Orzular amalga oshadi, agar ularga intilsang!

Bugun men orzularimdan biriga erishdim! Kopirayting sohasidagi ustozim E’zoz Sarvarovnadan ismim yozilgan maxsus termos hadyaga oldim 😌

Avvallari, ustozimni kanallarida termoslar egalariga chiqib ketdi degan xabarlarni o‘qib, havas qilardim. “Bir kun kelib men ham shunday hadya olsam” deb orzu qilgandim va bugun aynan shu kunni yashayapman!

Ammo bu faqatgina orzu qilib, kutib o‘tirishning natijasi emas!

Orzularimiz ro‘yobga chiqishi uchun harakat qilish kerak. “Olma pish, og‘zimga tush” deya orzu bilan cheklanganlar hech qachon maqsadiga yetmaydi. Olma pishishi uchun avval urug‘ini ekish, uni parvarish qilish, o‘stirish lozim. Shundan keyingina mevasidan bahramand bo‘lish mumkin.

Aytmoqchimanki, men ham kopirayting sohasida izlandim, o‘qidim, shu sohada tajriba orttirib kelmoqdaman. Hafta boshida ustozim kanallarida “Eng qiziqarli savol bergan odamga maxsus termos hadya qilaman” degan e’lonni berib qoldilar. Bu men uchun bir imkoniyat ekanligini o‘yladim...

O‘yladim, izlandim, eng qiziqarli bo‘lishi mumkin bo‘lgan savollarni yozdim – bitta emas, ikkita!

Natija esa o‘zingizga ayon hadya egasi bo‘ldim!

Agar men shunchaki “Termos menga ham bir kun nasib qilar?” deb kutib o‘tirganimda, bu xursandchilikni his qilmagan bo‘lardim...

Siz ham orzularingizga yetishishni xohlaysizmi? Unda harakat qiling! Chunki orzular amalga oshish xususiyatiga ega – faqat ularga qarab yurish kerak!

https://t.me/smmchi_kopirayter