* Муштарий илҳоми

МАРҲАБО, РАМАЗОН!

Марҳабо, Рамазон, ойлар султони,
Ниҳоят бебаҳо ҳар фурсат, они.

Унда бор минг ойдан афзал бир кеча,
Буни Парвардигор айгандир неча.

Бу кунларга етказган, Аллоҳимиз,
Ўзинг тингла дуолару оҳимиз.

Сен учун этганмиз адо фарзимиз –
Рўза тутгаймиз, йиқиб биз нафсимиз.

Даргоҳи кенг, имкони чексиз, Эгам,
Сен учун қанча ибодат қилсак – кам.

Мангу бор бўлсин, элу миллат, шараф,
Рамазон келсин шу осуда юртга қараб.

Рамазон билан омад қўл ушлашиб,
Ташриф буюрсин қувончлар улашиб.

Минг балолардан йироқ бўлсин замин,
Ижобат бўлсин барча дуолар, омийн!

Ҳожи Насруллоҳ ШУКРУЛЛОЕВ,
меҳнат фахрийси