Kogon shahar hokimi Hayot Davlatov Istiqlol mahalla fuqarolar yig‘ini hududida istiqomat qilayotgan fuqaro hozirda Davlat xavfsizlik xizmatining chegara qo‘shinlarida o‘zining beminnat hissasini qo‘shib kelayotgan Qo‘ziyev Temur Asrorivich, safdoshlari orasida o‘zining iste’dodi bilan ko‘zga ko‘ringan, bilimi, salohiyati bilan obro‘ qozonganligi uchun harbiy xizmat tomonidan berilgan tashakkurnomani Temurning buvisi Shodiyeva Mayram opaga tantanali topshirdi.

Shahar hokimi Hayot Davlatov Shodiyeva Mayram opaga shunday vatanparvar farzandni o‘stirib, voyaga yetkazib, vatanning sarhadlarini tunu-kun qo‘riqlab, ko‘z-qorachig‘idek asrab kelayotganligi, tengqurlari orasida vatanga bo‘lgan sadoqati bilan ajralib turganligi uchun chin qalbidan eng avvalo o‘zining so‘ngra Kogon shahar hokimligi nomidan samimiy minnatdorchilik izhor qildi. Tadbirda ishtirok etgan yoshlarga ana shunday faxr bilan, Kogon shahri sha’nini himoya qilish, obro‘yiga obro‘ qo‘shishdek mard, jasur o‘g‘lonlar bo‘lishlarini chorlab qoldi.