Kitobiyat dan repost
🧛 “Drakula” asari haqida
31-yanvar, 2025.
Jo’rayev Otabekning kanaliga yozgan kundaliklaridan.
“Bugun Drakulani tugatdim.
To‘g‘risini aytsam, anchadan beri jiddiy mavzulardan uzoqroq bo‘lgan, sarguzashtga boy va adabiyot tarixida alohida o‘rin egallagan bir asarni o‘qimoqchi edim. Irlandiyalik yozuvchi Bram Stoker tomonidan yozilgan “Drakula” romani esa aynan shu istagimga javob berdi. O‘qib bo‘lishim bilan nafasimni tortib, bir oz o‘ylanib qoldim. Shu paytgacha kitob o’qib qo’rqqan holatim bo’lmagan edi. Asarning yozilish uslubi o‘ziga xos bo‘lib, bunday shaklda yozilgan kitobni birinchi marta o‘qishim. Yozuvchi asarni qahramonlar tomonidan yozilgan kundalik shaklida yaratar ekan, bu o‘quvchini yanada chuqurroq qahramonlarning ichki dunyosiga olib boradi. Men uchun aynan shu shakli juda qiziqarli bo‘ldi.
Bu kitob nafaqat dahshat janridagi eng mashhur asarlardan biri, balki vampir haqidagi zamonaviy tasavvurlarning shakllanishiga asos bo‘lgan durdona hisoblanadi. O‘qir ekansiz, faqat oddiy dahshat hikoyasi emas, balki insoniyat qo‘rquvlari, sirli va tushunarsiz narsalarga bo‘lgan hayrat, ilm va xurofot o‘rtasidagi kurashni ham ko‘rasiz.”
📖 Asar haqida qisqacha
Roman Jonatan Xarker ismli yosh advokatning Transilvaniyaga borishi bilan boshlanadi. U sirli graf Drakulaning qasriga yetib keladi va tez orada oddiy mehmon emasligini tushunadi. Drakulaning maqsadi esa faqat Transilvaniyada qolish emas – u Britaniya jamiyatiga kirib borishni va o‘z hukmini o‘rnatishni ko‘zlaydi. Ammo bu qonga chanqoq mavjudotning yo‘lida professor Van Xelsing boshchiligidagi bir guruh insonlar turadi…
🦇 Boshidan oxirigacha hayajon va sir-sinoatga to‘la ushbu roman — gotik dahshat janrining eng yorqin namunalaridan biri. Va horror janrga qiziqadigan har qanday kishiga tavsiya qilaman. Shubhasiz, shedevr)
“Tunning dahshatini bilganlargina tongning halovatini anglay olishadi.”
— “Drakula” asaridan
31-yanvar, 2025.
Jo’rayev Otabekning kanaliga yozgan kundaliklaridan.
“Bugun Drakulani tugatdim.
To‘g‘risini aytsam, anchadan beri jiddiy mavzulardan uzoqroq bo‘lgan, sarguzashtga boy va adabiyot tarixida alohida o‘rin egallagan bir asarni o‘qimoqchi edim. Irlandiyalik yozuvchi Bram Stoker tomonidan yozilgan “Drakula” romani esa aynan shu istagimga javob berdi. O‘qib bo‘lishim bilan nafasimni tortib, bir oz o‘ylanib qoldim. Shu paytgacha kitob o’qib qo’rqqan holatim bo’lmagan edi. Asarning yozilish uslubi o‘ziga xos bo‘lib, bunday shaklda yozilgan kitobni birinchi marta o‘qishim. Yozuvchi asarni qahramonlar tomonidan yozilgan kundalik shaklida yaratar ekan, bu o‘quvchini yanada chuqurroq qahramonlarning ichki dunyosiga olib boradi. Men uchun aynan shu shakli juda qiziqarli bo‘ldi.
Bu kitob nafaqat dahshat janridagi eng mashhur asarlardan biri, balki vampir haqidagi zamonaviy tasavvurlarning shakllanishiga asos bo‘lgan durdona hisoblanadi. O‘qir ekansiz, faqat oddiy dahshat hikoyasi emas, balki insoniyat qo‘rquvlari, sirli va tushunarsiz narsalarga bo‘lgan hayrat, ilm va xurofot o‘rtasidagi kurashni ham ko‘rasiz.”
📖 Asar haqida qisqacha
Roman Jonatan Xarker ismli yosh advokatning Transilvaniyaga borishi bilan boshlanadi. U sirli graf Drakulaning qasriga yetib keladi va tez orada oddiy mehmon emasligini tushunadi. Drakulaning maqsadi esa faqat Transilvaniyada qolish emas – u Britaniya jamiyatiga kirib borishni va o‘z hukmini o‘rnatishni ko‘zlaydi. Ammo bu qonga chanqoq mavjudotning yo‘lida professor Van Xelsing boshchiligidagi bir guruh insonlar turadi…
🦇 Boshidan oxirigacha hayajon va sir-sinoatga to‘la ushbu roman — gotik dahshat janrining eng yorqin namunalaridan biri. Va horror janrga qiziqadigan har qanday kishiga tavsiya qilaman. Shubhasiz, shedevr)
“Tunning dahshatini bilganlargina tongning halovatini anglay olishadi.”
— “Drakula” asaridan