Jasurbek's MetaGram

Bakalavrda 2-kursda o’qib yurgan paytlarimda dunyoning eng rivojlangan davlatlaridan birida ta’lim olayotgan bir talabaning ta’lim tizimimiz haqida aytgan fikrlari diqqatimni tortgandi. Postdan o’zim uchun foydali xulosalar chiqarganligim tufayli o’shanda bu postni saqlab qo’ygandim.

Bugun shaxsiy arxivimni ko’zdan kechirayotganimda o’sha postga ko’zim tushdi va uni o’z holicha taqdim etmoqchiman:

• Лондонда тили бурро тадбир уйиштириб "фаол" бўлганлар бир тийин экан.
• Мен ҳиндлар ва хитой, корейс ва япон талабаларини кўриб мактабдаги олган билимларига тан беряпман.
• Хуллас, мен шунчаки бўм-бўш мия билан магистратурага келиб қолибман. Масалан, гурухдаги ҳамма математикани чачворади. Сиз ўйлаган даражада эмас, яхши билади дегани хам эмас. Булар "чачворади". Шунақанги тенгламаларни улар мактабларидан ўрганиб келишганки, мен уларга ҳалиям ета олмаяпман.
• Компютерни, офис дастурларини, ҳар хил программалар ва дастурлашни ўзимча яхши биламан десам. Бутун гуруҳ, ҳа ишонинг, ҳар бири мендан яхши билади.
• Дунёқараш жиҳатидан ххҳам биз Марказий Осиё талабалари оқсоқ эканмиз. Улар шунақанги дунё таниган брендларни эгаларидан тортиб, улар нима ишлаб чиқарадию, қайси маҳсулоти яхши эканини билишади. Мен бўлса ҳалиям кофе турларини фарқига бормайман.
• Сиз ўзингизни Ўзбекистонда туриб "Келажак бизники, шу туришимда Ўзбекистонни дунёга танитаман" деманг.
• Мен шунақа деб хато қилганимни билдим. Биз ростдан юртимизни юқорига олиб чиқмоқчи бўлсак, ростдан ўқишимиз керак.
• Лондонга келиб билдим. Биз орқада эканмиз, кўп соҳада. Давлат сиёсати ёки иқтисодий нуқтаи назардан эмас, оддий мактабдаги асосий фанлар кўникмаларидан уларни амалиётга татбиқигача...
• Бизни яна энг катта айбимиз бу номзодларга катта рағбатлар беришимиз. Мисол учун: Бизнинг Навоий, Беруний ва Зулфияни олаётган болалар келиб Ню Йорк, Лондон, Токио ёки шунга ўхшаган шаҳарлардаги бизнес марказлардан юқори лавозим тугул қабулхонага хам ишга кира олмайди. Нега?
• Чунки у ерда биздаги "фаол талаба"дан олдин ҳинд ёки хитойлик ишга топшириб бўлган. Ундан устун бўлиш учун "Компаниям фахрим" деган видео ясаб келсангиз ўтмайди.
• Бу ерда, яъни Лондонда, яхши офис ишига киришингиз осмонўпар бинода ишлашингиз учун ростакам юзма юз интервью бўлади. Улар сиздан ютуқларингизни умуман сўрамайди. Улар сиздан "илм" сўрайди. Уларга сизнинг 2 та мақола орқали хар кимга бериладиган Қозоғистоннинг хусусий кўкрак нишонлари бир тийин. • Улар илм сўрайди.
• Хулоса: бу фикрлар ҳеч кимга қаратилмаган лекин, кўзимизни очишимиз керак. Дунё миқёсида бизнинг талабалар анча ортда. Сиздан илтимос "Мен энг фаол, энг зўр талабаман" деманг. Англияда сиз тенги одамлар анча бунча сизнинг ва бизнинг келажакдаги иш жойларимизни эгаллаб, қўлимиздан олиб бўлишмоқда...
• Ўқинг биродар...

Ўринов Ахмаджон

Maqol va matallar har bir millatning dunyoqarashini ko‘rsatadi

O’zbek xalq maqollaridan:

G‘unojin ko‘zini suzmasa, buqa ipini uzmaydi.

Dushmanning sovg‘asidan qo‘rq.

Shoshgan qiz erga yolchimas.

Bir balosi bo‘lmasa, shudgorda quyruq na qilur.

Qiz chiqarganga 40 yil tegma.

Kambag‘alni tuyani ustida it qopadi.

It vafo, xotin jafo.

Ingliz xalq maqollaridan:

Bir kun bitta olma yesang, bir yil tish doktorga bormaysan.

Ovqat yeyish uchun yashama, yashash uchun ovqat ye.

Pulni tejash - daromad olishga teng.

Ko’rinishiga qarab hukm qilmang.

Ikki bosh bir boshdan yaxshi.

Halollik - eng yaxshi siyosat.

Jasurbek’s MetaGram

Morgan Housel’ning o‘z o‘g‘liga yozgan maktubida - jamiyatimizdagi (afsuski) ko’plab insonlar ongida mavjud bo’lgan va tobora ommalashayotgan bir stereotip haqida o’z hayot tajribasiga tayanib, yozgan fikrlari bor ekan:

“Men o‘g‘limga tug‘ilgandan keyin yozgan maktubimda shunday so‘zlar bor edi:

Ehtimol, sen qimmatbaho mashina, chiroyli soat, katta uyga ega bo‘lishni yaxshi deb bilasan. Lekin men senga shuni ishonch bilan ayta olamanki, aslida sen buni o’zing uchun xohlamaysan. Sen aslida odamlar senga va senda bor narsalarga hayrat bilan munosabatda bo‘lishlarini xohlaysan va senga qimmat narsalar yordam berishi mumkin deb o‘ylaysan.
Aslida, bu deyarli hech qachon sodir bo‘lmaydi, ayniqsa sen hurmat va hayratni kutishni istagan odamlar haqida gap ketganda."

Jasurbek’s MetaGram

#tweet by unknown

When we are younger, we tend to dream of living in the bright future. When we get older, we tend to remember the good old days. We never learn to live today.

Jasurbek’s MetaGram

Ikigai

Nemis faylasufi Friedrich Nietzschening bir ajoyib fikri bor:

"Kim nima uchun yashayotganini bilsa, har qanday qiyinchiliklarni yenga oladi."

Hayotdagi maqsadlarni qo'yish bo'yicha fikr yuritgan vaqtimda bir xulosaga kelgan edim: Inson eng asosiy ikkita narsaga javobni aniqlab olishi kerak. Undan keyin esa unga yana ikkita savol qo'shib, kengaytirishi mumkin.

Javob topishi kerak bo'lgan aynan shu savollar yapon xalqining ikigai nomli konsepsiyasida namoyon bo'lgan.
Iki - yashash, gai - sabab, ya'ni yashash uchun sabab.

1. Sizga nima yoqadi?
Eng birinchi aniqlab olish kerak bo'lgan savol, sizga nima yoqadi? Maktab davridagi yoshlar aynan shu va ikkinchi savolga javob qidirish bilan band bo'lsa, hayotdagi maqsadlarini aniqlashda yordam beradi. Nima qilish sizga juda ham yoqadi, tekinga ham qilishga tayyorsiz?
Futbol o'ynash? Musiqiy asbob chalish? O'qitish? Kitob o'qish?

2. Qaysi narsada kuchlisiz?
Bunda har bir insonda o'ziga yarasha qobiliyatlar nazarda tutiladi. "Ikkichi" degan tushuncha noto'g'ri va bunday bo'lishi o'qituvchilarning katta aybi. Har bir o'quvchining qobiliyatlari bor va o'shani kashf etish maktab davrining asosiy e'tibori bo'lishi kerak. O'qituvchi ham, ota-ona ham, yosh bola ham.

3. Qaysi ishingizda pul topa olasiz?
Bunda albatta hayot davomida o'zingiz uchun, yashashingiz uchun pul topish nazarda tutiladi. Agar o'zingizga yoqadigan ishni tekinga qilishga tayyor bo'lsangiz, demak u uchun pul olishlik sizga qo'shimcha bonus bo'ladi. Pul ketidan quvib yurish bo'lmaydi, chunki siz o'zingiz yoqtiradigan narsa bilan bandsiz.

4. Dunyoga nima kerak?
Bu albatta insoniyatga foyda berish haqida. Bunda, kichik bir jamiyatingiz (mahalla, shaharcha) haqida bo'lishi mumkin, yoki keng ma'noda katta jamiyatlar (davlatingiz, musulmonlar, butun dunyo, balki tashqarisi ham) bo'lishi mumkin. Albatta, foydali ilm bilan shug'ullanish orqali o'zingizga va atrofdagilarga foydangiz tegadi.

Jasurbek’s MetaGram

#tweet

Your competition isn't other people.

Your competition is your procrastination. Your ego. The unhealthy food you're consuming, the knowledge you neglect. The negative behavior you're nurturing & your lack of creativity.

Compete against that.

Jasurbek’s MetaGram

Hozir ham o’zim uchun “favorite” filmlardan birini tomosha qilyapman.
Ushbu filmdan bir ajoyib iqtibos keltirmoqchiman:

Ehtiyot bo’l, ayol zotini yig’latma. Toki uning ko’zidan yumalagan har tomchi yosh uchun yaratganning oldida javobgarsan.

Ayol oyog’ingdan yaralmagan, uni toptasang, sendan yuksak bo’lishi uchun boshingdan yaralmagan.
U senga suyanchiq bo’lish uchun qovurg’angdan yaralgan, sevishing va sevilishing uchun yuraging ostidan yaralgan.

Jasurbek’s MetaGram

#RandomThoughts

Dam olish kunlarida o’zim yoqtirgan ko’rsatuv, podcast va filmlarni qayta ko’rishni yoqtiraman.
Aslida, menga yoqadigan media mahsulotlari juda kam.
Buning asosiy sababi, ko’rayotgan kontentimning sifati va foydaliligiga nisbatan talablarim yuqoriligi bo’lsa kerak.
Balki shungadir ularni qayta ko’rsam ham zerikmayman va ba’zan o’zim uchun yana yangi xulosalar chiqaraman.

@JN_MetaGram

Germaniyada “Die reinste Freude ist die Schadenfreude” degan maqol bor, bu maqol erkin tarjimada taxminan quyidagicha ma’noni beradi:

“Insonga ichiqoralik ya’ni ko’pchilik havas qiladigan insonlarning baxtsizligi - juda katta xursandchilik olib keladi”.

Uni sal o’zgartirib quyidagicha ifodalashimiz mumkin:

“Haqiqiy quvonch - boshqa odamlarning omadsizligi evaziga keladigan baxtdir”.

Atrofdagi do’st-u tanishlaringizdan bir qanchasi, siz biror yutuqqa erishganingizda o’zini xursand ko’rsatib, sizni tabriklashi mumkin, ammo, achchiq haqiqat shundaki, ular yutuqlaringizdan ko’ra muvaffaqiyatsizliklaringizdan ko’proq rohatlanishadi.

Doimo kamtar bo’lishimiz lozimligi haqida oldin ham bir nechta post yozgandim.
Shuni esda tutishimiz kerakki, bu dunyoda hech birimiz katta ahamiyatga ega emasmiz. Bu olamni tark etib, yuz yildan keyin unutilib ketamiz.

Shunday ekan, hayotimiz o’zgalarga o’z yutuqlarimiz haqida gapirib ularni zeriktirish uchun juda kamlik qiladi.

Agar chinakam muvaffaqiyatli bo’lsangiz, o’zingizni boshqalarga tanishtirishingizga ham ehtiyoj qolmaydi, insonlarning o’zlari sizning kimligingiz va nimalarga qodirligingiz haqida gapirishni, sizning amalga oshirgan ishlaringizni muhokama qilishni boshlashadi.

Umid qilamanki, ushbu postimni o’qiyotganlar - post boshida ta’kidlangan insonlar toifasiga kirmaydi.
Zero, inson chin dildan boshqalarning erishgan muvaffaqiyatiga havas qilsa va chalg’imasdan, o’z ustida ishlashda davom etsa, o’sha havas qilganlaridan ham ancha kattaroq muvaffaqiyatlarga erisha olishiga, hattoki, hayolida amalga oshirib bo’lmas darajada qiyin bo’lgan ishlar ham hayotida mo’jizadek sodir bo’lishi mumkinligiga hayotim davomida guvoh bo’ldim.

Hasad - rivojlanish yo’lidagi eng asosiy to’siqlardan biri.

Jasurbek’s MetaGram