Joriy yilning 12-mart kuni Istanbulda Turk davlatlari tashkiloti (TDT) Kotibiyati shtab-kvartirasi oldida maxsus bayroq ko‘tarish marosimi bo‘lib o‘tdi. Ushbu tadbir tashkilotning yangilangan bayrog‘iga rasmiy o‘tish jarayonining yakunlanganini ifodaladi. Marosimda tashkilotga a’zo davlatlarning yuqori martabali vakillari, jumladan, bosh kotib Kubanychbek Omuraliyev, O‘zbekiston, Ozarbayjon, Qozog‘iston, Qirg‘iziston va Turkiya tashqi ishlar vazir o‘rinbosarlari ishtirok etdi.