#Tarjima

Mehribon

Sariq sochlaringga telba koʻnglimni
Bogʻlamishding yechilmaydi, Mehribon!
Ayriliqdan qiyin, deb oʻylama oʻlimni
Koʻrmaguncha sezilmaydi, Mehribon!

Yor deganda qalam qoʻldan tushar,
Koʻzlarim koʻrmas, bu aqlim shoshar.
Lampada titragan olov uvushar*
Ishq qogʻozga bitilmaydi, Mehribon.

Oldin noz, keyin soʻz* va soʻngra xiyla,
Sevilgan sevganni saqlaydi dilda
Fasllaru yillar oʻzgargan bilan
Eski odat oʻzgarmaydi, Mehribon.

Tabiblarda malham yoʻqdur yaramga,
Ishq deganda oʻzgasini izlama.
Har narsaning bir bitimi* bor, ammo
Ishqqa hudud* chizilmaydi, Mehribon!

Bekorga bogʻlanmish bulbul guliga
Qor qoʻysang, choʻgʻ boʻlar ishqning kuliga
Lolman qaro baxtim tahammuliga*
Toshga ursam, ezilmaydi Mehribon.

Ta'rifga sigʻmaydi ishqning anglami*
Faqat chekkan bilar bu dard-u gʻamni,
Yoʻl chigaldir boshdin oxir tamomi
Yecholmadim, yechilmaydi Mehribon

Uvushadi—sovqotadi
Soʻz—va'da
Bitim—oxir, tugash
Hudud-chegar
Tahammul—bardosh, chidam
Anglam—ma'no

Gulzoda Safarova

@kuhinur_kundaligi