Sen qaysi tashkilotda qanaqa lavozimda ishlashingdan qatʼiy nazar birinchi maqsading ishingni intizomli tarzda sifatli va o‘z vaqtida bajaradigan bo‘lsang va odamlarni qiynab kelayotgan muammolarini hal qilishda realniy (faqat eshitib, bajaramiz deb aldab emas) amaliy yordam berishing orqali kichkinagina lavoziming bilan ham yaxshi ishlarni amalga oshirish mumkin. Maqsading to‘g‘ri bo‘lsa bo‘ldi. Arzimagan chaqaga uchib nomingni shuvut qilma. Olgan kuningdan boshlab sasiy boshlaydi. O‘ylama hech kim bilmadi, ko‘rmadi deb. Keyin kibrga berilib o‘zingni dunyoni egasidek tutish odatini ham egallama. Senga vaqtincha berilgan. Xohlagan paytda seni uchirvorishi mumkinligi hayolingdan ko‘tarilmasin.

Kattami kichikmi qanaqa lavozim mansabda bo‘lishingdan qatʼiy nazar qiynalgan, muhtoj odamlarga yordam ber, yo‘l ko‘rsat, tingla va vaziyatini yaxshilab olishiga ko‘maklash.

Ko‘pni duosi ko‘l bo‘ladi deganlari rost. Ishon kichkina lavoziming bilan ham juda chiroyli Ishlarni amalga oshirsa bo‘ladi. Xohish va niyat bo‘lsa bas. Sen haqiqiy muhtoj odamlarga yordam bergan kuningdan boshlab bitmagan ishlaring o‘z-o‘zidan yechim topib bitishni, mushkuling sen kutmagan holda oson bo‘lishni boshlaydi. Ishon. @kitobxorr