Hasad qilaman

Go'zalsan ey ruhsor, me'yordan ortiq
Senikidek husn hurlarda bordir
Chiroying qilarsan ko'zguga tortiq
Ko'zguyinga seni hasad qilaman

Taraydi sochlaring har kuni seni
Qoldirib hasratda har kuni meni
Silaydi sochlaring menmas tarog'ing
Tarog'inga seni hasad qilaman

Quchasan sen uni qattiq har tunda
Sirlaring aytasan unga sen shunda
Sir saqlashni men ham yaxshi bilaman
Yostig'inga seni hasad qilaman

Tutasan belidan uni necha bor
O'pasan labidan uni necha bor
Rashqimning eng ko'pi piyolanga yor
Piyolanga seni hasad qilaman

Kuzatadi sening har bir qadaming
Senla birga bo'lar har on har daming
Menla bo'lsang shunday bo'lmasdi kaming
Soyangnan seni yor hasad qilman

Hasadimning cheki yo'q, xuddi shunday sevgim ham
Qizg'onaman soyangni, shu sabab yoqmayman sham
Fotimam bo'l iltimos, Aliying bo'lay men ham
Qizg'onganim bekormas, sevaman seni rostan

IQ (02.01.2025)