🇺🇦 Володимир Зеленскийнинг “Украина. 2025 йил” форуми доирасида ўтказилган матбуот анжуманидаги бошқа баёнотлари:

◾️ Мен Украина тинчлиги йўлида президентлик лавозимини тарк этишга тайёрман. Ёки бу лавозимни NATO'га алмаштиришим мумкин;

◾️ Украина, Европа, АҚШ ва Россия – музокараларда қатнашиши керак бўлган томонлар шулар бўлиши лозим;

◾️ Мен Трамп бизнинг тарафимизда бўлишини хоҳлайман. Ўзаро тушуниш, хавфсизлик кафолатлари керак;

◾️ Умид қиламанки, Трамп урушни тугатишни хоҳлайди ва бунинг учун бизга ёрдам беради;

◾️ Украина АҚШдан 100 миллиард доллар ёрдам олди, 350 миллиард эмас. Мен 500 миллиардни ҳам, ҳатто 100 миллиардни ҳам қайтаришга тайёр эмасман, чунки бизга берилган грантларни қарз сифатида тан олмайман. Биз қарз тўлашимиз шарт эмас. Грант – бу қарз эмас;

◾️ Мен украиналикларнинг 10 авлоди тўлайдиган келишувни имзоламайман. Келишувда Қўшма Штатларнинг ҳар бир доллар ёрдами учун Украина 2 доллар қайтариши кераклиги ёзилган. Бошқача айтганда, бу 100 фоизлик кредит. АҚШ фойдали қазилмаларга оид келишув доирасида Украинадан кўрсатилган ёрдам учун 100% устама олишни истаган;

◾️ Биз АҚШ билан фойдали қазилмалар бўйича келишув имзолашимиз керак. Стратегик ҳамкорларнинг бундай келишувларга тайёр бўлиши лозим ва мен АҚШ билан имзолайдиган келишувимиз можароларсиз бўлишини хоҳлайман;

◾️ АҚШ ушбу келишувни хавфсизлик кафолати деб ҳисоблайди, лекин шартномада бу ҳақда аниқ ёзилиши керак. Биз ҳамкорликдан мамнун бўлишимиз зарур;

◾️ Урушни бу ҳафтада якунлашнинг имкони йўқ;

◾️ Мен учун украиналикларнинг мен ҳақимдаги фикри муҳим;

◾️ Бизга яна 20 та Patriot тизими керак.

Qalampir.uz - rasmiy kanaliga obuna bo'ling ✅