Boʻldi, yetib keldik soʻnggi nuqtaga,
Endi qolish emas, kechmoqlik afzal.
Qayta boshlayverib bir muhabbatni,
Bagʻrini qonlarga boʻyadik har gal.
Boʻldi, endi kutish naf bermas sira,
Kechmoq va kechilmoq qismatdir balki.
Bizga oʻyin oʻynab toʻymagan dunyo,
Gʻalaba bayrogʻin koʻtarsin mayli.
Afsus, pushaymonga toʻldi ishqimiz,
Har safar men edim koʻzin yoshlagan.
Menda qolgan haqqing halol qilgin-u,
Boshqa manzil tomon qadam tashlagin.
Seni vafosiz deb qilmayman ta’na,
Bu galgi vidoni tanladim oʻzim.
Endi sensiz qolgan yurakkinamga,
Xudo berib tursin tuganmas toʻzim.
Arzimas insonman oʻzing aytgandek,
Menga dil bermagin uvoli tutar.
Ehtimol boshqaning qoʻlin ushlasang,
Peshonangdan oʻpib baxtlar ovutar.
✍️Ijrochidan
Endi qolish emas, kechmoqlik afzal.
Qayta boshlayverib bir muhabbatni,
Bagʻrini qonlarga boʻyadik har gal.
Boʻldi, endi kutish naf bermas sira,
Kechmoq va kechilmoq qismatdir balki.
Bizga oʻyin oʻynab toʻymagan dunyo,
Gʻalaba bayrogʻin koʻtarsin mayli.
Afsus, pushaymonga toʻldi ishqimiz,
Har safar men edim koʻzin yoshlagan.
Menda qolgan haqqing halol qilgin-u,
Boshqa manzil tomon qadam tashlagin.
Seni vafosiz deb qilmayman ta’na,
Bu galgi vidoni tanladim oʻzim.
Endi sensiz qolgan yurakkinamga,
Xudo berib tursin tuganmas toʻzim.
Arzimas insonman oʻzing aytgandek,
Menga dil bermagin uvoli tutar.
Ehtimol boshqaning qoʻlin ushlasang,
Peshonangdan oʻpib baxtlar ovutar.
✍️Ijrochidan