KS kanali

MODERN BUD

Pikey PK kinosini koʻrgan boʻlsangiz kerak.

Buddaviylikda odamlar oʻzlari yasagan bud va sanamlarga sigʻinishadi.

Inson oʻz qoʻli bilan yasalgan buyumga sigʻinsa-ya dersiz.

Bud va sanamlarni yasash milodiy I asrda paydo boʻlgan.

Vaqtlar oʻtdi. Zamonaviy budlar paydo boʻldi. iPhone, Macbook, Gelik, Inomarkalar - hozirgi bud haykallar

Inkor qilsangiz bir kunga ishga, maktabga, universitetga soʻnggi rusumdagi iPhone bilan borib koʻring)

Biz hech narsaga sigʻinmasligimizni aytsakda, amallar aksini koʻrsatyapti.

Balki qadriyatlarimizni qayta koʻrib chiqish vaqti kelgandir

@ks_kanali

OJIZA

Enamning bir gapi bor. Sal qiynalgan odamni koʻrsa "voy bechora" deyaveradi.

Betob boʻlib qolgan, ishdan charchab kelgan, ogʻirroq yuk koʻtargan, yiqilib tushgan hullas hammaga bir xil.

Yomon soʻz emas. Lek chuqurroq kirganda menga yoqmaydi.

Jamiyat ayol-qizlarga nisbatan ojiza deyishi ham shunga oʻxshash.

Ojizaga chiqaraverishdan oddiy ishlarda yordam soʻraydigan, muammolarini oʻzi hal qila olmaydigan insonga aylanadi.

Eng yomoni qoʻrqoq boʻlib qolishlari mumkin.

Avvalo oʻziga ishonchi yuqori boʻlishi va koʻcha tilida aytganda "дух вагон" boʻlishini taʼminlash zarur.

Aka sifatida singillarimni shu asnoda tarbiyalayapman

@ks_kanali

UZOQ SAFARLAR

Tik-tok yulduzi boʻlmoqchimisiz ?

Endi kech. Dunyodagi eng liberal davlatlardan biri AQSH ham u platformani bloklayapti.

4 yil oldin hamma oʻzini dasturlashga urardi.

Yaqin orada oddiy kod yozuvchilar kerak boʻlmasligi aytilyapti.

Shiddat bilan oʻzgargan zamondamiz.

Biz yoshligimizda oddiy telefon ham ishlata olmasdik.

Hozir 5-sinf oʻquvchilarim SI orqali rasm chizishyapti.

Oʻylashimcha qisqa bordi-keldilar tugadi.
Endi uzoq safarlarga chiqish kerak

@ks_kanali

MUSIBAT KERAK EKAN

James Clear yoshligida beysbol tayog‘idan zarb yeb shifoxonaga yotadi.

Shundan so‘ng, odatlar shakllantirib, Atom Odatlar kitobini yozadi.

Kitob haligacha dunyoda mashhur.

O‘zimizda ham har hafta eng ko‘p sotiladigan kitob.

Mark Menson yoshligida do‘sti Joshning o‘limidan so‘ng, ichkilikni, maishatni tashlaydi. Blog yuritadi.

Vaqt o‘tib Bestseller kitob yozadi.

Asoschilar podkastida Aziz Rahimov ham inson xarakteridan "qattiq kaltak" yeganida o‘zgarishini aytgandi.

Inson o‘zgarishi uchun bir musibat kerak ekan-da...

@ks_kanali

MANBA KELTIRING

Blog ochilganidan beri biror fikr, yoki iqtibosni qayerdan olgan boʻlsam qoldirib ketaman.

Shu kichik yondashuv ham post sifatiga taʼsir qiladi.

Oʻzimni hali koʻp narsa bilmasligimni anglatib turadi.

Baʼzi bloglar koʻrib qolganimda boshqa taniqli bloglardan copy paste qilishadi.

Menikidan ham manbasiz koʻchiradiganlar koʻp.

Manbasiz copy paste qilish buyum oʻgʻirlab olishga oʻxshaydi.

Ishlataverasiz baribir oʻzingizniki emasligini his qilasiz.

@ks_kanali

#taqriz

TAʼSIR PSIXOLOGIYASI 📖

📝 Janr : Psixologik

👨‍🏫 Muallif : Robert Chaldini

📈 Reyting : 10/9

🚛 Doʻkon : Asaxiy.uz

Oʻqigan kitoblarim ichida eng qiyini boʻldi desam adashmagan boʻlaman. Sal kam 3 oy mobaynida oʻqidim. Kitobdagi tadqiqotlar eski boʻlsada bizga aslida qanday taʼsir oʻtkazishlarini yoritib beradi.

Misol uchun:

• Aksariyat xollarda sovgʻani olishganidan keyin mijozlar mahsulot va xizmatlarni sotib olishga moyil boʻlishar ekan. (Gruner, 1996)

• Ofissiantlar hisob-kitob qogʻoziga sovgʻa (saqich yoki shirinlik) qoʻshib berishi ularning choychaqasini sezilarli darajada oshiradi. (Strohmetz, Rind, Fisher and Linn 2002)

Kitobni psixologiya sohasida oʻqiydigan insonlar oʻqishi shart deb hisoblayman. Kitobdagi baʼzi texnikalarni oʻzim ham qoʻllab kelyapman.

@ks_kanali

WORK

Ishga kelib, yomon va yaxshi ishlasangiz ham 8 soat oʻtadi.

Yagona farq:

Yaxshi ishlasangiz oʻzingizga va boshqalarga foyda boʻladi.

@ks_kanali

DISTANCE

Har qanaqa munosabatda masofa ushlash yaxshiroq variant boshlanishiga.

Takrorlayman har qanaqa munosabatda

Rahbar-xodim, hamkorlik, hamkasblar, ustoz-shogird, qoʻshnichilik, va hokazo

Tez chiqishib ketish boshqa.
Yaqin boʻlib ketish boshqa.

Birinchisida suhbatlar toʻgʻri kelishi nazarda tutilsa

Ikkinchisida maqsadlar aytilishi nazarda tutiladi.

Xulosam shuki:

Yaqinlik yillarni talab qiladi.
Kunlar yoki haftalarni emas

@ks_kanali

JAMOA RIVOJLANMAYDI

Oxirgi paytlarda "Birgalikda rivojlanamiz" degan gaplar koʻp koʻryapman. Ensam qotyapti.

Jamoa bir xil rivojlanmaydi. Futboldan misol:

17 yoshli Lamine Yamal Barselonada katta hajmdagi ishni amalga oshiradi.

U ishtirok etmagan oʻyinlarda Barselona natijalarini koʻring.

Rodri ham xuddi shunday. Man Cityning eng asosiy futbolchisi.

Rodrisiz oʻyinlar qanday oʻtganini koʻring.

Maktabdagi, universitetdagi vaziyat 20 % oʻquvchilar, talabalar qolganlarni tortadi.

Jamoa birgalikda rivojlanmaydi.

Kimdir jamoadan ilgarilab aravani tortadi.

Siz esa oʻsha izvoshchi boʻling

@ks_kanali

CHIROYLI GAPLAR

LC ga menejerlikka rezyume topshirishgandi. Bir qiz kuchli tomonlarga "chaqqon" deb yozibdi.

Nimaga nisbatan chaqqon ? Yugurishgami ? Kofe tayyorlashgami ? Yozishgami ?

Shu savollar berganimda o‘ylanib qolgandi.

Oylik maosh farroshlarga nisbatan yaxshi, ustozlarga nisbatan yaxshi emas dedim.

Xato qilganini tushunib, rezyumeni qayta to‘ldirdi.

Mavhum atamalar ko‘p. Baxtli, шустрий va hokazo.

Bu so‘zlar turk adabiyotiga o‘xshaydi. Chiroyli eshitiladi lekin foydasi yo‘q.

Pafos so‘zlardan aniq gaplarga o‘ting. O‘zingizga foyda bo‘ladi)

@ks_kanali

#book

KITOB SARHISOBI 24

2023 yilniki uchun bosing.

⚪️​ Pol Parsons - Ilmiy nazariyalar uchun 3 daqiqadan ​

Ilmiy nazariyalar bor va ularni hamma ham birdek tushuna olmaydi. Ko‘plarini oson va tez tushunishgan yordam beradigan kitob

⚪️​ Skot Gallovey - Katta to‘rtlik

Dunyoning TOP kompaniyalari Apple, Amazon, Facebook, Google insonlar hayot tarziga qanchalik ta’sir etishi haqidagi kitob. Taqriz bu yerda

⚪️​ Saidov A - Konfliktlar psixologiyasi

Konfliktlarga hammamiz hayotimiz davomida duch kelamiz. Konflikt qanday paydo bo‘ladi ? Uni qanday yechish kerak kerakligi haqidagi kitob

⚪️ ​Genri Ford - Mening hayotim

Dunyodagi eng yirik tadbirkorlardan biri Fordning o‘z qo‘li bilan yozgan biografiyasi.

⚪️ ​Yona Berger - Yuqumlilik ​

Mahsulot va g‘oyalar qanday ommalashishini batafsil yoritib beradigan, marketing va PR uchun eng yaxshi kitob. Taqriz bu yerda

⚪️ ​Den Braun - Ibtido

Sun’iy intellekt dunyoni qay darajada egallashi tasavvur asosida prognoz qilingan. Juda qiziqarli, tasavvur doiralaringizni kengaytirish uchun kitob. Taqriz bu yerda

⚪️​ Larisa Burakova - Gruziya qanday muvaffaqiyatga erishdi ?

​Gruziya haqidagi eng yaxshi kitob. Hozirgi xatolarimizni ko‘rsatib beradi. Taqriz bu yerda

⚪️ ​Firuz Allaev - Tadbirkor

O‘zbekistonda tadbirkorlik boshlamoqchi bo‘lgan insonlar uchun boshlang‘ich eng yaxshi kitoblardan biri. Taqriz bu yerda

⚪️ ​Shayx Muhammad Sodiq Muhammad Yusuf - Ruhiy tarbiya (1-juz)

Kitobni o‘qir ekanman o‘zlarini dinga amal qilib ko‘rsatadigan lekin amallari aksini ko‘rsatadigan insonlarni farqlay boshladim.

⚪️​ Jo Navarro - Siz nimani o‘ylasangiz men o‘shani ko‘raman

No verbal signallar harakatlar odamlarni qanchalik ochib berish mumkinligini o‘rganasiz. Taqriz bu yerda

⚪️ Robert Chaldini - Ta’sir Psixologiyasi

Bizga qay yo‘llar orqali ta’sir o‘tkazishlari haqidagi kitob

2025-yil uchun kitob tavsiya qilib keting 👇

@ks_kanali

O‘QUVCHIGA BLOGI

O‘quvchilarim uchun blog ochdim.

Maqsad matn o‘qishga o‘rgatish.

Matndan ➡️ kitobga o‘rgatish. Kitobdan ➡️ yozishga o‘rgatish.

Postlardan namunalarni ko‘rishingiz mumkin.

Birinchi post

Ikkinchi post

Hamkasb ustozlar ayni dardimiz yozyapsiz deyishyapti.

O‘quvchilar foyda bo‘layotganini aytishyapti.

Maktabda o‘qisangiz qo‘shilib oling.

O‘qimasangiz o‘qiydigan tanishingizga jo‘natib qo‘ying.

Link
https://t.me/+NxZ931nJFwU2MGFi

GAPNI KAMAYTIRING

Parallel muhit loyihasiga qo‘shildik.

Guruhlar bo‘limlarga bo‘lingan. Bir bo‘limda ustozimiz tavsiya qilgan kitob haqida gap boryapti.

Kimdir elektron aytsa, kimdir elektron o‘qish yaxshi emasligini uqtiryapti.

Kimdir til bilmay, Chat GPT tarjimasini aytsa, boshqasi noto‘g‘ri tarjima qilishini aytyapti.

Kimdir 40 ming so‘mga olganini aytsa, original va qattiq muqova emas deyishyapti.

Shu o‘rinda savol tug‘iladi. Siz nima qilyapsiz ?

Ular qanday yo‘l bilan bo‘lsa ham зато o‘qiyapti-ku.

Samarali natijalar gaplardan emas, harakatlardan keladi.

Gapni kamaytiring
Harakatni ko‘paytiring

@ks_kanali