Энергетические итоги 2024 Uz

Изучили отчет и собрали самые важные показатели

uz Зеленые проекты: новости

Узбекистан сэкономил 1,5 млрд кубометров газа

Чистая Энергия ӏ Sof Energiya UZ

Для тех, кто заботится о зеленом будущем Узбекистана.

Statistika Saralanganlar

Islom Asilbekov

@islom_asilbekov

Kanal geosi va tili: O‘zbekiston, O‘zbekcha

Toifa: Bilim orttirish

"Буюк ақллар ғояларни, ўрта ақллар воқеаларни, майда ақллар эса инсонларни муҳокама қиладилар."
Кузатув, Талқин, Моҳият!!!

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Bilim orttirish

Statistika

Postlar filtri

O‘chirilganlarni yashirish

Repostlarni yashirish

Islom Asilbekov

17 Jan, 17:46

#кечинма

Эрта қайтган турналар

...Улар осмонда айланганида, баҳор нафаси деб ўйладим. Қишнинг совуғи энди ўтди, меҳрибон кунлар келаяпти, деб умид қилдим. Лекин турналарнинг эрта қайтиши менга оғир савол берди: "Нега бунча шошилдилар?"

Уларнинг қанотларида тинимсизликни кўрдим, ўзгача изтиробни ҳис қилдим. Гўё табиатнинг мусиқа қоидалари бузилган, гўё турналарнинг сафари жўшқин эмас, оғирдир. Осмонга қараб, уларнинг қиёфасида қувонч эмас, балки бехабарлик ва хавотир кўринди.

Эрта қайтган турналар – ҳеч қачон жойида турмайдиган дунёнинг рамзи, инсоннинг қалбидаги ўзгаришларнинг ифодаси. Улар жуда кўп нарса ҳақида ўйлашга мажбур қилади: ҳаётнинг тизими, инсон ва табиатнинг бирлиги, ёки ўз йўлингдан адашмасликнинг аҳамияти ҳақида.

Турналар қайтди, лекин улар билан бирга қалбимга янгича саволлар ва жавобсиз изтироблар кирди. Балки улар бизни ҳушёрликка чақираётгандир? Балки улар биздан кўра қайғули ҳамда донишманддир?!!

👉 @islom_asilbekov 👈

54 0 1 6

Islom Asilbekov

17 Jan, 13:12

#ибрат

Тулки дарёнинг нариги қирғоғида турган туядан сўради:
— Сув сатҳи чуқур эмасми?
Туя жавоб берди:
— Йўқ, елка баробар.
Тулки ўзини сувга отган эди дарё чуқурлигидан уни домига торта бошлади. У гоҳ сув ичига ғарқ бўлиб, гоҳ типирчилаб зўрға бошини сувдан чиқариб, аранг бир тошга тирмашиб жонини сақлаб қолди. Кейин хансираганча туяга бақирди:
— Сен дарёни елка баробар, демаганмидинг?!
Туя яна хотиржам жавоб берди:
— Ҳа, шундай, лекин у менинг елкам баробар.

П/С: Бировдан маслаҳат сўрасангиз, у ўз имкониятларидан келиб чиқиб маслаҳат бериши мумкинлигини ҳисобга олинг. Ҳамманинг ҳам кўрсатмалари ёки ҳаёт йўлини тўлиғича ўзингизга йўл тутманг. Йўқса, улар кечиб ўтган йўл, сизни ғарқ қилиши мумкин.

👉 @islom_asilbekov 👈

85 0 2 5

Islom Asilbekov

17 Jan, 09:19

#Bugungi_kun_hikmati

Буюк физик Стивен Хокинг айтганидек, биз яшаётган кичкинагина сайёра юз миллионлаб Галактикалар доирасида жойлашган ўртамиёна юлдуз атрофида айланади. Мана сизга бошқача нуқтаи назар! Уни қабул қилинг ва ўз ғам-ташвишларингизга эътибор қаратинг - наҳотки улар шунчалар улкан бўлса? Муаммоларингиз ўта жиддийми, тўсиқлар эса сиз тасаввур этган каби ўтиб бўлмас даражадами?

✍️ Робин Шарма
"Ўлсанг ким йиғлайди"

https://t.me/joinchat/AAAAAFkSiSlYvT9HNs4DrQ

320 1 4 5

Islom Asilbekov

16 Jan, 22:20

#таскин

"Қулупнай, қулупнай сотувчида бўлади. Нон эса, нонвойда. Бахтни ҳам ўша бахтни тақсим қилувчидан сўранг, манзилни эса мендан ҳам яхши биласиз...😊"

👉 @islom_asilbekov 👈

96 0 0 7

Islom Asilbekov

16 Jan, 18:55

Ҳаёт — бир йўл, лекин бу йўлда ҳамма нарса танловларга, бурилишларга ва чекланмаган йўналишларга бой. Ҳар қадамда инсон ўз томонини танлайди: умид томоними ёки умидсизлик? Қадриятларми ёки манфаатлар? Бироқ, дунёнинг ҳар бир томони бизни ўзига тортади. Баъзи томонлар ёруғликни ваъда қилади, баъзилари эса қоронғуликни.

Инсон қалбидаги чалкашлик ҳам мана шу танловларнинг кўплигидан. Кейинги қадам қаерга олиб боришини билмасдан туриб, хато қилиб қўйишдан қўрқасан. Баъзан йўналишлар шунчалик кўп бўладики, ҳатто нимани исташингни ҳам тушунмай қоласан. Ҳаётнинг гўзаллиги ва оғирлиги ҳам шунда — ҳар бир йўлда ўзингни йўқотишинг ёки топишинг мумкин.

Шундай экан, бу дунёда йўқолиб кетмаслик учун қалбингнинг қулоғини тинглаш керак. Томонлар қанча кўп бўлмасин, ҳақиқатга олиб борувчи йўл бор. У йўлни таниш учун фақат сабр ва самимийлик керак. Ҳар бир танловда ўзингни топишга ҳаракат қил ва ҳаёт йўлингни ўзинг ёрит.

👉 @islom_asilbekov 👈

105 0 2 5

Islom Asilbekov

16 Jan, 12:58

🇺🇿 Bazida insonlarni emas, kitoblarni sevishingizni xohlab qolaman...
🇹🇷 Bazen, insanları değil, kitapları sevmenizi çok isterim...

👉 @islom_asilbekov 👈

107 0 2 7

Islom Asilbekov

16 Jan, 09:03

#бекатдаги_ўйлар

Одамлар йулда кетаётса, бир чумоли қаршисида турган тоғнинг тошларини елкасига ортиб, четга чиқараётган эмиш.

Ундан нега бундай қилаётганини сўрашибди...
- Тоғнинг нариги томонида онам бор. Онамнинг олдига бориб-келишим учун тоғнинг ўртасини ёриб, ўзимга йўл қиляпман, - дебди.
Одамлар:
- Бу сенинг қўлингдан келмайди-ку, - дейишса,
- Қўлимдан келмаслик бахона бўлолмайди, - деган экан...

Мақсадлар сари дадил қадам босмас эканмиз, хар қандай оддий нарсалар хам қўлдан келмайди.

Исталса ва изланса хар қандай мақсадга йўл бор, дангаса инсонларгина бахоналар туфайли ўзларини тўхтатишади...

https://t.me/joinchat/AAAAAFkSiSlYvT9HNs4DrQ

164 0 7 6

Islom Asilbekov

16 Jan, 06:44

#Bugungi_kun_hikmati

Сиз бу ерга учма-уч кун кўриш учун келган эмассиз. Сиз бу ерга дунёда одамларнинг тўлақонлироқ яшаш, дадилроқ орзу қилиш ва ўз мақсадларига эришиш жараёнида янада ишончлироқ умидга эришиш йўлида имконият бериш учун келгансиз. Сиз бу ерга дунёни бойитиш учун келгансиз - агар бу вазифани унутар экансиз, демак ўзларингизни ўзларингиз фақирга айлантирасиз.

✍ Робин Шарма
"Ўлсанг ким йиғлайди"

https://t.me/joinchat/AAAAAFkSiSlYvT9HNs4DrQ

382 1 8 4

Islom Asilbekov

15 Jan, 20:08

📝 Яхшилик ва ёмонлик!

Бу дунёда ҳамма нарсанинг жавоби бор дейдилар. Тўғри гап! Аммо бу дунёда жавоб қилинмайдиган нарсалар ҳам бўлади.

Сен бировга яхшилик қилсанг, жавобини кутма. Ундан қайтмаса, бошқадан қайтади.

Биров сенга ёмонлик қилса, жавоб берма. Сендан қайтмаса, бошқадан қайтади!

✍ Ўткир Ҳошимов

👉 @islom_asilbekov 👈

157 0 6 5

Islom Asilbekov

15 Jan, 16:20

#бекатдаги_ўйлар

Инсон қалбида энг оғир ва энг чуқур из қолдирадиган нарса — унутилиш. Ҳар биримиз ҳаётимизда бир бор бўлса ҳам шундай туйғуни ҳис қилганмиз: кимгадир керакли бўлиш, эсда қолиш, кимнингдир қалбида яшаш истаги. “Унутма мени...” деган сўзлардагина эмас, балки инсон қалбининг нечоғли нозик ва эҳтиёжманд эканлигида яширин сир бор.
🦋

Унутилмаслик — бу ўзининг аҳамиятини билгиси келган қалбнинг илтимоси. Бировнинг эсда қолиши, унинг хотирасида тирик яшаш, бу ҳаётда из қолдириш орзуси. Лекин баъзан шу илтимос юракдан юракқа етмайди. Баъзан биз ҳақимиздаги хотиралар ҳаёт дарёсида секин-секин йўқолиб кетади.

🍀
Балки, унутилмасликнинг энг яхши йўли — бошқаларнинг қалбига эзгулик улашишдир. Қалблар ҳам ўрмон каби: сен қандай дарахт экиб кетсанг, ўша дарахтларнинг сояси сенинг исмингни сақлаб қолади.
🌸
Шундай экан, "Унутма мени..." деб сўрашдан кўра, ўзингга шундай савол бер: қалбларга шундай из қолдирдимми, у из абадий бўлади? Қалблар ўрмонида мен экиб кетган дарахтлар кимгадир соя бўла оладими? Агар жавоб "ҳа" бўлса, ҳеч қачон унутилмайсан.

👉 @islom_asilbekov 👈

114 0 2 4

Islom Asilbekov

15 Jan, 10:48

Guli Ikrom qizi dan repost

Ҳаммани тушунишга уриниш керак эмас. Шуниси қизиқроқ.
***
Ниманики ўйламаки, буни аллақачон сендан олдин қилиб бўлишган. Энг асосийси - уни яхшироқ бажариш.
***
Санъаткорнинг энг катта қарзи - адолатсизликка қарши курашиш.
***
Адолатли бўлиш учун, аввало меҳрибон бўлиш керак. Меҳрибон бўлиш эса барча инсонлар хато қилишини тушунишдир.
***
Энг йиртқич ҳайвон - инсон. У оч бўлмаса ҳам ўлдиради.

Адриано Челентан
https://t.me/Gulijon_ijod

112 0 4 7

Islom Asilbekov

15 Jan, 09:54

#ибрат_соҳилларида

Бир дарвеш қаттиқ муҳтожликка тушиб қолиб, яқин дўстининг гиламини ўғирлади. Ҳоким унинг қўлини кесишни буюрди. Гилам эгасининг дарвешга раҳми келиб:

- Мен унинг гуноҳини кечирдим, - деди.
- Сен кечирганинг билан шариат қонуни кечирмайди! - деди унга жавобан ҳоким.
- Тўғри айтасиз, лекин вақф молини ўғирлаган одамнинг қўлини кесмайдилар. Дарвешлардаги ҳамма нарса муҳтожларнинг вақфидир.

Ҳоким ўғрини афв этиб, маломат қилишга бошлади:
- Сенга дунё торлик қилдимики, келиб-келиб ўз дўстингнинг уйига ўғирликка тушибсан?

Дарвеш деди:
- Эй ҳоким, эшитмаганмисанки: "Душман эшигини қоққандан кўра, дўст уйини қоқлаган яхши, дейдилар... "

👉 @islom_asilbekov 👈

110 0 2 4

Islom Asilbekov

15 Jan, 08:05

🕊🤲💗

"Киши, Аллоҳдан бошқага эҳтиёжи йўқлигига ишонадиган бўлса, Аллоҳ ҳам уни Ўзидан ўзгага муҳтож қилмайди."

🍁💐🍃

👉 @islom_asilbekov 👈

114 0 7 8

Islom Asilbekov

15 Jan, 06:30

#Bugungi_kun_hikmati

Доим ёдда тутинг: дард - энг яхши устоз, омадсизлик эса муваффақиятга олиб борадиган энг қисқа йўл.

✍ Робин Шарма
"Ўлсанг ким йиғлайди"

https://t.me/joinchat/AAAAAFkSiSlYvT9HNs4DrQ

452 1 12 5

Islom Asilbekov

14 Jan, 16:32

#ибрат

Бир куни Бойлик, Илм ва Оқибат учрашиб қолишди.
Бойлик айтибди:
- Агар мен йўқолиб қолсам, хазиналарда бўламан.
Илм айтибди:
- Агар мен йўқолиб қолсам, китобларда бўламан.
Шунда жим ўтирган Оқибатга қараб:
- Сен йўқолсанг, қаердан топамиз? - деб сўрашганда, Оқибат:
- Мени йўқотиб қўйманглар. Агар мени йўқотиб қўйсанглар, ҳеч қаердан тополмайсизлар... - деган экан.

П/С: Биродарлар, орамиздан оқибат кўтарилмаслиги учун ушбу ривоятни яқинларимизга ҳам улашамиз!

@islom_asilbekov

142 0 6 7

Islom Asilbekov

14 Jan, 14:46

#мен_англаган_ҳақиқатлар

"Эгалари фахрланаётган қанчадан-қанча башанг пойабзаллар ичида йиртиқ пайпоқлар бор!" деган жумлани ўқиб, инсон ҳаётидаги ташқи кўриниш ва ички ҳолат ўртасидаги катта тафовутни ўйлаб қоласан. Ушбу жумладаги маъно нафақат оддий кийим-кечак ёки мол-мулк ҳақида, балки инсоннинг руҳияти, қадрияти ва ички дунёсига ҳам тегишли.

Бугунги кунда кўплаб одамлар ташқи кўринишга, буюмларга ва обрўга катта аҳамият беришади. Улар энг қиммат пойабзал, қимматбаҳо кийим ёки замонавий гаджетлар билан фахрланишга интилишади. Лекин ташқи "пўстлоқ" ортида қандай инсон яшаяпти? Унинг қалби соғломми, ҳаёти тўкисми? Ёки ўша башанг пойабзал ичида юракдан йиғлаётган, йиртиқ "пайпоқ"лар борми?

Ҳақиқат шундаки, ташқи зийнат инсоннинг бахтли эканлигини кўрсатмайди. Инсоннинг руҳий ҳолати, унинг қадриятлари ва қалби ичидаги уйғунлик унинг ҳақиқий бахтини белгилайди. Шундай экан, ташқи дунёда фахрланишдан кўра, ўз қалбимизга назар солишимиз ва уни мукаммал қилишга ҳаракат қилишимиз керак.

Яхшилик, самимият ва қалб софлиги — энг чиройли "пойабзал". Улар йиртиқ пайпоқлар билан эмас, ҳақиқий инсонлар билан бирга яшайди.

👉 @islom_asilbekov 👈

141 0 3 8

Islom Asilbekov

14 Jan, 08:38

#мен_англаган_ҳақиқатлар

🕋 Сени севаман, Каъбатулло... Бу сўзларни айтган инсон қалбининг чуқуридан келадиган туйғуларни тасвирлаб бериш осон эмас. Каъбага бўлган муҳаббат — бу нафақат илоҳий борлиққа бўлган севги, балки қалбни тинчликка, барқарорликка, ва Худога яқинликка интилтирувчи ихлосдир.

😊 🤲 Каъба — инсоннинг қалбига ва руҳига тиргак. Уни кўриш, атрофида айланиш, дуоларни осмонга йўллаш — бу қалбнинг энг юксак туйғуларини жонлантиради. Унинг олдида турганингда, ўзингни шунчалик кичик, шу билан бирга, Худога шунчалик яқин ҳис қиласан. Бу ерда дунё ташвишлари йўқолади, хотиржамлик ва умид қалбни тўлдиради.

❤️ 🕊 ... Бу муҳаббат инсонни юксакликка кўтаради, унинг ҳаётига маъно беради. Каъбага бўлган севги — бу фақатгина бир жойга бўлган ихлос эмас, балки Худога бўлган яқинлик ва ўзига бўлган эътиқод.

🤲 😍 Ҳар бир инсоннинг қалбида шундай Каъба бўлиши керак — уларни нурлантирадиган, тоза йўлга етаклайдиган, ҳақиқатга етаклайдиган маскан.

👉 @islom_asilbekov 👈

136 0 0 7

Islom Asilbekov

14 Jan, 06:09

#Bugungi_kun_hikmati

Сиз болаларингизга ҳадя этишингиз мумкин бўлган энг яхши совға - бу сизнинг улар учун ажратган вақтингиз. Сиз ўзингиз ўзингизга ҳадя этишингиз мумкин бўлган энг яхши совғалардан бири - ўз фарзандларингиздан қувониш ва уларда асл моҳиятни кўриш: бола - бу кичик мўжиза.

✍ Робин Шарма
"Ўлсанг ким йиғлайди"

https://t.me/joinchat/AAAAAFkSiSlYvT9HNs4DrQ

545 1 14 5

Islom Asilbekov

13 Jan, 20:04

#ибрат_соҳилларида

Ҳасан Басрийдан сўрадилар:
— Нима учун одамларнинг гапларига парво қилмайсиз?
— Туғилганимда бир ўзим туғилганман, ўлаётганимда ҳам бир ўзим ўламан. Қабрга ҳам бир ўзим кираман. Аллоҳ Таолонинг ҳузурида ҳисоб-китоб пайтида ҳам бир ўзим. Шундай экан, одамларнинг гапларидан менга нима наф!?

Сиз ҳамон одамларнинг гапларини ўйлаб юрибсизми!?

👉 @islom_asilbekov 👈

196 0 6 8

Islom Asilbekov

13 Jan, 13:45

Қалбингни чертмаган калималар сен учун ёзилмаган

Инсон кўп гап эшитади, кўп китоб ўқийди, кўп фикр эшитади. Лекин ҳар бир сўз қалбни ҳайратга солмайди, ҳар бир ёзув ҳамда ҳар бир нутқ инсоннинг руҳига тегмайди. Бу сўзлар ҳақиқий сеники эмас. Сен учун ёзилган сўзлар қалбингни силкиб, унинг энг чуқур қатламларига етиб бориши керак. Улар сени уйғотиши, фикрингни ўзгартириши ёки ҳис-туйғуларингни олиб чиқиши керак.
🍀 🌷 🌸
Баъзан шундай ҳодиса бўладики, оддий бир сўз сенинг бутун ҳаётингни ўзгартириб юбориши мумкин. Умидсизликка тўлиб турган бир дақиқангда "Ҳеч нарса тугамаган" деган бир гап, қалбингда янги нафас уйғотади. Ёки қувончли кунларингда бир сатр шеър, сени тубанликдан олиб чиқади, худди қуш қанотини кенг ёйиб, осмонга кўтарилгандек.
🍃 🪷 🍁
Шундай экан, қалбингни чертмаган калималарга бекор вақт сарфлама. Сен учун ёзилганини изла, сенинг ҳис-туйғуларингга ҳамоҳанг бўлганини топ. Чунки ҳақиқий ўзингни топиш ва руҳингга таъсир этувчи калималар — сенинг ҳақиқий йўлбошчингдир.

👉 @islom_asilbekov 👈

256 0 7 7

20 ta oxirgi post ko‘rsatilgan.

351

obunachilar

Kanal statistikasi

Kanalda mashhur

#Bugungi_kun_hikmati Agar siz itga suyak bersangiz, bu siz saxovat qildingiz degani emas. Agar ...

#ибрат_бекатида Бир Шайхни ҳузурига шогирдларидан бири келиб: — Устоз, дуоларим қабул бўлмаябди...

#Bugungi_kun_hikmati Ўз ўрнини вақтида тарк этишни билиш ҳақиқий етукликдир. Фақат ожизларгина қ...

#Bugungi_kun_hikmati Qancha ko‘p gapirsangiz, odamlar shuncha kam eslab qolishadi. ✍️ Fransua ...

#Bugungi_kun_hikmati Har bir kishiga kun davomida eng kamida o'n martda hayotini o'zgartirishga...