‘tmasman.
Ammo shonli hayotin
Bir umr unutmasman.
Ona Vatan ko‘ksiga
Qalqon bo‘lgan otamning,
Ko‘plar baxti yo‘lida
Qurbon bo‘lgan otamning
Aziz nomin qalbimda
Vijdonimdek saqladim.
Uning o‘lmas ruhini
Shod etmoqdir maqsadim.
Umrimni fido etay
U jon bergan Vatanga.
El mendan rozi bo‘lsin
O‘xshabsan, deb otangga.
© Erkin Vohidov - "Nido"