Qaysi millatning ona tili o’z hojatini o’tay olmay, boshqa yot tillar oldida mag’lubiyatga uchrab, tiz bukar ekan, unday millat ko’p uzoqlamayoq insoniy huquqlaridan ajraydi va uning hayot daftarlari ustiga inqiroz qalami chekilishi shubhasizdir.

Bunday millatlar yolg’izgina vatanlaridan emas, balki butun borlig’i bilan tarix yuzidan yoqolishga majbur bo’ladilar.

Muallif Alixonto’ra Sog’uniy arab, fors tillarini mukammal bilganlar, lekin nima uchun o’z ona tillarida asar yozganlarini yuqoridagi so’zlar orqali tushuntirganlar.

Ulug’ ruhlik, to’liq aqllik kishilarning aytishlaricha, odam o’zida bor yaxshiliklaridan, ilm-hunar fazilatlaridan boshqalarga foyda yetgudek, keyingilar ibrat olgudek bir asar yozib qoldirishi, albatta, lozimdur.

Hozirgi zamonda, bu kitob emas, balki blog ko’rinishida bo’lishi mumkin. Rus, ingliz tillarini zo’r bilsangiz ham, o’z ona tilingizda blog yuritishga harakat qiling.

O’z ona tilimizni hurmat qilmasak, boshqalar ham hurmat qilmaydi.

Turkiston qayg’usi kitobidan parcha olindi.

@javokhir_hikmatullayev