"Ichan-Qal'a" davlat muzey-qo'riqxonasi

#tashrif

Bugun , 6-may  kuni  Turkiya Respublikasi  Hisob sudi raisi Metin Yener boshchiligidagi delegatsiya  a’zolari  Xiva shahriga tashrif buyurishdi.
    Xorazm viloyati hokimi o‘rinbosari Botir Saidov hamrohligida  mehmonlarga   Nurullaboy  saroyi va Ichan qal’a davlat muzey-qo‘riqxonasi bo‘ylab  sayohat tashkil etildi.
  Muzey-qo‘riqxona
      matbuot xizmati.


Telegram | Instagram | Facebook |  Web-sayt | YouTube

#HOFIZGA_EHTIROM

Ichan-Qal’a davlat muzey-qo‘riqxonasidagi Xorazm musiqa tarixi bo‘limidan joy olgan mashhur san’atkor Otajon Xudoyshukurovga bag‘ishlangan ko‘rgazmani noyob eksponatlar bilan yanada boyitish bo‘yicha ma’rifatparvar va san’atsevar inson, qishloq xo‘jalik fanlari doktori Ne’matulla Xudoyberganov tashabbusi bilan boshlangan ish davom etmoqda.
Kecha Otajon Xudoyshukurov qadrdonlari va muxlislaridan Ozod aka Hayitov va Hojiboy Sotliqovlar muzey- qo‘riqxona fondiga tashrif buyurib, hofizga taalluqli buyumlar nodir fotosuratlar , kitoblarni hadya qilishdi. Jumladan Ozod aka yaqin o‘tmishda Otajon Xudoyshukuro o‘ziga sovg‘a qilgan eski magnitofon va qo‘shiqlari yozilgan kasetani, hofizning ustozi Nazir Rahimov surati hamda boshqa buyumlarni muzeyga taqdim etdi.
Muzey xodimlari bu xayrli ish uchun Otajon Xudoyshukurovning jonkuyar muxlislariga tashakkur bildirishdi.

Telegram | Instagram | Facebook |  Web-sayt | YouTube

#xalqaro_hamkorlik

Xalqaro YUNESKO tashkiloti eksperti Rand Eppich boshchiligida Ichan-Qal’a davlat muzey-qo‘riqxonasida davra suhbati bo‘lib o‘tdi. Unda YUNESKOning O‘zbekistondagi vakolatxonasi madaniy meros mutaxassisi M.Mahmudova, tashkilot ekspertlari N.Qosimova, D. Yoqubjonova, O‘zbekiston Respublikasi Hunarmandlar uyushmasi raisi R. Mirzaahmedov, Madaniy meros agentligining YUNESKO ro‘yxatiga kiritilgan tarixiy ob’ektlarni boshqarish bo‘yicha eksperti M. Toirov, “Art-Kamalak” xususiy korxonasi rahbari J. Masharipov va boshqalar ishtirok etishdi.
Davra suhbatida To‘rt shavvoz bobo tarixiy yodgorliklar majmuasiga tutash maydonda qurilishi rejalashtirilayotgan hunarmandlar markazi bunyodkorlik ishlarining unga yaqin joylashgan , YUNESKO ro‘yxatidagi madaniy meros ob’ektlariga salbiy ta’siridan asrash masalasi muhokama etildi. Shu masala bo‘yicha ekspertlar fikrlari tinglanib xulosalar qabul qilindi.

Telegram | Instagram | Facebook |  Web-sayt | YouTube

#Turizm_fidoyilari_taqdirlandilar

Xorazm viloyatida turizm sohasini rivojlantirish, xorijiy va mahalliy sayyohlarga xizmat ko‘rsatish, mavjud turizm imkoniyatlarini ichki va tashqi bozorda keng targ‘ib etish yo‘lida ko‘rsatgan fidokorona xizmatlari uchun bir guruh turizm sohasi vakillari “Turizm fidoyisi” ko’krak nishoni bilan taqdirlandilar.

Saidov Botir Ozodovich - Xorazm viloyati hokimining turizm, madaniy meros va AOKA masalalari bo‘yicha o‘rinbosari;
Sugavara Mikako-gid-tarjimon (yapon tili);
Xudoyberganov Komiljon- “Ichon-qal’a” davlat muzey-qo‘riqxonasi ilmiy xodimi;
Madaminov Madamin- gid-ekskursavod (rus tili);
Masharipov Odilbek- hunarmand (yog‘och o‘ymakorligi)
Xadjiyev Otabek- “Caravan hotel” mehmonxonasi rahbari.


Telegram | Instagram | Facebook |  Web-sayt | YouTube