Iqtisodiyot

​​📉 S&P Dоw Jones Indices қўмитаси Tesla компаниясини S&P 500 таркибига киритишни рад етди, шу сабали компаниянинг акциялари 16.6 фоизга тушиб кетди. - Investing.com

Buning fonida Ilon Mask bir necha soat ichida 10 mlrd dollardan ortiq mablag yo'qotdi.

Essiz, Ilon aka ketmoningiz zo'r uchayotgan edi-ya?)

Kanalga ulanish 👉 @IqtisodiyotR

​​Buyuk Britaniya hali ham Yevropa Ittifoqi bilan erkin savdo shartnomasini tuzishi mumkin, ammo buning uchun oxirgi muddat - 15-oktabr, deyiladi Buyuk Britaniya bosh vaziri Boris Jonsonning bayonotida.

Yevropa Kengashining yig'ilishi 15 oktyabrga belgilangan. Agar o'sha kundan oldin kelishuvga erishilmasa, ikkala tomon ham "buni to'g'ri qabul qilib, davom etishi kerak", dedi Jonson.

Angliya, Yevropa Ittifoqi va Kanada o'rtasidagi bitimga o'xshab, Yevropa Ittifoqi bilan bitim tuzmoqchi, dedi bosh vazir oldinroq. Bu deyarli to'la bojsiz savdo qilish imkonini beradi, ammo tovarlarga bir qator bojxona tekshiruvlarini joriy qiladi va Buyuk Britaniya uchun muhim xizmat ko'rsatish bozorini qamrab olmaydi.

Agar kelishuv amalga oshmasa, Buyuk Britaniya va Yevropa Ittifoqi o'rtasidagi savdo aloqalari 2021 yil 1 yanvardan boshlab "Avstraliya modeli" bo'yicha davom etadi: bu mamlakat ham Yevropa Ittifoqi bilan erkin savdo shartnomasiga ega emas. Ammo London uchun bu "yaxshi natija" bo'ladi, dedi Jonson.

Kanalga ulanish 👉 @IqtisodiyotR

​​O‘zbekiston iyul oyida 11,6 tonna oltin eksport qilib, dunyo mamlakatlari orasida oltin sotish bo‘yicha mutlaq yetakchiga aylandi.

Jahon oltin kengashi (WGC) ma’lumotlariga ko‘ra, O‘zbekiston iyul oyida oltin sotish bo‘yicha mutlaq yetakchiga aylandi.

Mamlakat 11,6 tonna miqdorda oltin sotdi, shu bilan oltinning respublika eksportidagi ulushi 39,8 foizga yetdi.

Ikkinchi o‘rinni Mo‘g‘uliston (6,1 tonna) egalladi. Rossiya va Germaniya har biri 0,5 tonnadan eksport qilgan.

Xaridlar bo‘yicha, so‘nggi oylar singari, Turkiya birinchi o‘rinni egallab kelmoqda. WGCning taxminlariga ko‘ra, Turkiya 19,4 tonna oltin xarid qilgan. Qatar «oltin zaxirasi» 3,1 tonnaga, Hindiston — 2,8 tonnaga, Qozog‘iston — 1,9 tonnaga, Ukraina — 0,3 tonnaga ko‘payganligi ma’lum qilindi.

Iyul oyida jahon bozorida bir gramm oltinning o‘rtacha narxi 58 dollarni tashkil etdi. Bugungi kunda oltinning bozordagi narxi deyarli 62 dollarni tashkil etmoqda.

Avgust oyining boshida oltin unsiyasi (1 unsiya 28,35 grammga teng) narxi tarixiy rekord darajada ko‘tarilib, 2000 dollardan oshgan edi.

Besh yil ichida O‘zbekistonda oltin eksporti keskin o‘sib kelmoqda. Masalan, oltin eksporti 2015 yilda 823,9 mln dollarni, 2016 yilda 738,2 mln dollarni, 2017 yilda 1,6 mlrd dollarni, 2018 yilda esa 3,4 mlrd dollarni, 2019 yilda 4,9 mlrd dollarni tashkil etdi.

Kanalga ulanish 👉 @IqtisodiyotR

​​Nikola kompaniyasi Teslaning asosiy raqibi sifatida ko‘rilmoqda

Nikola kompaniyasi elektr yuk mashinalari startapidan yirik avtomobilsozlik sanoatiga o‘tib, Teslaning asosiy raqibiga aylanishi mumkin. Nikola yuk mashinalaring ishlab chiqarilishi 2024 yildan boshlanishi kutilmoqda.

Batafsil

Kanalga ulanish 👉 @IqtisodiyotR

​​Ilon Maskning ketmoni uchishda davom etmoqda.

Amerikalik ixtirochi-tadbirkor Ilon Mask dunyodagi eng boy odamlar ro‘yxatida uchinchi o‘ringa chiqib, ushbu ko‘rsatkich bo‘yicha Facebook asoschisi Mark Sukerbergni ortda qoldirdi. Bu haqda “Bloomberg” xabar berdi.

Ekspertlarning fikriga ko‘ra, dushanba kuni Tesla va SpaceX asoschisining boyligi 111,3 milliard dollardan oshdi.

Hisob-kitoblarga ko‘ra Mask, 110,5 milliard dollarlik aktivlarga ega bo‘lgan Facebook asoschisidan o‘zib ketdi.

Ikkinchi o‘rinni 125 milliard dollar bilan Amerikaning Microsoft korporatsiyasi asoschisi Bill Geyts egallagan bo‘lsa, birinchi o‘rinni dunyodagi eng yirik Internet savdo do‘koni asoschisi Jeff Bezos yegallab turibdi.

“Bloomberg”ning ta’kidlashicha, Maskning boyligi o‘sishining asosiy omili Tesla aksiyalari narxining keskin ko‘tarilishi bo‘lgan.

Agentlikning hisob-kitoblariga ko‘ra, yil boshidan buyon kompaniya aksiyalari qiymati 475 foizga oshdi va kompaniya asoschisi 76 milliard dollarga boyidi.

📊 @IqtisodiyotR

​​Yevropa Ittifoqi rasmiy Minskning roziligi bilan Belarusdagi inqirozga yechim izlashda ishtirok etishga tayyor, dedi Litva tashqi ishlar vaziri Linas Linkevichyus.

«Yevropa Ittifoqidagi hamma inqirozni hal etishda faol ishtirok etishni xohlaydi. Muammo shundaki, Belorusiyada hokimiyat rejimi har qanday muloqotga rozi emas "

Avval xabar qilinganidek, Yevropa Ittifoqining tashqi ishlar va xavfsizlik siyosati bo'yicha Oliy vakili Xosep Borrell Belorusiyada o'tgan prezidentlik saylovlarining natijalarini Yevropa Ittifoqi davlatlari tan olmasligini ta'kidlagandi.

📊 @IqtisodiyotR

​​TikTok ilovasi egasi xisoblanuvchi Xitoyning ByteDance kompaniyasi: AQShda ushbu dasturning aktivlarini sotish uchun XXR hukumatidan ruxsat talab qilinadi.

Sun'iy intellekt texnologiyalarini eksport qilishga Pekin tomonidan qo'yilgan yangi cheklovlar TikTok tomonidan ishlatiladigan texnologiyalarga ta'sir qiladi va ByteDance har qanday bitimni amalga oshirish uchun Xitoy hukumatidan ruxsat olishni talab qiladi.

Yangi qoida TikTokni sotish jarayonini kechiktirishga qaratilgan. Xabar qilinishicha, bitim noyabr oyida AQShda bo'lib o'tadigan prezident saylovlari yakuniga qadar qoldirilishi mumkin.

Avgust oyi boshida Microsoft, AQSh, Kanada, Avstraliya va Yangi Zelandiyada TikTok biznesini sotib olish bo'yicha muzokaralarni davom ettirayotganini e'lon qilib, 15-sentyabrgacha yakunlashni rejalashtirgan edi.

P.S: Bitta ilovaga egalik huquqini AQSH va Xitoy davlat siyosati darajasiga ko'tarib yuborishdi). Juda oshirib yuborishyapti menimcha, sizning bu borada fikringiz qanday?

Kanalga ulanish 👉 @IqtisodiyotR

​​Walmart TikTok sotib olinishida Microsoft bilan hamkorlik qilmoqchi.

"Biz ishonamizki, Walmart va Microsoft o'rtasidagi sheriklik nafaqat AQShning TikTok foydalanuvchilarining umidlarini ro'yobga chiqaradi, balki AQSh hukumatining talablarini ham qondiradi." deyiladi xabarda.

Manbalarga ko'ra, kelishuv 20 dan 30 milliard dollargacha bo'lishi mumkin.

Bloomberg xabariga ko'ra, TikTok-ga egalik qiluvchi Xitoyning ByteDance firmasi AQShning Oracle va Microsoft kompaniyasidan Walmart bilan hamkorlikda ijtimoiy tarmoqlar blokini sotib olish bo'yicha taklif olgan. Agentlik ma'lumotlariga ko'ra, bir hafta ichida kelishuvga erishilishi mumkin.

📊 @IqtisodiyotR

​​Turkiya tomonidan Qora dengizda yangi gaz koni ochilishi Anqara va Moskva o'rtasidagi hamkorlikni yo'lga qo'yishi mumkin, dedi moliya va G'aznachilik vaziri Berat Albayrak.

“Ushbu kashfiyot (Qora dengizdagi yangi gaz koni) bizga tabiiy gazni chet elga nisbatan arzonroq narxda olishimizga imkon beradi. Rossiya bizning ishonchli yetkazib beruvchimiz va biz hamkorlik haqida gaplashmoqdamiz "

Vazirning so'zlariga ko'ra, yangi gaz koni bir qator mahalliy kompaniyalarning obro'siga ijobiy ta'sir ko'rsatadi. Uning fikricha, TPAO (Davlat turk neft kompaniyasi) va BOTAS (Turkiya davlat neft va gaz kompaniyasi) IPO qilishi mumkin.

📊 @IqtisodiyotR

​​TikTok AQSH hukumatini sudga berdi

TikTok ijtimoy tarmog‘iga egalik qiluvchi Xitoy ByteDance kompaniyasi 24 avgust kuni AQSH sudiga shikoyat bilan murojaat qildi.

Kompaniya AQSH hukumatining mamlakat hududida TikTok faoliyatini taqiqlash bo‘yicha qaroriga qarshi chiqishga harakat qilmoqda.

«So‘nggi bir necha yil ichida barcha qatlamdagi odamlar TikTok jamiyatini qabul qildilar. Bugungi kunda 100 million amerikaliklar TikTokga o‘yin-kulgi, ilhom va bog‘lanish uchun murojaat qilishadi; son-sanoqsiz ijodkorlar o‘zlarining ijodlarini ifoda etish, keng ommaga ularni yetkazish va daromad olish uchun platformamizga suyanadilar; AQSHdagi 1500 dan ortiq xodimlarimiz har kuni ushbu platformani qurishga chin yurakdan o‘z xissalarini qo‘shadilar», — deyiladi murajaatnomada.

Kompaniya mamlakat bo‘ylab yana 10 ming atrofida yangi ish joylarini tashkil etilishini rejalashtirganini ma’lum qilgan.

Xitoy kompaniyasining ta’kidlashicha, Tramp ma’muriyati Amerika tomonining da’volarini e’lon qilganidan keyin TikTok egalari tomonidan olib borilayotgan keng ko‘lamli choralarni e’tiborsiz qoldirmoqda.

Kompaniya AQSHdagi foydalanuvchilarining shaxsiy ma’lumoti va xavfsizligini ta’minlash uchun tezkor choralar ko‘rilganini, shu jumladan, TikTokning bunday ma’lumotlarni (shaxsiy ma’lumot) Xitoydan tashqarida (AQSH va Singapurda) saqlash va TikTokning AQSHdagi ma’lumotlarini boshqa ByteDance mahsulotlarining ma’lumotlaridan alohida saqlashni ta’minlaydigan dasturiy to‘siqlar o‘rnatilayotganligini ma’lum qildi.

Oldinroq, Tramp TikTok 15 sentyabrgacha «Microsoft yoki boshqa juda amerikalik kompaniya» tomonidan sotib olinsa, uning faoliyat ko‘rsatishiga rozilik berishini ta’kidlagan edi. Biroq, kelishuvga ko‘ra, AQSH G‘aznasi ham hisobga olinishi, unga «ko‘p pul tushirilishi» kerak deyildi. Agar muddatidan oldin kelishuvga erishilmasa, u holda TikTok mamlakatda taqiqlanadi.

Kanalga ulanish 👉 @IqtisodiyotR

​​O‘zbekiston COVID-19 ga qarshi emlash dasturiga qo‘shildi

O‘zbekiston JSSTning COVAX (koronavirusga qarshi vaksina qilish) dasturiga qo‘shildi. Hozirda JSST portfelida koronavirusga qarshi 9 ta vaksina mavjud ekani aytilmoqda.

O‘zbekiston Jahon sog‘liqni saqlash tashkilotining COVAX (koronavirusga qarshi vaksinalash) xalqaro mexanizmiga qo‘shildi. Bu haqda Sog‘liqni saqlash vazirligi xabar berdi.

24 avgust kuni Jenevada bo‘lib o‘tgan brifingda Jahon sog‘liqni saqlash tashkiloti bosh direktori Tedros Gebreyesusning ma’lum qilishicha, koronavirusga qarshi vaksina ishlab chiqish va tarqatish bo‘yicha «COVAX» xalqaro mexanizmiga 172 davlat qo‘shildi. Ayni paytda JSST portfelida koronavirusga qarshi 9 ta vaksina mavjud ekani aytilmoqda.

Ma’lum qilinishicha, tashkilot barcha vaksina ishlab chiqaruvchilar bilan hamkorlik qiladi.

«Ushbu mexanizm barcha a’zo mamlakatlarning litsenziyalangan va tasdiqlangan vaksinalardan teng foydalanishni ta’minlashga qaratilgan», — deyiladi xabarda.

JSST bosh direktori COVAX mexanizmi doirasida vaksina ishlab chiqilgani har bir davlatning mahalliy vaksina ishlab chiqaruvchilarning alohida faoliyat yuritganidan afzalroq va bu yo‘l bilan pandemiya tezroq tugashini kutish mumkinligini bildirib o‘tdi.

«Vaksina millatchiligi faqat virusga yordam beradi. Xavfsiz va samarali vaksina ishlab chiqarilishi bilan COVAX ning taqsimlash mexanizmi orqali past va o‘rta daromadli mamlakatlarning barchasi o‘z vaqtida vaksina bilan ta’minlanadi», — deya ta’kidladi Tedros Gebreyesus.