Hamkorlik memorandumi imzolandi!

🏫 Qoʻqon universitetiga Oʻzbekiston-Yaponiya Yoshlar innovatsiya markazi direktori Saidmurad Saidrasulovich Niyazbekov, markaz xodimlari va  Yaponiyalik ekspert Yukinori Yanagida tashrif buyurdi. Yukinori Yanagida markazning "Satreps Hydrogen" loyihasiga JICA jamg'armasi tomonidan jalb etilgan ekspert hisoblanadi.

🤝 Dastlab, mehmonlar Universitet kampusida joylashgan professor-o'qituvchi va talabalar uchun yaratilgan sharoitlar bilan yaqindan tanishishdi.

Tashrif davomida talabalarga mustaqil ta'lim olish uchun yaratilgan sharoitlarni ko'zdan kechirish maqsadida mehmonlar Axborot kutubxona markaziga tashrif buyurdilar. Tanishuvlardan keyin universitet va markaz o'rtasida oʻzaro anglashuv memorandumi imzolandi.

Shundan so'ng, Universitet Turizm majmuasining majlislar zalida professor-o‘qituvchi, doktorant, tadqiqotchi va talabalar uchun Oʻzbekiston-Yaponiya Yoshlar innovatsiya markazining imkoniyatlari, faoliyati, shuningdek yosh ilmiy xodimlarga koʻmaklashish bo'yicha yaratilgan sharoitlar hamda Scopus kabi nufuzli ilmiy ma'lumotlar bazalarida maqola chop etish masalalariga bag'ishlangan taqdimot bo'lib o'tdi. Uchrashuv davomida Yaponiyaning nufuzli universitetlarida oʻqituvchilar malaka oshirishi va stajirovkalarini tashkil etish, sohaning yetuk olimlarini ma'ruzalar uchun taklif etish, talabalar almashinuvini yo'lga qo'yish hamda birgalikda Yaponiyaning nufuzli fondlariga loyihalar tayyorlash bo'yicha kelishib olindi.

Mazkur uchrashuvda Qo‘qon universiteti Andijon filialidan vakillar sifatida:
✅ B.R. Axmedov – Yoshlar masalalari va ma’naviy-ma’rifiy ishlar bo‘yicha prorektor
✅ M.J. Jalilov – Ilmiy ishlar va innovatsiyalar bo‘yicha prorektor
✅ U.T. Sobirov – Xalqaro hamkorlik departamenti boshlig‘i ishtirok etishdi.

🟢Uchrashuv yakunida ishtirokchilar tomonidan berilgan savollarga javob berildi.

✅ Telegram 🌐Instagram
📹 YouTube ✅Facebook
🔍Web-site