Do'xtir, so'zlashlaring sudyaga o'xshash,
Har bitta gapingda qonun ustuvor.
Sen menga aytyotgan "siqilish, o'ylash...
Mumkin emas" , degan norma qayda bor?!

"Issig'ing bor, -deysan,
issig'ing" hadeb
Issig'i yo'qlardan asrasin Xudo.
Men dardsiz kesakka aylanmayin deb,
Har kuni dard so'rab qilaman duo.

Ahvolim og'irmas sen aytganchalik,
Yig'lash yo'q,
eplolsang, ko'nglimni cho'ktir.
Yuragin o'ldirib, yuraksiz yurgan
Ahvoli og'irlar yig'lasin, doʼxtir

©️Rashid Xo'jamov