Manzilli o‘rganishlar – ijtimoiy taraqqiyotning muhim asosi

🧠Ijtimoiy himoya milliy agentligi direktori boshchiligidagi ishchi guruh Surxondaryo viloyatida bo‘lib, hududdagi ijtimoiy himoya tizimi faoliyatini o‘rganish va takomillashtirish maqsadida qator uchrashuv va tahlillar o‘tkazdi.

👮‍♂️ Ishchi guruh dastlab, Surxondaryo viloyati tbbiy-ijtimoiy ekspert komissiyasi foliyatidagi nogironligi bor shaxslarni zamonaviy reabilitatsiya vositalari bilan ta’minlash hamda tizimda bo‘layotgan o‘zgarishlar, duch kelinayotgan muammolar haqida soha mutaxassislari bilan fikr almashildi.

🫰 Shuningdek, tazyiq va zo‘ravonlikdan aziyat chekkan ayollarga ko‘rsatilayotgan xizmatlar hamda reabilitatsiya markazining ishlash jarayonlari bilan tanishildi. Ayollarni qo‘llab-quvvatlash tizimlarini takomillashtirish bo‘yicha zarur tavsiyalar berildi.

↗️ Termiz shahrida qurilayotgan hududiy boshqarma binosiga tashrif davomida uning nogironligi bo‘lgan shaxslar harakatlanishi uchun moslashtirilganligi o‘rganildi. Ishlar sifatini yaxshilash va talablarni to‘liq bajarish bo‘yicha mas’ullarga ko‘rsatmalar berildi.

🔮 Shundan so‘ng, ishchi guruh Angor tumanidagi oilaviy mehribonlik uyiga tashrif buyurdi. Samimiy ruhda o‘tkazilgan suhbatda bolalarning manfaatlarini ta’minlash borasida olib borilayotgan ishlar, ularning oilaviy uylarda tarbiyalanishi ahamiyati, salohiyatini yuzaga chiqarish borasidagi imkoniyatlar yuzasidan fikr almashildi.

🇺🇿 Hududlarda o‘tkazilayotgan o‘rganish ishlari izchil davom ettirilmoqda. O‘rganish natijalari asosida ijtimoiy xizmatlar sifatini oshirish va aholining farovonligini ta'minlashga qaratilgan chora-tadbirlar ishlab chiqilmoqda.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz