Jazzda faqat qizlar

Ютубга жойланган охирги ўйин 1-раунди: “Ўзбек халқида кўп ибрали иборалар учрайди. “Иноқ оилада У ҳеч қачон бўшамайди” деган мақол бор. Диққат савол, гап нима ҳақида кетмоқда”.

Қизиқ тасодифни қарангки, ҳудди шу савол “Заковат” клубининг ўзида 2024 йил қишки мавсумида “Енгил кавалерия” жамоаси навбатчилигида ўйналган https://zakovatklubi.uz/open-question/view/22456 экан.


2-раунд саволи: “Белгиялик рассом Антонис Ван Дейк қаламига мансуб Англия қироли Карл I нинг сурати. 1635–1636 йилларда бу сурат негадир уч ракурсда чизилган. Уни Римлик таниши Лоренцо Бернини буюртма берган. Диққат савол, Бернинига бу сурат нега керак бўлган?”.

(Расмда)

Бу савол “Нима? Қаерда? Қачон?” ўйини бўйича Торонто чемпионатида 2008 йилда ўйналгани ҳақида саволлар базасида маълумот чиқиб турипти https://db.chgk.info/question/tor0708.4/19. Бундан ташқари Озарбайжондаги “Нима? Қаерда? Қачон?” ўйинининг 2011 йил 9 апрелидаги кўрсатувида Ровшан Аскеров жамоасига 9-раундда тушган экан.


3-раунддаги пиёз ва сазовотларни қопда сотадиган сотувчиларнинг ҳийласи ҳақидаги ҳаётий савол.

4-раундда “Усмонийлар даврида уйда бесўроқ отни сўйганлар қаттиқ жаримага тортилган экан. Диққат савол, нега турклар уйларида отларни сўйиш мумкин бўлмаган?”. Қизиқарли факт экан.

5-раунддаги суратли савол интернетда жуда кўп марта кўрилган сийқаси чиққан мем-сурат. “Заковат” даражасидаги савол қилишга, бунинг устига экранда ўйналишига умуман нолойиқ маълумот.

6-раунддаги қошиқ тўғрисидаги савол “Що? Де? Коли?” украин тилидаги ўйиннинг 2009 йил 14 ноябридаги кўрсатувида ўйналган экан. Эски муаммо, “Заковат”га бошқа давлатларда ўйналган саволларни таржима қилиб пул ишлаш.

7-раунддаги блиц-саволларидаги Тоғай Мурод ижоди бўйича тузилган саволга гап йўқ.

8-раунддаги супер-блиц. Нима учун “Заковат” клуби томонидан тузилган саволларни заковатчиларнинг ўзлари ўйнаши керак? Бу ерда манфаатлар тўқнашуви бордек туюлмаяптими? Ҳар бир жамоада “Заковат” ННТ ходими бўлган жамоаларга “ҳамкасблари” савол тузиб бериши ғалатимасми?

9-раундда Австралия ҳарбийларининг шляпаси ҳақида эди. Бу савол ҳам “Заковат” клубининг ўзида навбатчиликлардан бирида ўйналган савол экан https://zakovatklubi.uz/open-question/view/12247. Савол танқислигидан қийналаётган заковатчилар


10-раундга жуда жўн савол тушди.

Бу “Заковат”нинг баҳорги мавсумидаги биринчи ўйиннинг ўзидаги кузатув ва таҳлиллар. Ўйин якунида билимдон-заковатчилар ва томошабинлар қанчадан пул мукофотлари олишгани ҳисоблашни ўзиларга қолдирдим. Шуни билдимки, телевизорга чиқиб, ақлли кўриниш учун билимли бўлиш эмас, саволлар базасидаги ўйналган савол-жавобларни ёдлаб олиш кифоя экан. Айтганча, бу йилги юбилей мавсумда ғолибга автомобил берилиши айтилган. Ўйиннинг ҳаққонийлиги, жозибаси саволлар ҳисобланади. Агар қўйилаётган саволларни даражаси юқоридагидек бўлса, билимдонлар осон пул ютиб юришни маъқул кўришаётган бўлса унда бу ғирромлик. Бунақа нарсалар “миллий интеллектуал ҳаракат” бўлиши керак эмас.

Ayni paytda hayotcha yaxshi, shaxsiy hayot ham yo’lga qo’yilyapti, ammo zakovat nostalgiyasi bot-bot qiynab turadi.
Jazz shunaqa moodda xullas )

#longrid

Jamoamiz 2021-yil boshida tashkil topgan, zakovatga esa bir yil keyin bloger va jurnalistlar turniridan so'ng kelgandik. Deyarli 4 yildan buyon faqat qizlar nomini va ishtirokini ta'minlagan yagona jamoa bo'ldik deb ayta olaman.
Jazz bilan bog'liq juda ajoyib xotiralar bor, barcha a'zolari orasida. Jazzda eng yaqin do'stlarimizni, eng ajoyib davrani topdik, o'tgan hayotimizni quvnoq va baxtli o'tkazdik.
Turnirlar tashkil etilishi yaxshi albatta, bo'lmasa biz ham balki zakovatga kelmasdik, bilmasdik, bunday ajoyib davrani yaratmasdik.

O'yinlarimiz oddiy quiz o'yinlari, keyin zakovat, undan keyin uzoq bo'ladigan o'tirishlar, suhbatlar bilan o'tdi, ajoyib g'oyalar yaratildi, ba'zilari amalga ham oshdi, bunda Zakovat va Uzquiz ajoyib stimul bo'lib berdi.

Sahifamiz ham o'zimiz uchun eng quvnoq, kulgi va tanqidga to'la sahifaga aylandi, ba'zan kimlarnidir heyt qildik, ba'zan o'rinli tanqidlarni, muammolarni olib chiqdik, boshqa ishtirokchilarga minbar berdik, o'zgarishlar qilishga erishdik.

Har nening oxiri bo'lgani kabi Jazzning ham so'nggi kunlari keldi va bu qarorga kelish oson bo'lmadi, ishoninglar. Ba'zi sabablarni keltirib o'tsak:
- Azart yo'qolishi. Biz ilk kelgan paytdagi ishtiyoq va xohishni yo'qotib qo'ygandekmiz. To'g'ri, zakovatdan keyingi o'tirishlarimiz, tonggacha davom etadigan suhbatlarimizning bahosi yo'q, ammo zakovatsiz ham buni davom ettira olamiz degan qarorga keldik.

- Qariyb 3 yildan buyon haftaning so'nggi kunini faqat bir hobby uchun chegaralash, rejalarni shunga moslash odamni charchatadi.

- Xabaringiz bor, yangi mavsumni ikkinchi ligada boshlashimiz kerak. Albatta, ikkinchi liga juda zavqli, savollari o'zimiz istagan darajada, chunki biz trenka qilmaymiz, shuning uchun savollar darajasi bizbop deya olamiz, ammo vaqt masalasi juda noqulay, balki issiq kunlar kelsa, ikkinchi liga vaqti soat 17.00 ga ko'chirilsa, ligaga qaytish masalasini ko'rib chiqsa bo'ladi, ammo hozircha ishlaydiganlar uchun bu vaqt noqulay.

- Mas'ul idoralarning muammolarga ko'z yumishi. Deyl Akhmadi davrida bu borada qandaydir ijobiy o'zgarishlar bo'ldi, jamoatchilik fikri, media bilan ishlandi, ammo qariyb 3-4 oydan beri muammolarga ko'z yumish davri boshlandi, bu esa xafsalani pir qiladi. 2024-yilda qolib ketgan plakatlar, ventilyatsiya muammosi, hech qachon yechim topmas hojatxona, gigiyena masalalari, savollar reytingi, yozilsa, har hafta uchun mavzu bor, ammo ularga yechim beradigan mas'ul xodimlar holatga sust qarasa, nima ham deya olasan. Balki ularni ham tushunsa bo'lar, oyliksiz oylab ishlayotgan odamga qo'shimcha muammo kerakmas axir.

Yana boshqa ko'plab sabablarni keltirish mumkin, balki alohida yozarmiz yana. Jamoaning qaysidir a'zolari boshqa jamoada faoliyatini davom ettirishi mumkin, ba'zan nostalgiyaga tushgisi keladi odamni, tushunish kerak.

Jamoaga yigit olinishi o'zimizning eksperiment xazillardan biri edi, ayollar turniridan so'ng o'tirib, kimlar biz bilan o'ynagisi kelarkin deb yozgandik, natijada yangi tanishuvlar va yangi bilimdonlarni o'zimiz uchun kashf etdik, barchangizga rahmat. Aytgancha, Ayollar turniridagi savollar bu yil ancha sifatli va foydali bo'ldi. Respublika bosqichiga chiqmagan bo'lsak ham maza qilib o'ynadik, oxirgi o'yinimiz uchun yaxshi sabab bo'ldi deb ayta olaman.

Sahifa o'z faoliyatini davom ettiradi, unda yangi yo'nalishdagi va albatta zakovat, quizlardagi memlarni ham berib boramiz, ba'zan Xushnudni yomonlab ham turamiz, busiz iloji yo'q ).

Bizga chidagan, yaxshi va yomon ko'rgan barchaga o'z minnatdorchiligimizni bildiramiz. Tanqidlarimizga ba'zan yechim topib, ba'zan ignore qilgan Zakovat NNTning jonkuyar xodimlariga, trenerlik qilgan bilimdonlarga, izohlarimizni to'ldirib bergan Bobur Maksimov va boshqa urushqoq zakovatchilarga, online va offline qo'llab-quvvatlagan, ammo biz tanimaydigan boshqa bilimdonlarga ham alohida tashakkur bildiramiz.
Zakovat hayotimizning eng yoqimli xotirasi, eng sevimli hobbimiz bo'lib qoladi.

Biz barchangizni yaxshi ko'ramiz,
Hurmat bilan

Jazzda faqat qizlar 🖤🫶