@ # # @ @ # # @

Қуёш каби меҳрингни тутма дариғ ҳеч кимдан.

Яхшилик тилолмасанг, ёмонлик қилма зимдан.

Бировга илинганинг ўзингга ҳам қайтади.

Гўзал хулқли инсонлар ҳақиқатни айтади.

Изингдан ғийбат қилиб, уялмаган бор,билсанг.

Қизғанчиқнинг кўзига кенг олам ҳам тор, билсанг.

Боқиманда бўлмоқлик номус, билсанг, ор билсанг.

" Интилганга толъе ёр " деган гап ҳам бор, билсанг.

Меҳнатнинг нони ширин машаққатли бўлса ҳам.

Роҳат қилиб туз тотсанг, кўнглингга йўламас ғам.

Элдан дуо ол ўртоқ, бахту иқбол кулади.

Очофатлар етимнинг ҳаққидан ҳам юлади.

Не эксанг шуни ўриб яшайдиган дунё -- бу.

Топганингни дўст билан ошайдиган дунё -- бу.

Эзгуликни шу боис, этманг ҳеч қачон канда.

Шунда Сизни Яратган ҳисоблар холис банда.

https://t.me/ijod_qalbi