@ Ҳ А Ё Т Д Е Р Л А Р @

Йигитга йўлдош от дерлар.
Гина мўминга ёт дерлар.
Илмни зўр нажот дерлар
Дўстим, буни ҳаёт дерлар.

Ким озғин, ким семиз бўлгай.
Оқил,ё бетамиз бўлгай
Қайғу, бахт изма - из бўлгай
Дўстим буни ҳаёт дерлар.

Неча очу, неча тўқдир
Кимда бору, кимда йўқдир
Ҳар жон нишон, ажал ўқдир
Дўстим, буни ҳаёт дерлар.

Гўзал юзлар бир кун сўлар
Ой гоҳ ярим, гоҳо тўлар
Пешанангда бори бўлар
Дўстим, буни ҳаёт дерлар.

Яхшидан боғ, ёмондан доғ
Қолади деб олдик сабоғ.
Гапларимга уйма қабоғ
Дўстим, буни ҳаёт дерлар.

Ҳавас қилсанг, гўзал дунё
Ҳасад қилсанг, ўсал дунё
Алмисоқдан, азал дунё
Дўстим, буни ҳаёт дерлар.


https://t.me/ijod_qalbi