Kariymulloh

Osonlashtiring

❌Yugurish uchun yangi krossovka olishim kerak. Vaqt topishim kerak. Tekisroq joy topishim kerak... deb cho‘zar edim.

☑️Kecha qor yog‘ayotgan payt, kurtkada, qo‘limda sumka bilan 5 km yugurdim. O‘ylayvermay shunchaki qildim.

❌Yozish uchun Notion, Obsidianni o‘rganishim kerak. Alohida daftar tutishim kerak.... Aksar kunlar yozilmay qolar edi.

☑️Telegramda 2-3 xil kanal ochib o‘sha yerga yoza boshladim. Nafaqat kunlik balki qo‘limga telefon tushganda soatlik tahlillarni ham yozyapman.

❌Xodimlarni 90% dangasa, nima qilishni bilmaydi. Hammasini bo‘shatib yangi olish kerak.

☑️Shunchaki maqsad va vazifalari to‘liq tushuntirilgan bir necha kunlik trening kifoya.

"...Alloh sizlarga yengillikni xohlaydi, sizlarga qiyinchilikni xohlamas..." (2:185)

"Yengillashtiring, qiyinlashtirmang. Xushxabar bering, nafrat uyg‘otmang" (Imom Buxoriy va Muslim rivoyati)

@kariymulloh

Insoniyat 10 ming yil ichida 15 tur hayvon va 200 tur o‘simlikni xonakilashtirgan.

So‘ngi 3-4 ming yil ichida birorta tur xonakilashtirilmadi. Chunki ehtiyoj yo‘q.

Mavjud turlar yegulik, kiyim, boshpana hamda transport ehtiyojlarni qondiradi.

Bir do‘stim qarzim borligida qattiq ishlardim. Hozir dangasaman deydi.

Maktabdayoq uy, moshina aniq bo‘lgan tanishlarim hech narsa qilgisi kelmaydi.

Amallar ehtiyojlarga bog‘liq. Niyat ham ehtiyojdan kelib chiqadi.

Tabiiy ehtiyoj qondirilgach, sun’iy ehtiyojlar yaratishimiz kerak.

Husan Mamasaidov farzandlariga hamma narsani qilib berib ham doim harakat qilishga zo‘r ehtiyoj topgan ekan:

Sizlarga uy, moshina hamma narsa qildim. Bu men yetgan daraja. Sizning ishingiz butun ummatga foydali ishlar qilish.

Moslovning ehtiyojlar piramidasida keyingi bosqichga o‘tish uchun sun’iy ehtiyoj yaratish kerak.

Sizning sun’iy ehtiyojingiz qaysi?

@kariymulloh

2024-yil 100 ga yaqin mutlaqo notanish insonlar bilan tanishibman.

Ayrimlari menga, ayrimlariga esa men katta taʼsir oʻtkazibman.

Yozishdan keyingi eng yaxshi koʻnikmam tanishlar orttirish boʻlmoqda.

Koʻp tanishlar boʻlishi insonni baxtliroq va oʻlim darajasi pastroq qilishi isbotlangan.

Inson 120 ga yaqin odamlar bilan doʻstlik, sevgi, qarindoshlik kabi munosabatlarga kirishadi.

Undan keyin ayriboshlash boshlanadi. Savdoda tanishlar koʻp boʻlgani yaxshi.

Inson ijtimoiy jonzot ekan, doim ijtimoiy kapitalga muhtoj.

2025-yilda 1000 ta notanish inson bilan tanishib, aloqa oʻrnatishni maqsad qildim.

Qiziqqanlar boʻlsa @kariymulloh_habiybulloh ga yozib sinab koʻrishingiz mumkin.

@kariymulloh

Erishganlarimdan ko‘ra xatolarimni aytganim foydali.

20 yoshgacha qilgan xatolarim yoxud 20 yoshgacha bo‘lganlarga maslahat:

☑️Yozishni kech boshlaganim.

Hayotimni eng ko‘p o‘zgartirgan ko‘nikma — yozish. Shu qadar ko‘pki hali ancha gaplashamiz bu haqda.

Siz hoziroq yozishni boshlang! Qanday yozish haqida bu yerda aytganman.

☑️O‘qishni kech boshlaganim.

Kitob o‘qimaydigan odam bittada bilinadi. Ko‘pi bilan falonchining o‘limi sababi haqida gaplashadigan guruhda qolmoqchi bo‘lsangiz o‘qimasangiz bo‘ladi.

Bu kanalda bor ekansiz unday emassiz degan gumonim bor. Shuning uchun tizimli ravishda doimiy o‘qing.

☑️Tahlil qilishni kech boshlaganim.

Istalgan narsani tanqid qilish va so‘roqqa tutish mumkin. Rivojlanish savollar ortidan bo‘ladi. Hech narsaga ishonmang. Tahlil qilib ko‘ring.

☑️Mas’uliyatsizligim.

Mas’uliyat o‘zgarishga majbur qiladi. Ulg‘aytiradi. Mustaqil bo‘ling. O‘z hayotingiz uchun ko‘proq mas’uliyat oling.

☑️Uzoq muddatli xom xayoldan qisqa muddatli rejalar yaxshi ekan.

Kelasi 5-10 yildan so‘ng qayerda bo‘lishingizni o‘ylashdan ko‘ra 3 oydan keyin qayerdadir bo‘lishingiz afzal.

☑️Blog yuriting. Buni foydalarini alohida post qilish kerak.

☑️Ertaroq til o‘rganmaganim. (Hamma joyga mos tushuvchi maslahat bo‘lgani uchun😁) Til o‘rganing.

@kariymulloh

12 kun avval 20 yosh bo'ldim.

Mehmed Fotih Istanbulni 21 yoshda fath qildi.

Mark Zuckerberg 19 yoshida Facebookni yaratgan. 21 yoshida global kompaniya edi.

Jadidlarning aksari jadid maktablarni ochgan paytida 18-22 yosh boʻlgan.

Men nafas olish boʻyicha 21 yillik tajribadan boshqa narsaga erishmagandekman.

Keyingi postlarda 20 yoshgacha qilgan xatolarim va oʻrgangan narsalarim haqida yozmoqchiman.

Foydali bo'lsa boshqalarga ulashib turing!

@kariymulloh

Chala dehqonlar hosil pishay deganda bittada zoʻr qiladigan kuchli oʻgʻit qidiradi.

Chala oshpazlar ovqat pishgach chiroyli suzishga qiziqadi.

Taʼm koʻrinishda emas pishirishga bogʻliq.

"Chala ota-onalar" esa farzandi katta boʻlib aytganini qilmay qoʻygach bittada aqllik, olim qilib beradigan ustoz yoki kitob axtaradi.

Bola miyasi 3 yoshgacha 80% rivojlanadi. Biz bu paytda sutdan boshqa narsa bermaymiz.

Natija bittada osmondan tushadigan narsa emas. Natija — jarayonning oxiri.

Natija zoʻr boʻlishi uchun jarayon zoʻr boʻlishi kerak.

999 ta bosqichni chala qilib oxirgi bosqichni goʻzal boʻlishini kutmang.

Birinchi bosqichdan mukammal qiling, jarayondan zavq oling. Mana shu natija.

@kariymulloh

— Falon narsa qanday boʻladi?
— Google yoki ChatGPT dan soʻrang.

— Falon ishni qilib yuboring.
— oʻzingiz qilganingiz yaxshi. Men qila olmayman.

— koʻrishib gaplashsak boʻladimi
— telegramdan yozing. Ikkovimizni vaqtimizni tejaysiz.

Yoʻq deya olish — sanʼat!

Toʻgʻri kelmasa yoʻq deng. Buning uchun aybdor boʻlmaysiz. Uyalishga hojat yoʻq.

Umr, vaqt, sogʻlik faqat oʻzingizga kerak. Lekin, kerakli soʻrovlarga javob bering.

Avvalo oʻzingiz birovlarning vaqtini qadrlang. Faqat kerakli narsalarni soʻrang.

@kariymulloh

Inson so‘zi unutuvchi degani. Tezkor xotirasi eng zaif maxluqot inson.

Marketingda: "Mijoz unutuvchi unga doim mahsulotni eslatib turish" uqtiriladi.

Metrodan qayta-qayta foydalanilsa ham qoidalarni har safar takrorlashadi.

Maqsad, rejalarni ham takrorlab turmasangiz unutasiz.

Qur’onda Allohni ko‘p eslash( zikr qilish)ni buyurilgani ham shundan.

Allohning hech narsaga ehtiyoji yo‘q. Uni doim eslab turishga biz muhtojmiz.

Zarur, muhtoj bo‘lgan narsalaringizni ko‘p-ko‘p eslab turing!

@kariymulloh

Bir sichqonning ishqi filga tushibdi. Fil rozi bo‘lib, sichqon uni uyiga olib kelibdi.

Sichqonning iniga sig‘magan fil: "Menga mos in qur yoki iningga mosini top" debdi.

Kitobxonlik da’vosidamiz lekin kuniga yarimta ham kitob tugata olmaymiz.

Talabalik da’vosida ta’tilni kutamiz.

Bandalik da’vosidamiz lekin ekran vaqtimiz sajda, zikr vaqtlarimizni qo‘shganidan ham karrasiga ortiq.

Amalimizga mos da’vo qilaylik, yoki da’vomizga mos amal qilaylik.

@kariymulloh

Inson ijtimoiy jonzot. Olgan nafasidan o‘ylagan fikrigacha o‘zgalarga ta’sir qiladi.

Bu postdan so‘ng ko‘pchilik xarajatlarni qisqartira boshladi.

So‘z bilan da’vat etmasam-da so‘ngi haftada 5 kishi o‘qiyotgan kitobimni o‘qiy boshladi.

Gazlik va energetik ichimlik ichmasligimni asoslab bersam do‘stim ham ichishni to‘xtatdi.

Yoza boshladim, foydalarini bilgach ko‘pchilik yozishni boshladi.

O‘zim @azizrakhimovblog ustozdan ta’sirlanganman.

Faqat o‘zimni tarbiyalayapman deb o‘ylaysiz - lekin siz atrofdagilarni, atrofdagilar sizni tarbiyalayotgan bo‘ladi.

To‘g‘ri insonlar davrasida bo‘ling. Ham o‘rganasiz, ham o‘rgata olasiz.

@kariymulloh

"Bir kun pianino chalmasam bilinadi. Bir haftada muxlislar ham sezishadi."
Raxmanina (rus musiqachisi)

Bir muddat yoza olmadim. Bir soatda yozadigan narsamga ikki kun vaqt ketdi.

Odatni shakllantirish qiyin, buzish oson. O‘sha bir kun hammasini hal qiladi.

Tig‘iz kunda 100 emas 10 bet o‘qing 10 emas 1 bet yozing 3 emas 0,5km yuring.

Tig‘iz kunda ham tark qilmaganingiz boshqa kunlarda motivatsiya bo‘ladi.

P/s: doʻstlarni taklif qilib, postlarni ulashib, qoʻllab tursangizlar toʻxtamay davom etamiz

@kariymulloh

Nimalar haqida qanday yozish kerak? O‘zim foydalanadigan uslublar (I qism)

Kechqurun kunlik voqealar qanday bo‘lganini darak gap shaklida yozaman.

So‘ng shu voqealarga nega degan savolni berib, javobini yozaman:

8:30 da ishga keldim. Nega? Kiyimlarim tayyor emas edi kech qoldim.

Bu — xato va yutuqlarimiz sabablarini ko‘rsatadi.

Sabab takrorlansa yutuqlar takrorlanadi.

Xatolar qayta bo‘lmasligi uchun sababini tark qilish kerak.

Keyingi safar kiyimlaringizni avvaldan tayyorlab qo‘yasiz.

@kariymulloh

Sofiya 10 yosh. Turkiyaning Gaziantep shahrida yashaydi. Otasi baliqchi.

Avvallari maktabga borar Qurʼon yodlar edi. Zilzilada barcha yaqinlaridan ayrildi.

U hozir kasalxonada. Sogʻayishi va yana Qurʼon yodlashi uchun unga yordam zarur.

Qanday taʼsir qildi? Biroz davom ettirib, karta raqam yozsam, pul oʻtkazar edingiz.

Lekin Afrikada har yili 10 million bola ochlikdan vafot etishi taʼsir qilmaydi.

Miyamiz tanigan insonlarni oʻziga yaqin oladi. Musibatlaridan koʻproq taʼsirlanadi.

Millionlagan odam ular notanish. Sofiyani esa taniysiz. Musibatlaridan taʼsirlanasiz.

Avtohalokatda vafot etganlardan koʻra Gitlerning oʻlimi koʻproq taʼsirli.

Bu mediada koʻp ishlatiladi. Aldanmang.

@kariymulloh

Kuz va qishda tug‘ilgan kunlar ko‘p. Chunki bu paytda to‘ylar ko‘payadi.

Konsertlar ko‘paygani uchun "Istiqlol" saroyi ijarasi 2x oshar ekan.

So‘ngi chorakda iqtisodiy faollik ortib, barcha iqtisodiy ko‘rsatgichlar ko‘tariladi.

Boisi O‘zbekiston iqtisodi qishloq xo‘jaligiga, mavsumga bog‘langan.

Kuzda dehqonchiliklar yig‘ishtirilib, migrantlar qaytib keladi. Hammada pul bo‘ladi.

Geografik jihatdan "qafasda" ekanmiz zamon va makon tanlamas sohalarga e’tibor qaratish lozim.

IT, moliya, ta’lim sohalariga mavsumning va makonning ahamiyati yo‘q.

Siz ham kelajakda zamon va makon tanlamas sohani tanlang. Doim yutuqda bo‘lasiz.

@kariymulloh

Ko‘p naqd pul olib yurmayman. Sarflash osonligi tufayli zarur bo‘lmasa-da ishlatib qo‘yaman.

Yoki yirik kupyura qildirib olaman. Mayda pul topilmagach, kichik va keraksiz xarajatlar yo‘qoladi

Plastikda jismonan ko‘rinmagani uchun koʻp xarajatlar sezilmaydi.

Naqd pulni sanab to‘lasangiz o‘ylab ishlatasiz. Plastikda ayrim xarajatlarni o‘ylab o‘tirmay sarflayverasiz.

Men pullarni plastikka o‘tkazib, pul o‘tkazadigan ilovani o‘chirib tashlayman.

Zarur bo‘lsa qayta yuklab, ro‘yxatdan o‘tib keyin yuboraman.

Jarayon uzoq va qiyin. Yo‘lda keraksiz xarajatlar kamayib eng zarurlari qoladi.

Yaxshi odatlarni bajarishni osonlashtiring! Yomon odatlarni bajarishni qiyinlashtiring!

@kariymulloh

Jiyanim mehmonga kelgan bolalar bilan oʻynayapti.

Oʻyinchoq talashgan edi onasi: "Qizim! Ular mehmon-ku. Bergin oʻynab boʻlib tashlab ketadi"

Oʻylab qoldim. Kattalar ham koʻp narsalarni "oʻynab boʻlib tashlab ketar" ekan.

Yangi moshinani bir necha hafta oʻynaymiz. Keyin qizigʻi qolmaydi.

Yangi uyda bir necha oy "mehmon-mehmon" oʻynaymiz.

Yangi lavozim bilan ham biroz ovunamiz.

Bolalar oʻyinchoqdan zerikadi ammo telefon bersa hech tashlamaydi.

Bizning ham tashlamay, olib ketadigan narsalarimiz bor.

Amallar, qoldirgan nomimiz, solih farzand....

Mehmonga kelganmiz. Tashlamay olib ketadigan narsalarga haris boʻlish kerak.

@kariymulloh

Yozish texnikasi

Koʻriladigan axborotda hajm birinchi oʻrinda.

Mazmun zoʻr ammo hajm katta boʻlsa koʻzni qoʻrqitadi. Oʻqilmaslik ehtimoli katta.

Imkon qadar qisqartiring. Men foydalanadigan uslublardan ayrimlarini aytaman:

— Ovoz chiqarib oʻqing. Bittada toʻxtalmay oʻqiy olmagan gaplarni qisqartiring yoki ikki-uchta gapga boʻling.

— Matnni yoziboq foydalanmang. 1-2 kun avval yozib 3-4 bor qayta tekshiring.

Qisqartirishni bir qancha turlari bor:

— Masalan, misol uchun kabi soʻzlar umuman kerak emas. Yuqorida bu soʻzni oʻrniga ( : ) dan ajoyib foydalandim.

— Yordamchi feʼllardan voz keching: Boʻlgan ekan — boʻldi. Kelib boʻldi — keldi.

— 1-2 ta gapdan soʻng joy tashlang. Bu oʻquvchi uchun oʻyinlardagi keyingi bosqichga oʻtish kabi ishlaydi.

Mavzu va post yoqayotganini repostlar orqali aniqlaymiz. Koʻproq ulashishlar boʻlsa, mavzuni davom ettiramiz.

@kariymulloh

Davomat

Bundan so‘ng "davom ettirish" haqida so‘rashdi.

Miya muhim sanagan ishlar hech qolib ketmaydi. Ular:

1.Hayotiy muhim 2.qiziqib qilinadigan 3.kimdir so‘raydigan bajarilmasa jazo yoki uyalish bo‘ladigan ishlar.

Qolib ketmoqdami demak miyamiz muhim hisoblamaydi.

— Hech kim tergamaydigan ishlarni majburiy ishlardan avval qiling. Majburiylari shundoq ham bajariladi.

— Tig‘iz, imkon bo‘lmay qolsa kam bo‘lsa-da bajaring.

— 2 kun bajarmay qo‘ymang. Qilinmagan kun boshqasini "chaqirmasin"

— boshlayotib ommaga e’lon qiling.

— bajarilmasa jazo tayinlang

— qanchalik muhim ekanini ongli ravishda his qiling

Shulardan so‘ng ham davomiy qila olmasangiz, yaxshisi boshqa ish qiling. O‘sish sizga emas ekan. Rivojlanmaslikka qaror qilib bo‘libsiz.

@kariymulloh

Yozuv (bu post xusnixat haqida emas)

Ilk yaratilgan maxluq — qalam. Unga barcha narsalarni yozish buyurilgan.

Qalam bilan yozgan ilk inson — Idris alayhissalom.

Yozuv — axborot yetkazishning yagona universal shakli. Xatto koʻzi ojizlarga ham Brain yozuvi bor. Nutq va boshqa turlarda bunday emas.

Insoniyat qalam va yozuvni kashf qilganidan buyon taraqqiy etmoqda.

Yozuv — bilimni keng tarqalishiga imkon yaratdi.

Chiroyli yoza oladiganlar har zamonda qadrlangan.

Texnologiya va Sunʼiy Intellekt rivojlangan davrimizda ham teran yoza oladiganlar eng qadrli.

Yozish bir qancha koʻnikmalarni shakllantiradi:

Tartibli oʻylash, fikrlarni tartibli yetkazish, sabr, intizom....

Qiziq paradoks — yozuv nutqni oʻstiradi.

Post maʼqul kelib, koʻproq ulashilsa oʻzim foydalanadigan yozish texnikalari bilan boʻlishaman.

@kariymulloh