🔹Film haqida qisqacha
Ruh 5:13 filmi rejissor Shavkat Jayron tomonidan suratga olingan oʻzbek kinofilmlar tarixidagi ilk qoʻrqinchli film hisoblanadi. Ushbu film umumiy hisobda 4-qismdan iborat. Ilk premyera 2006-yilda boʻlib oʻtgan. Ushbu filmning ssenariy muallifi hisoblanmish Sherzod Eraliyev real voqealarga asoslanmagan, fantastik film ekanligini taʼkidlab oʻtgan. Ushbu film 11 yil davomida Oʻzbekkino milliy agentligi tomonidan taqiq ostiga olingan. Taqiqlanish sababi oydinlashtirilmagan. Film syujeti tahmiman shunday koʻrinishda: Sarvar ismli bir yigit qimorda yutkazib qoʻyadi va katta pul qarz boʻlib qoladi. Qimorda yutgan odamlar Sarvar qarzini toʻlay olmasligini bilib, evaziga singlisini soʻraydi. Sarvar Sadr ismli doʻstining oldiga boradi va yordam soʻraydi. Sadr esa Noʻmon (Sarvarni qimorda yutgan kishi) ni oʻldirtiradi. Ruhsora (Sarvarning singlisi) esa bunga guvoh boʻlib qoladi. Asosiy voqealarning hammasi shundan boshlanadi...