Aziz Jo‘rayev | Jo’rayevjon

#tafakkur

Instagram, telegramlar rivojlanishi bir tomondan foydali bo’lsa bir tomondan kòpchiligimiz (ayniqsa man) layktalab, prosmotr talab, diqqat talab bo’lib qoldik.

Riyoni bir turi bo’lsa kerak shuyam, holatimizni O’zi isloh qilsin… :(

@Jorayevjon

🎯Nima uchun ayrimlar yaxshi natijalarga tezroq erishadilar?

Javobi oddiy - “Muammoning yechimi o’zimda!”

“Muammo o’zimda” deb yashar ekanmiz, natijalarga erishish yo’llari yanada tezroq va osonroq bo’lib boraverarkan fikrimcha. Buni eng yaxshi taraflaridan biri boshqalardan biror narsa kutmaslik va xotirjamlik ham beradi.

Bizning hozirgi ahvolimiz qanday bo’lishidan qat’iy nazar bunga faqat o’zimiz, fikrlashimiz va hatti harakatlarimiz samarasi o’laroq kelganmiz. Keling shu fikrni hammaga qiziq mavzular - daromad va salomatlik misolida ko’rib chiqsak:

— Kam pul topasizmi?

Keling shu vaziyatga ikki xil nazar bilan qaraymiz:
- Birinchi qarash - rahbarlar bizga kam maosh to’laydi, mehnatimizni qadrlashmaydi. Hamma joy adolatsizlikka to’la, qayerga bormaylik shunaqa korrupsiya. Pora bermay lavozimi ko’tarilish mumkin emas bizda, “chap qilmasang” oylikka qorin to’ymaydi, O’ziga to’q, tadbirkor yaqinlarimiz yordam
berishi kerak, katta xolamni o’g’lini vazirlikda ishlovchi do’stini akasi ishga joylashishimda (lavozimim oshishida) yordam bermadi, u ham poraxor iploz va hkz.

Harakatsizligimizni tan olmaslik uchun yana qancha bahona kerak bo’lsa topamiz.

Endi vaziyatga boshqa (to’g’riroq) tomondan qarasak:

- “Muammo o’zimda” deb o’ylab ko’rsakchi. Ko’p daromad uchun nima ish qildim o’zi? Topgan pulimni qayerga sarflayapman (halol yoki haromgami), topgan daromadimni qayerdan topayapman (halol yoki haromdanmi?) Ishimga ko’proq to’lashlari uchun korxonaga qanday foyda keltira olaman? Davlat ishida bir xilda cheklangan oylik bo’lsa, lavozimim oshishi uchun nima qilishim kerak, yoki nima uchun ko’proq to’lovchi xususiy sektorga o’ta olmayapman, nima uchun xususiy sektorga chaqirishmaydi, bu uchun o’zim qanday harakat qildim, qanday harakat qilishim kerak?

Shu kabi savollarga aniq javoblar bilangina holatimizda 99.99% o’zgarish bo’lishiga ishonaman.

Salomatlik haqida ham xuddi shunday: Sog’ligimiz uchun o’zimiz ma’sulmiz! Yaqinda bir kasal ko’rdim, o’zi og’ir kasallik (Bosh miyada o’tkir buzulishlar) o’tkazgan, shifokorlar ichish va chekish umuman mumkin emas deyishganiga qaramay yana spirtli ichimlik ichib qayta insult va uni asoratlari bilan yuzma yuz kelgan. Eng yomoni nima bilasizmi, shu holatida ham ko’pchilik spirtli ichimlikni bo’kib ichishganiga o’zlarining nafsi buzuqligini emas, qandaydir odamlarni, bayramlarni, yoki siqilishganini, dardini unutishga alkagol yordam berishini aytib bahona qilishadi.

“Muammoning sababi o’zimdadir” deya yondashish orqali boshqalarni aybdor qilishdan, boshqalardan biror narsa ta’ma qilishdan, o’z dangasaligimizni har xil baxonalar bilan yopishdan qutularmiz balki.

Yozganlarim eng avvalo o’zimga eslatma!

👉 @Jorayevjon

👨🏻‍💻Кўп ўтириб ишлаш нима учун жуда зарарли?!

Замонавий касблар ривожланиши билан, доимий ўтириб ишлайдиган беморлардан келаётган мурожаатлар доимгидан кўпроқ бўляпти. Келинг узоқ ўтириб ишлаш зарарлари ҳақида тўхталсак:

- Қон ва лимфа димланиши. Камҳаракат иш, ҳаёт тарзи оқибатида қон ва лимфа айланиши камаяди ва танада шишлар, варикоз, тромблар ҳосил бўлиши ошади.

- Диск чурраси. Узоқ ўтириш натижасида умуртқаларга компрессор юклама тушади ва бу грижага сабаб бўлади.

- Мияда қон айланиши бузулиши. Юқорида ёзган сабабларимиз ўз ўзидан бош ва орқа мияда қон айланиш бузулишларига сабаблиги сир бўлмаса керак ;)

- Ички аъзолар дисфунксияси. Танафуссиз кўп ўтириб ишлаш айниқса ичаклар ва юрак фаолиятига салбий таъсир қилади.

🎯Тавсия: Иш орасида ҳар 30-40 дақиқада танаффус қилиб - машқлар қилишга одатланинг.

- Кўпроқ пиёда юришга ўтинг ва буни керакли инсонларга улашинг. Бу юқоридаги салбий оқибатларни камайтиришда анча ёрдам беради.

©️Др. Жўраевжон

🦾“ChatGPT” bilan ozroq o’ynadik:

“How do you imagine me” (meni qanday tasavvur qilasan) deb so’rasam, o’zimda yo’q sifatlar bilan qo’shib maqtab tashadi. ChatGPT dan zo’r “paxtachi ” chiqarkan:😁

Qiziq bo’lsa o’qib ko’rishingiz mumkin:

Sen haqingda bilgan ma’lumotlarga asoslanib, seni bilimli, maqsadga intiluvchan va ijodkor shaxs sifatida tasavvur qilaman. Sen sog‘liq, psixologiya va tibbiyot sohasiga qiziqasiz, o‘z bilimingni boshqalarga ulashishga intilasan. Shuningdek, biznesda ham faol bo‘lib, kontent yaratish, reklama va auditoriya bilan muloqot qilishni yaxshi o‘ylab tashkil qilasan. O‘z maqsadlaringni amalga oshirishda professional yondashuvni qadrlaysan va har doim o‘z ustingda ishlashga tayyorsan. Shu bilan birga, sen oilaviy qadriyatlar va hayot tarzi masalalariga ham katta e’tibor berasan.

To‘g‘rimi? Yoki qo‘shimcha qilmoqchimisan?

Based on what I know about you, I imagine you as a highly driven and multifaceted individual who balances professional expertise with personal passions. You have a strong dedication to health, wellness, and education, paired with a natural inclination for leadership and innovation. You seem analytical and thoughtful, approaching challenges with a structured and results-oriented mindset.

I also see you as someone who values connection—whether it’s through your work in healthcare, your content creation for social platforms, or your efforts to build supportive communities. You likely exude confidence and empathy, which makes you relatable to your audience and effective in consultations.

Sinab ko’rishni maslahat beraman, sizga qanday javob berdi? Kommentda yozib qoldiring!👇😉

Ҳаёт ҳақиқатларидан бири.

Бу ҳақда билиш бир олам, билгач тушуниш ўзи бир олам…

“Дунёда бўлиши мумкин бўлган ҳодиса учун, сабаб оламида саноқсиз эҳтимоллар ухлаб ётади. Хаёлингиздан ўтказаётган фикрларингиз, оғзингиздан чиқараётган сўзларингиз билан, у эҳтимолларни уйғотасиз. Гўзал нарсаларни фикр қилинг, гўзал калималар сўзланг ки, гўзал эҳтимоллар уйғонсин. Инсоннинг тақдирига бўладиган таъсири мана шу ўринда бўлади…”

Ҳазрати Мавлоно Жалолиддин Румий қуддиса сирруҳу

⚡️Marketing ortidagi propaganda .

Marketingga qiziqqanim, shu sohada ham ishlaganim sababli, ko’p reklamalarni analiz qilaman…

Hech e’tibor berganmisiz kokakola, pepsi, nestle, orbit va shunga o’xshash brendlar reklamalarida o’yin kulgu, qiz yigit uchrashuvi, bizning milliy qadriyatlarimizga mos tushmaydigan ochiqlik va raqs sahnalari juda ko’p qo’llaniladi. Yana TVda eng ko’p qo’yiladigan reklamalardan asosiylari shunaqa. Hatto ayrim reklama sahnalarida ijrochilar qiladigan harakatlarida ma’no tugul, etiket qoidalaridan asar ham yo’q.

Ularning mahsulot sotishga qaratilgan reklamalari asosida yengil yelpi maqsadsiz bayramlarga to’la hayot va faxshga targ’ibot ham yotadi fikrimcha. Ammo bugun sizlarga boshqa jiddiyroq argument bilan fikrimni bildirmoqchiman..

Kolaning har yili namoish etiladigan reklamalarida “mo’jiza, sexr, santa klaus yoki qorbobo” kabi jumlalar va asosiy o’rinda turadi va bu million martalab ekranlarimizda qo’yiladi.

Reklama kompaniyalari va qorbobo haqidagi kinolarning asosida esa qorbobo baxt ulashuvchi, tilaklarni bajaruvchi sifatida, koka kola esa mo’jiza sifatida targ’ib qilinadi. Yana qaytaraman, bunaqa reklamalar millionlab marta ekranlarda, bannerlarda namoish etiladi.

Siz-u biz bunga shunchaki reklama sifatida qarashimiz mumkin. Ammo yuqorida aytganimizga o’xshash kinolar, reklamalarni millionlab marta ko’rib, eshitib katta bo’ladigan kelgusi avlod orasida o’yin kulgu va diskobazmlarga o’ch bo’lganlar, qorboboga ishonadiganlar, tilaklarini Allohdan emas qorbobodan kutadiganlar, rojdestvo bayramini nishonlaydiganlar chiqmasligiga kim kafolat beradi?! Bular albatta shaxsiy fikrlar, ammo faktlarni tekshirib, o’ylab ko’rishingizni maslahat berardim.

Ha aytgancha, Falastindagi urushni moliyaviy qo’llab quvvatlab turgan kompaniyalar orasida kokakola, nestle, pepsi kabilar birinchi o’rinlarda turishini aytmasam ham bilasizlar a )

Manfaatli deb bilsangiz ulashib qo’ying!

👉 @Jorayevjon

Eshitilishni xohlaysizmi? Bunga loyiq bo’ling!

- Bir fikrga diqqat qiling-a : O’xshash faoliyat bilan shug’ullanuvchi katta yoki kichik jamoadagi suhbatda, o’sha sohada eng yaxshi natijalar qayd etgan va qiziqarli va foydali keyslarni boshdan o’tkazganlar ko’proq eshitiladi. Buni aynan bugun marketing bo’yicha masterklass darsimizda o’zim uchun qayta kashf etdim desam ham bo’ladi.

Ko’pchiligimiz (balki hammadir) yoshligimizdan birovlar bizni eshitishini xohlaymiz. Buni 1-2yoshli boladan tortib 70-80 ga kirganlarda ham ba’zan uchratishingiz mumkin.

Ammo nima uchun boshqalar bizni eshitishi kerak? Birovlarga biror qiymat bera olamizmi, bera olayapmizmi? Eshitilishga loyiqmizmi o’zi?

Avvalo bu xohish qanchalik toʻgʻri degan savolga javob topsak!?

-E’tibor va eshitilishga, kuzatilishga bo’lgan xohish har qanday holatda bo’lishidan qay’iy nazar xato manimcha. Bu yosh bolalarga xos bir diqqat talablikdek go’yo.

Bizda bor bilim, ilm, tajriba, xatolardan xulosalar va boshqa istalgan qiymatli ma’lumot borki, uni eshitadiganlar shundoq ham topiladi. Hattoki pul to’lab eshitadiganlar topiladi, ishonavering!

Avvalo o’zim uchun xulosa eslatma: eshitilishni xohlashning o’zi xato bo’lgan holda, birovlarga manfaatli bo’lar ekanmiz, hatto biz xohlamasak ham eshitadiganlar bizni qidirb keladi.

Hozirgi paytdagi ko’plab infoqalloblar va haqiqiy ekspertlar orasidagi farq ham ana shunda aslida.

Kimlardir eshitilish uchun borini beradi, kimlarnidir eshitish uchun esa boshqalar borini beradi. Media tobora rivojlanayotgan bir paytda, kimni eshitayotganimizga, kuzatayotganimizga e’tiborli bo’laylik.

Buguncha shular o’rtoqlar, manfaatli deb bilsangiz, eng yaqinlaringizga ham ulashib qo’ysangiz bosh ustiga ;)

@Jorayevjon

Dangasalik haqida…

- Bilaman, bu sizni ham qiynaydi. Agar shunday bo’lsa bu post sizga biroz yordam berishiga ishonaman. O’qigach layk bosib minnatdorlik bildirsangiz bo’ladi ;)

Dangasalik - biror ishni umuman qilmaslik yoki keyinga qodlirish. Buni bilasiz ammo bularning ildizida nima yotadi, shu haqda to’xtalsak:

Oliy ma’lumotli va bu masalada ko’p ishlagan, professional dangasa, prokrastinator sifatida ayta olamanki, dangasalik ortida maqsadsizlik va ma’suliyatsizlik yotadi va bu Inson “qarichi”ga qarab har xil kalibrda bo’lishi mumkin. Eng oddiysiga misol o’zi yegan idishlarni yuvmaslik, o’zi yotgan yotog’ini yig’malsik va hkz.

Maqsadsiz odam hech narsa qilmaydi, hech narsa qilishni xohlamagan kishi esa dangasa deyiladi. Xo’sh demak tushungandirsiz, bundan qutulish uchun aniq nima qilish kerak ekanligini: maqsadlarni aniqlab olish va shu bo’yicha harakat kerak ekan.

Endi yana bir masala, siz “menda aniq maqsadlar bor, dangasa emasman” deb bajarishingiz kerak bo’lgan vazifalarni ortga surasiz. Agar shunday bo’lsa tabriklayman, siz danga emassiz…Undan ham battarroq - siz prokrastinatorsiz.

Prokrastinatsiya nima - bu dangasalikka o’xshab ketadigan holat bo’lib aniq yoki uncha aniq bo’lmagan maqsadlar bo’yicha vazifalarni bajarishni ortga surish va buning o’rniga vaqtincha dofamin (kayp) beradigan ishlarni qilish, misol uchun media tarmoqlarda reels, qiziqarli videolar ko’rish, behuda prikollar, suhbatlar qurish, yig’ilib ichkilik ichish va hkz. Bu holatni Tim Urban o’zining prokrastinatsiya haqidagi nutqida “faqat hoziri uchun rohat qidiruvchi maymuncha” misolida ajoyib tushuntirib bergan. (You tube dan qidirsangiz chiqadi)

Buni dangasalikdan ham
yomon deganimga sabab esa siz hech narsa qilmay “hamma narsa qilayapman” deb o’ylashingizdir. Shu shaklda oylar hattoki yillarni yo’qotgan kishi sifatida aytayapman sizga buni. Bu holatdan chiqib ketish uchun maqsadlar va harakatlarimizni qayta tahlil qilishimiz, o’zimiz uchun check listlar va deadline lar qo’yishimiz kerak fikrimcha.

Shu yergacha o’qigan bo’lsangiz tabriklayman. Sizda prokrastinatsiyadan qutulish foizi hali ham yuqori. Prokrastinatorlar sal uzunroq ma’lumotni ham oxirigacha yetkazmay o’tkazib yuborishadi odatda.

Harakatlarimizni tahlil qilish, qayta ko’rib chiqish va prokrastinatsiya, dangsalik bilan kurashish vaqti aynan hozirdan, shu ma’lumotlarni o’qigan paytingizdan boshlang. Keyinroq yana bu masalaga to’xtalamiz. Rivojlanish borasida esa sizga omad tilayman.

Manfaatli deb bilsangiz xohlagan yaqiningizga ham yuborishingiz mumkin )

@Jorayevjon

Hech qachon o’lmaydiganday yashayapmiz..

@Jorayevjon

Rejali ahmoq rejasiz donodan ko’ra yaxshiroq.

Anchadan beri ishlarni rejalashtirmay, shunchaki miyada o’ylab bajarib kelgan ekanman. Bugun hisob kitob qilib qarasam 3-4oy avval bajaraman deb o’ylagan ishlarimni 30%ini ham bajarmabman.

Lekin bitta e’tiborli joyi: qog’ozga yozilgan, rejalashtirilgan ishlarni 80% dan oshig’i bajarilgan.

Xulosa esa o’sha boshida aytganimiz: rejali ahmoq bo’lish, rejasizlikdan ko’ra yaxshiroq.(o’zimga eslatma)

@Jorayevjon

#tafakkur

Nima uchun biror sohada, ishda, o’qishda, oddiy biror nimani ta’mirlashda, xullas hamma hammasida muvaffaqiyatga erishsak, qo’limizdan bir ish kelsa bunga faqatgina o’z kuchimiz bilan erishganimizga katta ketamizu, boshimizga istalgan bir muvaffaqiyatsizlik kelsa yoki tuzgan rejalarimiz biz o’ylaganday chiqmasa hammasi peshonadan, qo’limizdan hech narsa kelmaydi deya Allohni eslab qolamiz. Aslida muvaffaqiyat ham qo’limizdan keladigan ish emas ediku.

Hammasi yagona, qodir Allohdan ekanligini doim yodda saqlash, tilda-yu dilda ta’kidlab yurish shunchalik qiyinmi?! - Ha, O’zi bildirib, anglatib, eslatib qo’ymasa qiyin ekan.

Hatto birovning vafoti ham biz uchun katta bir eslatma, O’zining ilhomi bo’lishi mumkin. Allohni eslayapmizmi, demak O’zi ilhom berib qo’yganidan ekan.

Barchamizni to’g’ri yo’liga hidoyat qilsin, O’zi ne’mat berganlarning yo’liga..

@Jorayevjon